Bæjarráð

3677. fundur 02. apríl 2020 kl. 09:00 - 12:20 Fjarfundur
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Hilda Jana Gísladóttir
  • Gunnar Gíslason
  • Sóley Björk Stefánsdóttir
  • Hlynur Jóhannsson áheyrnarfulltrúi
Starfsmenn
  • Ásthildur Sturludóttir bæjarstjóri
  • Dan Jens Brynjarsson sviðsstjóri fjársýslusviðs
  • Kristín Sóley Sigursveinsdóttir fundarritari
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá

1.Viðbrögð Akureyrarbæjar vegna COVID-19 faraldurs

Málsnúmer 2020030398Vakta málsnúmer

Farið yfir stöðu og viðbragðsáætlanir bæjarins. Lögð fram Aðgerðaáætlun Akureyrarbæjar - viðbrögð vegna áhrifa COVID-19 - fyrstu aðgerðir. Kynntar viðmiðunarreglur um útfærslu Akureyrarbæjar á nýju ákvæði í lögum um almannavarnir um borgaralega skyldu opinberra starfsmanna.

Bæjarfulltrúarnir Andri Teitsson, Eva Hrund Einarsdóttir, Heimir Haraldsson, Ingibjörg Ólöf Isaksen og Þórhallur Jónsson sátu fund bæjarráðs undir þessum lið. Einnig sátu fundinn undir þessum lið Halla Margrét Tryggvadóttir sviðsstjóri stjórnsýslusviðs og Inga Þöll Þórgnýsdóttir bæjarlögmaður.
Bæjarráð samþykkir aðgerðaáætlunina með fimm samhljóða atkvæðum.

2.Hjúkrunarheimili - nýbygging 2018-2022

Málsnúmer 2018120188Vakta málsnúmer

Lögð fram drög að samkomulagi um nýtt hjúkrunarheimili á Akureyri.

Bæjarfulltrúarnir Andri Teitsson, Eva Hrund Einarsdóttir, Heimir Haraldsson, Ingibjörg Ólöf Isaksen og Þórhallur Jónsson sátu fund bæjarráðs undir þessum lið.
Bæjarráð lýsir yfir vilja sínum til uppbyggingar hjúkrunarheimilis við Lögmannshlíð og felur bæjarstjóra að ræða við stjórnvöld um fyrirkomulag framkvæmda og samning.

3.Umsókn um stuðning vegna úttektar á rekstri málaflokks fatlaðra

Málsnúmer 2020020486Vakta málsnúmer

Lagt fram svar dagsett 30. mars 2020 frá Jöfnunarsjóði sveitarfélaga við umsókn Akureyrarbæjar um framlag til úttektar á rekstri málaflokks fatlaðs fólks í Akureyrarbæ.

Erindið var tekið til afgreiðslu og umfjöllunar á fundi ráðgjafarnefndar 27. mars 2020 og samþykkti nefndin að veita sveitarfélaginu framlag allt að 8 milljónir króna vegna framangreindrar úttektar.

Bæjarfulltrúarnir Andri Teitsson, Heimir Haraldsson og Þórhallur Jónsson sátu fund bæjarráðs undir þessum lið.
Bæjarráð lýsir yfir ánægju sinni með framlag Jöfnunarsjóðs sveitarfélaga og felur bæjarstjóra að láta gera úttektina.

4.Fjárhagsáætlun Akureyrarbæjar 2020 - viðauki

Málsnúmer 2019020276Vakta málsnúmer

Lagður fram viðauki 3.

Bæjarfulltrúarnir Andri Teitsson og Þórhallur Jónsson sátu fund bæjarráðs undir þessum lið.
Bæjarráð samþykkir viðauka 3 að fjárhæð 15,2 milljónir króna og vísar honum til staðfestingar í bæjarstjórn.

5.Fjárhagsáætlun Akureyrarbæjar 2021-2024

Málsnúmer 2020030454Vakta málsnúmer

Unnið að fjárhagsáætlun.

Bæjarfulltrúarnir Andri Teitsson og Þórhallur Jónsson sátu fund bæjarráðs undir þessum lið.

6.Lánasjóður sveitarfélaga - lántaka 2020

Málsnúmer 2020010444Vakta málsnúmer

Lagður fram lánssamningur frá Lánasjóði sveitarfélaga vegna láns til Akureyrarbæjar til fjármögnunar á fjárfestingum skv. framkvæmdaáætlun 2020.

Bæjarfulltrúarnir Andri Teitsson og Þórhallur Jónsson sátu fund bæjarráðs undir þessum lið.
Bæjarráð Akureyrarbæjar samþykkir að taka lán hjá Lánasjóði sveitarfélaga að höfuðstólsfjárhæð 800.000.000 kr. til 14 ára, með jöfnum 28 afborgunum ásamt vöxtum og verðbótum, í fyrsta skipti 5. október 2020 og lokagjalddaga 5. apríl 2034, í samræmi við skilmála að lánasamningi sem liggja fyrir á fundinum og bæjarráð hefur kynnt sér. Bæjarráð Akureyrarbæjar samþykkir að til tryggingar láninu (höfuðstólsfjárhæðinni, uppgreiðslugjaldi auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjur og framlög til sveitarfélagsins úr Jöfnunarsjóði sveitarfélaga. Er lánið tekið vegna byggingar leiksskóla, endurbóta á Glerárskóla og gatnagerðar í sveitarfélaginu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er bæjarstjóra, Ásthildi Sturludóttur kt. 100674-3199, veitt fullt og ótakmarkað umboð til þess f.h. Akureyrarbæjar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út og afhenda hvers kyns skjöl, fyrirmæli og tilkynningar sem tengjast lántöku þessari, þ.m.t. beiðni um útborgun láns.

7.Samþykkt fyrir frístundaráð

Málsnúmer 2018060517Vakta málsnúmer

Liður 7 í fundargerð frístundaráðs dagsettri 25. mars 2020:

Farið yfir breytingar á samþykkt fyrir frístundaráð meðal annars m.t.t. nýrrar mannréttindastefnu.

Bryndís Elfa Valdemarsdóttir starfandi deildarstjóri forvarna- og frístundadeildar sat fundinn undir þessum lið.

Frístundaráð samþykkir breytingar á samþykkt ráðsins og vísar þeim til endanlegrar samþykktar í bæjarráði og bæjarstjórn.

Bæjarfulltrúarnir Andri Teitsson og Þórhallur Jónsson sátu fund bæjarráðs undir þessum lið.
Bæjarráð frestar afgreiðslu.

8.Nökkvi siglingaklúbbur - framkvæmdir vegna uppbyggingarsamnings

Málsnúmer 2015030205Vakta málsnúmer

Liður 15 í fundargerð umhverfis- og mannvirkjaráðs dagsettri 6. mars 2020:

Lagt fram minnisblað dagsett 5. mars 2020 varðandi kostnaðaráætlun við byggingu húsnæðis fyrir siglingaklúbbinn Nökkva.

Umhverfis- og mannvirkjaráð vísar málinu til bæjarráðs.

Bæjarfulltrúarnir Andri Teitsson og Þórhallur Jónsson sátu fund bæjarráðs undir þessum lið.
Bæjarráð samþykkir að farið verði í bygginguna að uppfylltum ákveðnum skilyrðum er snúa að mögulegri samnýtingu við önnur félög, aðstöðu fyrir sjósund og að Nökkvi uppfylli skilyrði um fyrirmyndarfélag ÍSÍ. Er bæjarstjóra og formanni bæjarráðs falið að ræða við forsvarsmenn Nökkva.

9.Stjórn Hlíðarfjalls - fundargerðir 2020-

Málsnúmer 2020020378Vakta málsnúmer

Lagðar fram til kynningar fundargerðir 1. fundar stjórnar Hlíðarfjalls dagsett 11. febrúar 2020 og 2. fundar dagsett 11. mars 2020.

Fundargerðirnar má nálgast á heimasíðu bæjarins: https://www.akureyri.is/is/stjornkerfi/stjornsysla/fundargerdir/stjorn_hlidarfjalls

Bæjarfulltrúarnir Andri Teitsson og Þórhallur Jónsson sátu fund bæjarráðs undir þessum lið.

10.Gásakaupstaður - framtíð sjálfseignarstofnunarinnar og Miðaldadaga

Málsnúmer 2019030230Vakta málsnúmer

Lagt fram erindi dagsett 24. mars 2020 frá stjórn Gásakaupstaðar ses. þar sem óskað er viðbragða Akureyrarbæjar, sem stofnfjáreiganda, við tillögu stjórnar um að á fyrirhuguðum aukaaðalfundi félagsins verði stofnuninni slitið. Í kjölfarið er lagt til að eigendur stofnunarinnar geri með sér samstarfssamning um framkvæmd og fjármögnun Miðaldadaga.

Þórhallur Jónsson bæjarfulltrúi sat fund bæjarráðs undir þessum lið.
Bæjarráð samþykkir þær tillögur sem fram koma í erindinu um að sjálfseignarstofnunni verði slitið en lýsir jafnframt yfir vilja til að gera þriggja ára samstarfssamning um Miðaldadaga að því gefnu að aðrir stofnaðilar Gásakaupstaðar ses. taki þátt í verkefninu. Framlag til samstarfssamningsins verði 1 milljón króna á árinu 2020 og rúmast innan fjárhagsáætlunar.

11.Hverfisráð Hríseyjar - fundargerðir 2020

Málsnúmer 2020020443Vakta málsnúmer

Lögð fram fundargerð 134. fundar hverfisráðs Hríseyjar dagsett 29. mars 2020.

Fundargerðina má finna á netslóðinni: https://www.akureyri.is/is/stjornkerfi/stjornsysla/hverfisnefndir/hrisey/fundargerdir

Þórhallur Jónsson bæjarfulltrúi sat fund bæjarráðs undir þessum lið.
Bæjarráð vísar lið 1 til umhverfis- og mannvirkjasviðs, lið 2 til samfélagssviðs, lið 3a til bæjarstjóra og lið 3b til fulltrúa Akureyrarbæjar í fráfarandi verkefnisstjórn um Brothættar byggðir.

12.Umferðaröryggi við Merkigil - erindi frá íbúa

Málsnúmer 2020030728Vakta málsnúmer

Erindi frá íbúa sent í tölvupósti til bæjarfulltrúa 27. mars 2020 þar sem vakin er athygli á nauðsyn þess að bæta umferðaröryggi gangandi vegfarenda við Merkigil og settar fram tvær hugmyndir að lausn. Meðfylgjandi eru myndir til skýringar.
Bæjarráð vísar erindinu til skipulagssviðs.

13.Stjórn Sambands íslenskra sveitarfélaga - fundargerðir 2020

Málsnúmer 2020020118Vakta málsnúmer

Lagðar fram til kynningar fundargerðir stjórnar Sambands íslenskra sveitarfélaga, 879. fundar dagsett 28. febrúar 2020 og 880. fundar dagsett 27. mars 2020.

Fundargerðirnar má finna á eftirfarandi vefslóð: http://www.samband.is/um-okkur/fundargerdir-stjornar/searchmeetings.aspx

Fundi slitið - kl. 12:20.