Bæjarráð

3531. fundur 24. nóvember 2016 kl. 08:15 - 16:17 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Matthías Rögnvaldsson
  • Sigríður Huld Jónsdóttir
  • Gunnar Gíslason
  • Preben Jón Pétursson
  • Sóley Björk Stefánsdóttir áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Katrín Björg Ríkarðsdóttir aðstoðarmaður bæjarstjóra ritaði fundargerð
Dagskrá

1.Samband íslenskra sveitarfélaga - staða samningamála

2016110114

Karl Björnsson framkvæmdastjóri Sambands íslenskra sveitarfélaga, Halldór Halldórsson formaður Sambandsins og Inga Rún Ólafsdóttir sviðsstjóri kjarasviðs Sambandsins mættu á fund bæjarráðs.



Dan Jens Brynjarsson fjármálastjóri, Jón Bragi Gunnarsson hagsýslustjóri og Halla Margrét Tryggvadóttir starfsmannastjóri sátu fund bæjarráðs undir þessum lið.



Einnig sátu Dagbjört Elín Pálsdóttir bæjarfulltrúi S-lista, Eva Hrund Einarsdóttir bæjarfulltrúi D-lista og Njáll Trausti Friðbertsson bæjarfulltrúi D-lista fundinn undir þessum lið.
Bæjarráð þakkar fulltrúum Sambandsins fyrir komuna og upplýsandi umræður.



Bæjarráð Akureyrar skorar á stjórn Sambands íslenskra sveitarfélaga að boða sem allra fyrst til fundar með sveitarstjórnum til þess að ræða á lausnarmiðaðan hátt þá alvarlegu stöðu sem er yfirvofandi í grunnskóla- og tónlistarskólastarfi vegna kjaradeilna Félags grunnskólakennara og Félags tónlistarkennara við Samband íslenskra sveitarfélaga. Þar verði tekin umræða um það hvernig megi leysa þessar deilur, hvaða áhrif ákveðnar lausnir hafa á stöðu sveitarfélaganna og hvernig hægt er að móta samningsferli við aðildarfélög Kennarasambands Íslands þannig að komast megi hjá svo alvarlegum deilum sem iðulega koma upp í aðdraganda kjarasamninga við þessi félög.

2.Fjárhagsáætlun Akureyrarbæjar 2017-2020

2016050137

Unnið að gerð fjárhagsáætlunar.

Kl. 10:00 mættu þau Halla Björk Reynisdóttir formaður framkvæmdaráðs, Helgi Már Pálsson bæjartæknifræðingur og Dagbjört Elín Pálsdóttir formaður umhverfisnefndar á fundinn.

Kl. 10:45 mætti Guðríður Friðriksdóttir framkvæmdastjóri Fasteigna Akureyrarbæjar.

Kl. 11:15 mættu þeir Víðir Benediktsson formaður stjórnar Hafnasamlags Norðurlands og Pétur Ólafsson hafnarstjóri.

Kl. 11:45 mættu þeir Geir Kristinn Aðalsteinsson formaður stjórnar Norðurorku og Helgi Jóhannesson forstjóri Norðurorku.



Dan Jens Brynjarsson fjármálastjóri sat fund bæjarráðs undir þessum lið.



Einnig sátu bæjarfulltrúarnir Dagbjört Elín Pálsdóttir S-lista, Eva Hrund Einarsdóttir D-lista, Ingibjörg Ólöf Isaksen B-lista, Njáll Trausti Friðbertsson D-lista og Silja Dögg Baldursdóttir L-lista fundinn undir þessum lið.

3.Íþróttabandalag Akureyrar ÍBA

2016040029

Farið yfir málefni ÍBA. Geir Kristinn Aðalsteinsson formaður ÍBA og Ingibjörg Ólöf Isaksen formaður íþróttaráðs sátu fund bæjarráðs undir þessum lið.



Einnig sat Dan Jens Brynjarsson fjármálastjóri fundinn undir þessum lið.



Bæjarfulltrúarnir Dagbjört Elín Pálsdóttir S-lista og Eva Hrund Einarsdóttir D-lista sátu jafnframt fundinn undir þessum lið.

4.Reglur um réttindi, skyldur og launakjör embættismanna Akureyrarbæjar - endurskoðun

2016110076

Tekið fyrir að nýju, áður á dagskrá bæjarráðs 17. nóvember sl.

Lögð fram drög að breytingum á reglum um réttindi, skyldur og launakjör embættismanna Akureyrarbæjar.
Bæjarráð frestar afgreiðslu.

5.Stjórnsýslubreytingar 2016 - ráðning sviðsstjóra

2016090161

Bæjarstjórn staðfesti á fundi sínum 4. október sl. tillögur að breytingum á stjórnsýslu Akureyrarbæjar og skipan bæjarfulltrúanna Matthíasar Rögnvaldssonar og Sóleyjar Bjarkar Stefánsdóttur í innleiðingarhóp sem starfi með bæjarstjóra að framkvæmd breytinganna og ráðningu nýrra sviðsstjóra.

Í stjórnsýslubreytingunum fólst m.a. að lögð verða niður átta störf embættismanna og í staðinn voru auglýst fjögur störf sviðsstjóra. Nýtt skipurit Akureyrarbæjar tekur gildi 1. janúar 2017.

Bæjarstjóri kynnti ákvörðun um að gengið verði til samninga við Dan J. Brynjarsson um starf sviðsstjóra fjársýslusviðs, Kristin J. Reimarsson um starf sviðsstjóra samfélagssviðs, Höllu Margréti Tryggvadóttur um starf sviðsstjóra stjórnsýslusviðs og Guðríði Friðriksdóttur um starf sviðsstjóra umhverfis- og mannvirkjasviðs.



Eiríkur Björn Björgvinsson bæjarstjóri vék af fundi kl. 14.00.

6.Almennar íbúðir - lög nr. 52/2016 - stofnframlag

2016060056

Lögð fram drög að greinargerð verkefnahóps um aðkomu Akureyrarbæjar að uppbyggingu íbúðarhúsnæðis, ásamt tillögum að reglum um stofnframlög. Verkefnahópurinn leggur til að Akureyrarbær sæki um stofnframlag vegna byggingar 8 íbúða fyrir fólk með sérstakar húsnæðisþarfir árið 2017 og að veittir verði stofnstyrkir vegna 10 almennra íbúða að meðaltali á ári.



Einnig tekin til afgreiðslu umsókn Brynju hússjóðs öryrkjabandalagsins um stofnstyrk vegna kaupa á 5 íbúðum á árinu 2017 og kaupa og byggingu á 5 íbúðum á árinu 2018. Umsóknin var áður tekin fyrir í bæjarráði 21. júlí sl.

http://www.akureyri.is/is/stjornkerfid/fundargerdir/baejarrad/10294



Dan Jens Brynjarsson fjármálastjóri og Jón Hrói Finnsson framkvæmdastjóri búsetudeildar sátu fund bæjarráðs undir þessum lið.
Bæjarráð samþykkir reglur Akureyrarbæjar um stofnframlög.

Jafnframt samþykkir bæjarráð fyrirliggjandi umsókn Brynju hússjóðs öryrkjabandalagsins dagsett 13. júlí 2016 um 12% stofnstyrk vegna kaupa á 5 íbúðum á árinu 2017. Bæjarráð lýsir einnig yfir vilja til samstarfs við Búfesti húsnæðissamvinnufélag (áður Búseti á Norðurlandi).



Gunnar Gíslason D-lista, Preben Jón Pétursson Æ-lista og Sóley Björk Stefánsdóttir V-lista óska bókað: Við samþykkjum framlagða tillögu að reglum, þar sem þörfin er brýn, en gerum alvarlega athugasemd við það hve seint gögn vegna málsins voru lögð fram.

7.Þróun fasteignamats atvinnuhúsnæðis og álagning fasteignaskatta

2016090154

Erindi dagsett 15. nóvember 2016 frá Félagi atvinnurekenda (FA) þar sem óskað er eftir rökstuðningi Akureyrarkaupstaðar fyrir beitingu heimilda í lögum til að leggja álag á fasteignaskatt á atvinnuhúsnæði. Að auki óskar FA upplýsinga um hvort kostnaðarmat liggi að baki ákvörðunar sveitarfélagsins að beita álagsheimildinni.

Dan Jens Brynjarsson fjármálastjóri sat fund bæjarráðs undir þessum lið.
Bæjarráð frestar afgreiðslu erindisins.

8.Háskólinn á Akureyri - Vísindaskóli unga fólksins - styrkumsókn

2016110084

8. liður í fundargerð samfélags- og mannréttindaráðs dagsett 15. nóvember 2016:

Erindi frá Háskólanum á Akureyri, dagsett í tölvupósti 21. október 2016, þar sem óskað er eftir styrk vegna Vísindaskóla unga fólksins.

Samfélags- og mannréttindaráð vísar erindinu til bæjarráðs.

Dan Jens Brynjarsson fjármálastjóri sat fund bæjarráðs undir þessum lið.
Bæjarráð samþykkir styrk til Vísindaskóla unga fólksins að upphæð kr. 500.000 en gert er ráð fyrir þeirri styrkupphæð í fjárhagsáætlun ársins 2017.

9.Stytting vinnuviku

2016060105

2. liður í fundargerð bæjarstjórnar dagsett 21. júní 2016:

Sóley Björk Stefánsdóttir V-lista lagði fram eftirfarandi tillögu að bókun:

Bæjarstjórn Akureyrar samþykkir að fela bæjarráði að kostnaðargreina og skilgreina tilraunaverkefni um styttingu vinnutíma án launaskerðingar og leggja niðurstöður fyrir bæjarstjórn fyrir árslok 2016.



Bæjarstjórn samþykkir framlagða bókun með 11 samhljóða atkvæðum.

Dan Jens Brynjarsson fjármálastjóri sat fund bæjarráðs undir þessum lið.
Bæjarráð frestar afgreiðslu.

10.Viðtalstímar bæjarfulltrúa - fundargerð

2016100117

Lögð fram fundargerð viðtalstíma bæjarfulltrúa dagsett 17. nóvember 2016.
Bæjarráð vísar 1. og 3. lið til bæjarstjóra, 2. lið til framkvæmdadeildar, 4. lið til kynningar á skipulagsdeild og 5. lið til stjórnar Fasteigna Akureyrarbæjar sem falið er að taka málið til afgreiðslu í samráði við foreldra og í samræmi við fyrirliggjandi skýrslu um aðalskoðun leiksvæðis frá árinu 2015.

11.Hverfisnefnd Naustahverfis - fundargerðir

2016010036

Lagðar fram fundargerðir 72. og 74. fundar hverfisnefndar Naustahverfis dagsettar 22. mars og 3. október 2016.

Fundargerðirnar má finna á netslóðinni: http://www.akureyri.is/is/stjornkerfid/hverfisnefndir/naustahverfi/fundargerdir
Bæjarráð vísar 1. og 2. lið í fundargerð 72. fundar til framkvæmdadeildar, 3. liður er lagður fram til kynningar í bæjarráði.

Bæjarráð vísar 2. og 4. lið til skipulagsnefndar, 1., 3. og 5. liður eru lagðir fram til kynningar í bæjarráði.

12.Eyþing - aðalfundur 2016 - ályktanir

2016080089

Lagðar fram til kynningar ályktanir aðalfundar Eyþings sem haldinn var dagana 11. og 12. nóvember sl.

13.Menningarfélag Akureyrar (MAk) - aðalfundur 2016

2016100015

Lögð fram til kynningar fundargerð aðalfundar MAk.

Fundi slitið - kl. 16:17.