Velferðarráð

1207. fundur 15. apríl 2015 kl. 14:00 - 16:50 Fundarsalur á 2. hæð í Glerárgötu 26
Nefndarmenn
  • Sigríður Huld Jónsdóttir formaður
  • Jóhann Gunnar Sigmarsson
  • Halldóra Kristín Hauksdóttir
  • Svava Þórhildur Hjaltalín
  • Valur Sæmundsson
  • Guðrún Karitas Garðarsdóttir áheyrnarfulltrúi
Starfsmenn
  • Guðrún Ólafía Sigurðardóttir framkvæmdastjóri
  • Soffía Lárusdóttir framkvæmdastjóri
  • Halldór Sigurður Guðmundsson framkvæmdastjóri
  • Kristbjörg Björnsdóttir fundarritari
Dagskrá
Mætt var í Þórunnarstæti 99 kl. 14:00.
Fundur hófst kl. 14:40 í Glerárgötu 26.

1.Búsetudeild - kynning á starfsemi 2015

2015040057

Velferðarráð heimsótti skammtíma- og skólavistunina Þórunnarstræti 99, fékk kynningu á starfseminni og skoðaði húsnæðið. Fundurinn hófst kl. 14:00 með heimsókninni sem stóð yfir í 30 mínútur.

2.Grófin - geðverndarmiðstöð - ósk um fjárhagsstuðning

2014030277

Tekið fyrir að nýju erindi frá stjórn Geðverndarfélags Akureyrar og nágrennis dagsett 2. mars 2015, ósk um rekstrarstyrk fyrir Grófina - geðverndarmiðstöð, ásamt ársreikningum félagsins. Erindið var á dagskrá á síðasta fundi nefndarinnar þann 18. mars 2015.

Á fundi velgerðarráðs var lagt fram:

1. Ársreikningur Geðverndarfélags Akureyrar. Samkvæmt ársreikningi félagsins, sem rekur Grófina, á félagið töluvert eigið fé í árslok 2014 sem er tilkominn vegna sölu fasteignar Brálundar 1 (áður Álfabyggð 4) þar sem Akureyrarbær hafði rekið áfangaheimili fyrir fólk með geðraskanir.

2. Bréf dagsett 22. september 2008 með ákvörðun félags- og tryggingamálaráðuneytisins, þar sem tveir starfsmenn (LB og RK) samþykkja f.h. ráðherra, að ráðuneytið samþykki sölu Álfabyggðar 4, enda renni andvirði eignarinnar til sambærilegs úrræðis á Akureyri.

3. Yfirlýsingu formanns Geðverndarfélagsins, frá 8. febrúar 2007, þess efnis að félagið lýsir því yfir að það muni ráðstafa andvirði Álfabyggðar 4 til byggingar húsnæðis í þágu geðfatlaðra á vegum Akureyrarbæjar.
Velferðarráð telur verkefni Grófarinnar afar brýn fyrir einstaklinga sem glíma við geðsjúkdóma og aðstandendur þeirra, en telur að það sé hlutverk ríkisins að koma að fjármögnun slíkrar þjónustu og hafnar því erindinu. Velferðaráð telur hins vegar að andvirði sölu Brálundar 1 (áður Álfbyggð 4), sem ætlað var til byggingar húsnæðis í þágu geðfatlaða, verði vel varið við rekstur Grófarinnar næstu fimm árin. Hvetur velferðarráð stjórn Geðverndarfélagsins til að leita eftir heimild ráðherra velferðarmála til að verja fjármununum á þann hátt.

3.Lautin - athvarf fyrir fólk með geðraskanir

2012010115

Soffía Lárusdóttir framkvæmdastjóri búsetudeildar kynnti stöðu samninga vegna Lautarinnar 2015.
Soffía lagði fram endurskoðaða fjárhagsáætlun vegna reksturs Lautarinnar árið 2015. Búið er að draga saman í rekstri þar sem ekki fengust áætlaðir styrkir sem sótt var um. Þrátt fyrir það er fjárþörf að upphæð kr. 1.550.000 og óskar velferðarráð eftir heimild bæjarráðs fyrir aukafjárveitingu sem þeirri upphæð nemur. Að fengnu samþykki bæjarráðs hefur framkvæmdastjóri búsetudeildar heimild til að ganga frá samningi fyrir árið 2015.

4.Félagsmálaráð - rekstraryfirlit 2015

2015010045

Rekstraryfirlit deilda velferðarráðs fyrir janúar og febrúar lagt fram til kynningar.

5.Velferðarráð - vinabæjasamskipti 2015

2015040033

Lögð fram tilkynning/boð um næsta vinabæjamót í Västerås dagana 10.- 12. júní 2015. Umfjöllunarefni eða þema mótsins verður um velferðartækni í heimaþjónustu og á stofnunum, móttaka barna á flótta og vistunarúrræði barna og ungmenna, áherslur Västerås í fyrirbyggjandi starfi.
Velferðarráð samþykkir að einn fulltrúi frá ráðinu og einn starfsmaður frá búsetudeild fari á vinabæjamótið í Västerås og er forstöðumanni búsetudeildar falið að velja fulltrúa deildarinnar.

6.Stefnumótun og starfsáætlun velferðarráðs 2014-2018

2014090101

Lögð fram áætlun um hvenær hver og ein nefnd flytur erindi í bæjarstjórn um starfsáætlun og stefnu. Velferðarráð er áætlað með erindi 5. maí næstkomandi.

7.CONNECT - verkefnið

2014060231

Lagt fram minnisblað Halldórs Sigurðar Guðmundssonar framkvæmdastjóra ÖA dagsett 16. mars 2015 um Rai mat í heimaþjónustu og dagþjónustu.
Anna Marit Níelsdóttir verkefnastjóri á búsetudeild og Halldór Sigurður Guðmundsson lýstu matstækinu og áformum um notkun þess.

8.ÖA - stefna og starfsemi

2013010214

Framkvæmdastjóri ÖA, Halldór Sigurður Guðmundsson, lagði fram drög að samantekt um starfsemi ÖA á árinu 2014 fyrir ársskýrslu Akureyrarbæjar.

9.Búsetudeild - ráðstefna the Gentle Teaching International conference

2014120158

Frá búsetudeild voru mættir Kristinn Már Torfason forstöðumaður og Gestur Guðrúnarson deildarstjóri, frá Öldrunarheimili Akureyrar (ÖA) var mættur Halldór Sigurður Guðmundsson framkvæmdastjóri. Lögðu þeir fram upplýsingar um stöðu viðræðna við stjórn Alþjóðasamtaka Gentle Teaching um að halda árið 2016 alþjóðlega ráðstefnu samtakanna á Akureyri. Búsetudeild og ÖA óska eftir samþykki velferðarráðs til að halda alþjóðlega ráðstefnu samtakanna á Akureyri 13.- 15. september 2016.
Fulltrúar búsetudeildar og ÖA kynntu fjárhagsáætlun og fyrirkomulag alþjóðaráðstefnu Gentle theaching. Áætlað er að ráðstefnan standi undir sér fjárhagslega, kostnaður deildanna verður fólginn í greiðslu þátttökugjalda.
Velferðarráð telur jákvætt að ráðstefnan skuli haldin á Akureyri og veitir samþykki sitt fyrir því að búsetudeild og Öldrunarheimili Akureyrar haldi hana.

10.Aflið - systursamtök Stígamóta - styrkbeiðni - samstarfssamningur 2015

2015040043

Lagt fram erindi frá Aflinu dagsett 3. mars 2015 þar sem óskað er eftir viðræðum við Akureyrarbæ um endurnýjun og endurskoðun samnings um þjónustu Aflsins.
Velferðarráð býður starfsmönnum Aflsins að kynna starfsemi sína fyrir ráðinu og óskar jafnframt eftir ársreikningi félagsins.

11.Synjun fjárhagsaðstoðar

2015010172

Lagður fram til kynningar úrskurður Úrskurðarnefndar félagsþjónustu og húsnæðismála dagsettur 27. mars 2015.

12.Breytingar í nefndum 2014-2018

2015040050

Bæjarstjórn hefur á fundi sínum þann 7. apríl 2015 gert eftirfarandi bókun:
Lögð fram tillaga frá D-lista um breytingu á skipan aðalmanns og varamanns í velferðarráði svohljóðandi:
Svava Þórhildur Hjaltalín, kt. 241163-3269, tekur sæti aðalmanns í stað Oktavíu Jóhannesdóttur, kt. 241058-4419.
Heiðrún Ósk Ólafsdóttir, kt. 070981-4599, tekur sæti varamanns í stað Svövu Þórhildar Hjaltalín, kt. 241163-3269.

Fundi slitið - kl. 16:50.