Skipulagsnefnd

Landsskipulagsstefna 2015-2026 lögð fram til kynningar.

Skipulagsstjóri lagði fram tillögu að breytingu á deiliskipulagi Giljahverfis í samræmi við bókun nefndarinnar 14. september síðastliðinn. Um er að ræða breytingu á lóðamörkum og byggingareit milli húsa nr. 25-27 og 29-31 við Vættagil. Tillagan er unnin af Ágústi Hafsteinssyni hjá Arkitektastofunni Form, dagsett 26. október 2016.

Erindi dagsett 7. október 2016 frá Skipulagsstofnun þar sem kemur fram að Norðurorka hf. hafi sent Skipulagsstofnun frummatsskýrslu um hreinsistöð fráveitu á Akureyri. Samkvæmt 10. gr. laga nr. 106/2000 óskar Skipulagsstofnun eftir umsögn Akureyrarbæjar um mat á umhverfisáhrifum framkvæmdarinnar. Álitið skal gefið í samræmi við 24. gr. reglugerðar nr. 660/2015 um mat á umhverfisáhrifum. Umsögn óskast fyrir 4. nóvember 2016.

Erindi dagsett 6. september 2016 þar sem Stefán Eyfjörð Stefánsson f.h. ÍGF ehf., kt. 470596-2289, sækir um breytingu á deiliskipulagi fyrir Ægisnes 3. Tillagan er dagsett 28. september 2016 og unnin af Ómari Ívarssyni hjá Landslagi. Tillagan var grenndarkynnt 5. október 2016. Þeir sem genndarkynninguna fengu skiluðu inn samþykki sínu 11. október 2016 og telst grenndarkynningunni því lokið.

Erindi dagsett 25. apríl 2015 þar sem Pétur Ólafsson f.h. Hafnasamlags Norðurlands, kt. 650371-2919, sækir um breytingar á deiliskipulagi fyrir lóðir nr. 2-4 við Skipatanga og við reit nr. 19.17. Skipulagsnefnd tók málið fyrir 15. apríl 2015 og vísaði erindinu til vinnslu ramma- og deiliskipulags Oddeyrar. Erindið er lagt aftur fyrir skipulagsnefnd.

Erindi ódagsett frá stjórn Foreldra- og kennarafélags Síðuskóla og með vísan til aðalfundar hverfisnefndarinnar þann 11. nóvember 2015 er óskað eftir breytingum vegna umferðaröryggis á núverandi aðkomu að Síðuskóla samkvæmt meðfylgjandi tillögu.

Skipulagsnefnd frestaði erindinu á fundi 9. desember 2015 og fól skipulagsstjóra að vinna erindið áfram. Verkfræðistofan Efla vann skýrslu dagsett 8. maí 2014, síðast uppfærð 1. febrúar 2015 um umferðaröryggi og aðgengi við grunnskóla Akureyrar. Skipulagsstjóra var falið að láta vinna tillögur um úrbætur og leggja fram í skipulagsnefnd. Tillaga um úrbætur við Síðuskóla eru nú lagðar fram og lagt til að skipulagsnefnd heimili deiliskipulagsbreytingu í samræmi við tillöguna.

Skipulagsstjóri leggur til við skipulagsnefnd að breyting verði gerð á deiliskipulagi íþróttasvæðis Þórs, samhliða deiliskipulagi Melgerðisáss, og framtíðarsvæði fyrir kastíþróttir verði skilgreint.

Hjörleifur Árnason f.h. Akureyri Fish ehf., kt. 430316-0520, leggur inn fyrirspurn um hvort fengist að opna sölulúgu á vesturhlið hússins Skipagötu 12 með það fyrir augum að sækja um leyfi fyrir nætursölu. Myndir af tveimur hugsanlegum staðsetningum fylgja.

Erindi dagsett 6. október 2016 þar sem Tomasz Piotr Kujawski sækir um að hafa söluvagn í Hafnarstræti.

Erindi dagsett 17. október 2016 þar sem Helgi Þórsson sækir um leyfi til að hafa jólamarkað í söluskúr/hjólhýsi við Hafnarstræti norðan við Hafnarstræti 99-101. Sölutími yrði milli kl. 13:00 og 18:00 helgina 10.- 11. desember og dagana 16.- 24. desember 2016.

Skipulagsstjóri lagði fram tillögu að endurskoðaðri skilgreiningu og reglum vegna byggingarhæfi lóða. Tillagan var unnin í samráði við framkvæmdadeild Akureyrarbæjar og Norðurorku hf.

Gerð vinnureglna um bílastæði og úrtök úr kantsteinum vegna umsókna um breytingar eða ný bílastæði á lóðum.

Fyrirspurn frá Ágústi Hafsteinssyni fyrir hönd Magnum opus ehf., kt. 470714-0850, þar sem spurst er fyrir um hvort leyfi fengist fyrir sundlaug á lóðinni Krókeyrarnöf 21.

Erindi dagsett 21. október 2016 þar sem Aðalsteinn Ólafsson sækir um stækkun á lóð nr. 17 við Hamragerði. Meðfylgjandi er mynd.

Fundargerð dagsett 13. október 2016. Lögð var fram fundargerð 604. fundar með fullnaðarafgreiðslum erinda. Fundargerðin er í 6 liðum.

Fundargerð dagsett 20. október 2016. Lögð var fram fundargerð 605. fundar með fullnaðarafgreiðslum erinda. Fundargerðin er í 12 liðum.