Skipulagsnefnd

Skipulagslýsing var auglýst í Dagskránni 15. júlí 2015 og send til umsagnar.
6 umsagnir bárust:
1) Minjastofnun Íslands, dagsett 31. júlí 2015.
Engin athugasemd er gerð en bent er á að mæla þarf upp fornleifar og gera húsakönnun eins og kemur fram í lýsingunni.
2) Kirkjugarðar Akureyrar, dagsett 26. júlí 2015.
Engin athugasemd er gerð, en athygli er vakin á að við gerð deiliskipulagsins verði getið um þau sameiginlegu verkefni sem þeir óskyldu aðilar sem lóðina nýta þurfa að leysa í sameiningu.
3) Kirkjugarðaráð, dagsett 17. júlí 2015.
Engin athugasemd er gerð en bent er á að samráð skal haft við viðkomandi sóknarnefnd og kirkjugarðsstjórn. Bent er á lög nr. 36 frá 1993.
4) Skipulagsstofnun, dagsett 15. júlí 2015.
Engin athugasemd er gerð.
5) Norðurorka, dagsett 22. júlí 2015.
Bent er á lagnir Norðurorku, sjá kort.
6) Sóknarnefnd Lögmannshlíðar, dagsett 11. ágúst 2015.
Engin athugasemd er gerð.

Tillaga að breytingu á deiliskipulagi 'Hagahverfis' var grenndarkynnt 4. nóvember 2015 og lauk henni 16. nóvember þar sem allir sem grenndarkynninguna fengu höfðu skilað inn samþykki sínu. Um er að ræða minniháttar breytingar á uppdrætti, nýja lóð fyrir spennistöð Norðurorku og grenndarstöð fyrir endurvinnslugáma. Tillagan er unnin af Árna Ólafssyni hjá Teiknistofu Arkitekta, Gylfa Guðjónssyni og félögum ehf. dagsett 28. október 2015. Einnig er meðfylgjandi uppfærður deiliskipulagsuppdráttur af öllu hverfinu.

Skipulagsstjóri lagði fram tillögu að breytingu á deiliskipulagi í Sandgerðisbót vegna lóðar fyrir skolphreinsistöð sbr. bókun skipulagsnefndar þann 24. júní 2015.

Erindi dagsett 5. nóvember 2015 þar sem Ingólfur Freyr Guðmundsson f.h. Furuvalla 7 ehf., kt. 530212-0170, leggur fram fyrirspurn um breytingar á ákvæðum deiliskipulags fyrir lóðir nr. 2-12 við Austurbrú. Meðfylgjandi eru teikningar.
Á fundinn komu Ingólfur Freyr og Steingrímur Pétursson og gerðu nánari grein fyrir umbeðnum breytingum.

Erindi dagsett 6. október 2015 frá Ágústi Hafsteinssyni hjá Form ehf. þar sem hann f.h. Magnum Opus ehf., kt. 470714-0850, leggur fram tillögu að breytingu á deiliskipulagi Naustahverfis reits 28 og Naustagötu. Skipulagsnefnd heimilaði umsækjanda þann 28. október 2015 að leggja fram tillögu að breytingu á deiliskipulagi. Tillagan er unnin af Ágústi Hafsteinssyni hjá teiknistofnunni Form, dagsett 11. nóvember 2015.

Erindi dagsett 17. nóvember 2015 þar sem Guðmundur H. Sigurðarson f.h. Vistorku ehf., kt. 670515-0950, óskar eftir viðbrögðum skipulagsnefndar við tilraunarverkefni sem snýr að því að koma fyrir 6.000 lítra tanki við eða á lóð Norðurorku við Rangárvelli fyrir lífdísel ásamt dælu. Olían er fyrst og fremst ætluð til nota fyrir bíla á vegum sveitarfélagsins. Guðmundur kom á fundinn og kynnti málið.

Erindi dagsett 13. nóvember 2015 þar sem Fanney Hauksdóttir f.h. Nónbils ehf., kt. 551107-1830, spyrst fyrir um hvort leyfi fengist til breytinga á lóðinni nr. 24 við Austurveg í samræmi við meðfylgjandi tillögur eftir Fanneyju Hauksdóttur.

Erindi dagsett 30. október 2015 þar sem Torfi G. Yngvason f.h. Sea Safari ehf., kt. 710806-0200, sækir um lóð við Hofsbót fyrir aðstöðu vegna hvalaskoðunar. Ef ekki er hægt að verða við umsókninni er óskað eftir stöðuleyfi fyrir færanlegt húsnæði við Hofsbót þar til hægt er að byggja hús á svæðinu skv. deiliskipulagi.

Erindi dagsett 22. október 2015 þar sem Magnús Guðjónsson f.h. Ambassador ehf., kt. 551009-2620, sækir um lóð við Hofsbót/Torfunef fyrir aðstöðu vegna hvalaskoðunar. Meðfylgjandi er afstöðumynd. Ef ekki er hægt að verða við umsókninni er óskað eftir áframhaldandi stöðuleyfi fyrir færanlegu húsnæði á Torfunefsbryggju og einnig að stækka það þar til hægt verður að byggja hús á svæðinu skv. deiliskipulagi.

Erindi dagsett 16. júní 2015 þar sem Edda Andradóttir f.h. Drífu ehf., kt. 480179-0159, eiganda Hafnarstrætis 106, óskar eftir að brunastigi og flóttahurð á norðurhlið Hafnarstrætis 104 verði fjarlægð þar sem ekki sé um fullnægjandi flóttaleiðir frá hæðunum að ræða og með vísun í fyrirvara í samþykki eiganda Hafnarstrætis 106 frá 17. nóvember 2004. Innkomin andmæli eiganda efri hæða Hafnarstrætis 104 dagsett 28. október 2015.

Erindi dagsett 5. nóvember 2015 þar sem Drífa ehf., kt. 480173-0159, sækir um leyfi til að setja upp tvo ljósastaura fyrir framan hús nr. 106 við Hafnarstræti. Meðfylgjandi eru myndir.

Formaður skipulagsnefndar leggur til að í vinnuhópinn verði bætt fulltrúa frá framkvæmdadeild.

Erindi dagsett 16. nóvember 2015 þar sem Förli ehf., kt. 560712-1110, sækir um breytta notkun fyrir rými á 2. hæð í húsi nr. 5 við Ráðhústorg. Samþykkt notkun er skrifstofu- og þjónustustarfsemi en óskað er eftir að breyta húsnæðinu í gistiskála. Meðfylgjandi eru teikningar eftir Loga Má Einarsson.

Erindi dagsett 17. nóvember 2015 þar sem Guðni Hannes Guðmundsson f.h. Langabúrs ehf., kt. 461115-0200, sækir um leyfi til breytinga í rými 0104 í eign 225-7151 og leyfi til að setja skilti á húsið nr. 4 við Gránufélagsgötu. Um er að ræða verslun með vörur beint frá býli. Meðfylgjandi eru teikningar eftir Þröst Sigurðsson.

Fundargerð dagsett 28. október 2015. Lögð var fram fundargerð 561. fundar með fullnaðarafgreiðslum erinda. Fundargerðin er í 5 liðum.

Fundargerð dagsett 4. nóvember 2015. Lögð var fram fundargerð 562. fundar með fullnaðarafgreiðslum erinda. Fundargerðin er í 6 liðum.

Fundargerð dagsett 12. nóvember 2015. Lögð var fram fundargerð 563. fundar með fullnaðarafgreiðslum erinda. Fundargerðin er í 5 liðum.

Skipulagsstjóri leggur fram drög að samkomulagi um breytt staðarmörk Akureyrarkaupstaðar og Hörgársveitar byggt á aðalskipulagsbreytingu sem tók gildi 24. september síðastliðinn.