Deiliskipulag Hvannavalla 10-14

Málsnúmer 2021120847

Vakta málsnúmer

Skipulagsráð - 372. fundur - 22.12.2021

Lögð fram lýsing skipulagsverkefnis vegna deiliskipulags sem nær til lóða nr. 10-14 við Hvannavelli til samræmis við samþykkt skipulagsráðs frá 24. nóvember 2021 (mál 2021090328).
Skipulagsráð samþykkir að lýsingin verði kynnt skv. 3. mgr. 40. gr. skipulagslaga nr. 123/2010.

Skipulagsráð - 375. fundur - 09.02.2022

Kynningu skipulagslýsingar skv. 3. mgr. 40. gr. skipulagslaga nr. 123/2010 er lokið. Fjórar athugasemdir bárust og eru þær lagðar fram til kynningar nú. Þá liggja einnig fyrir umsagnir Minjastofnunar Íslands og Norðurorku.
Skipulagsráð felur skipulagsfulltrúa að vinna áfram að gerð deiliskipulags þar sem tekið verði tillit til athugasemda sem borist hafa. Felur það í sér að bygging á lóð Hvannavalla 10-14 verði að hámarki fjórar hæðir með efstu hæðina inndregna og að sett verði kvöð um skjólvegg á lóðamörkum Hvannavalla 10-14 og Sólvalla.

Skipulagsráð - 378. fundur - 23.03.2022

Á fundi skipulagsráðs þann 9. febrúar sl. var skipulagsfulltrúa falið að vinna áfram að gerð deiliskipulags fyrir Hvannavelli 10-14 með þeim skilmálum að bygging á lóðinni verði að hámarki fjórar hæðir með efstu hæðina inndregna og að sett verði kvöð um skjólvegg á lóðamörkum.

Er nú lögð fram endurskoðuð tillaga lóðarhafa að uppbyggingu fjölbýlishúss á lóð Hvannavalla 10-14 þar sem byggingin verður áfram fimm hæðir en til að minnka áhrif skuggavarps á hús austan lóðarinnar hefur byggingunni verið hliðrað til vesturs auk þess sem útliti hennar hefur verið breytt.

Meirihluti skipulagsráðs hafnar erindinu. Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Er skipulagsfulltrúa falið að vinna áfram að gerð deiliskipulags fyrir svæðið á þeim forsendum sem koma fram í bókun ráðsins frá 9. febrúar sl.

Þórhallur Jónsson D-lista situr hjá við afgreiðslu málsins og óskar bókað eftirfarandi:

Ég tel að það sé ekki ástæða til að hafna erindinu þar sem sýnt er fram á að með tilfærslu hússins innan byggingarreits og breyttri hönnun að skuggavarp komi ekki til með að aukast með þessari hækkun og sé sambærilegt við þá tillögu sem áður var samþykkt. Mikilvægt er að við hefjum uppbyggingu Oddeyrar þar sem þetta er okkar besti staður til að þétta byggð og spara í rekstri bæjarins.

Skipulagsráð - 385. fundur - 10.08.2022

Lögð fram til kynningar drög Landslags teiknistofu að deiliskipulagi fyrir Hvannavelli 10-14.
Skipulagsráð felur skipulagsfulltrúa að leita eftir umsögn lóðarhafa innan skipulagssvæðisins um fyrirliggjandi drög að deiliskipulagi.

Skipulagsráð - 388. fundur - 28.09.2022

Lögð fram tillaga Landslags ehf. á vinnslustigi að deiliskipulagi fyrir Hvannavelli 10 - 14 ásamt umsögn Norðurorku um tillöguna.

Tillagan var send lóðarhöfum innan svæðisins til umsagnar, engar ábendingar bárust.
Skipulagsráð samþykkir framlagða tillögu á vinnslustigi og að hún verði kynnt skv. 4. mgr. 40. gr. skipulagslaga nr. 123/2010. Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð - 392. fundur - 23.11.2022

Kynningu á drögum að deiliskipulagi fyrir Hvannavelli 10-14 lauk 5. nóvember sl.

Fjögur athugasemdabréf bárust auk umsagna frá Minjastofnun Íslands og Norðurorku.
Meirihluti skipulagsráðs leggur til við bæjarstjórn að hún samþykki framlagða tillögu að deiliskipulagi með þeirri breytingu að byggingarreitur við Furuvelli færist innar á lóð þannig að framhlið byggingar verði í beinni línu við byggingar við Furuvelli 1 og 3 og að tillagan verði auglýst skv. 1. mgr. 41. gr. skipulagslaga nr. 123/2010.

Jón Hjaltason greiðir atkvæði gegn tillögu skipulagsráðs.

Bæjarstjórn - 3520. fundur - 06.12.2022

Liður 4 í fundargerð skipulagsráðs dagsettri 23. nóvember 2022:

Kynningu á drögum að deiliskipulagi fyrir Hvannavelli 10-14 lauk 5. nóvember sl.

Fjögur athugasemdabréf bárust auk umsagna frá Minjastofnun Íslands og Norðurorku.

Meirihluti skipulagsráðs leggur til við bæjarstjórn að hún samþykki framlagða tillögu að deiliskipulagi með þeirri breytingu að byggingarreitur við Furuvelli færist innar á lóð þannig að framhlið byggingar verði í beinni línu við byggingar við Furuvelli 1 og 3 og að tillagan verði auglýst skv. 1. mgr. 41. gr. skipulagslaga nr. 123/2010.

Jón Hjaltason greiðir atkvæði gegn tillögu skipulagsráðs.

Halla Björk Reynisdóttir kynnti.
Bæjarstjórn samþykkir með 10 atkvæðum framlagða tillögu að deiliskipulagi með þeirri breytingu að byggingarreitur við Furuvelli færist innar á lóð í samræmi við bókun skipulagsráðs. Jafnframt samþykkir bæjarstjórn að tillagan verði auglýst skv. 1. mgr. 41. gr. skipulagslaga nr. 123/2010.

Brynjólfur Ingvarsson óflokksbundinn greiddi atkvæði gegn tillögunni.

Skipulagsráð - 400. fundur - 12.04.2023

Auglýsingu tillögu að nýju deiliskipulagi fyrir Hvannavelli 10-14 lauk þann 31. janúar sl.

Sex athugasemdir bárust. Umsagnir bárust frá Norðurorku og Minjastofnun Íslands.
Skipulagsráð frestar afgreiðslu og felur skipulagsfulltrúa að skoða hvort finna megi aðra staðsetningu á fyrirhugaðri spennustöð. Skipulagsfulltrúa er jafnframt falið að útbúa tillögu að svörum við innkomnum athugasemdum og leggja fyrir næsta fund.


Jón Hjaltason óflokksbundinn óskar bókað eftirfarandi:

Undirritaður tekur undir áhyggjur og gagnrýni íbúa við Sólvelli 9, 11, 13 og 15 og hvetur skipulagsráð til að endurskoða ákvörðun sína frá 28. september sl. og fara að óskum íbúa sem eru vel rökstuddar. Undirritaður styður ítrustu ósk íbúanna um að væntanlegt fjölbýlishús við Hvannavelli 10 verði ekki hærra en tvær hæðir og tekur eindregið undir þá skynsamlegu ábendingu að í þéttri byggð á okkar breiddargráðu er óskynsamlegt að hæstu byggingarnar standi syðst á þéttingarreitum.

Skipulagsráð - 402. fundur - 10.05.2023

Auglýsingu tillögu að nýju deiliskipulagi fyrir Hvannavelli 10-14 lauk þann 31. janúar sl. Sex athugasemdir bárust. Umsagnir bárust frá Norðurorku og Minjastofnun Íslands.

Málið var áður á dagskrá skipulagsráðs 12. apríl sl. Var afgreiðslu frestað og skipulagsfulltrúa falið að skoða möguleika á tilfærslu fyrirhugaðrar spennistöðvar. Er tillaga skipulagsfulltrúa að svörum við efni athugasemda lögð fram ásamt deiliskipulagstillögunni þar sem m.a. er lagt til í samráði við Norðurorku að fallið verði frá uppsetningu spennistöðvar syðst á lóðarmörkum Hvannavalla 14 að svo stöddu.
Meirihluti skipulagsráðs leggur til við bæjarstjórn að hún samþykki framlagða tillögu að deiliskipulagi með breytingum eftir auglýsingu sem felast í því að spennistöð er felld út. Þá leggur skipulagsráð til við bæjarstjórn að hún samþykki tillögu skipulagsfulltrúa að svörum við efni athugasemda.

Jón Hjaltason óflokksbundinn greiðir atkvæði gegn tillögunni.

Bæjarstjórn - 3529. fundur - 16.05.2023

Liður 2 í fundargerð skipulagsráðs dagsettri 10. maí 2023:

Auglýsingu tillögu að nýju deiliskipulagi fyrir Hvannavelli 10-14 lauk þann 31. janúar sl. Sex athugasemdir bárust. Umsagnir bárust frá Norðurorku og Minjastofnun Íslands. Málið var áður á dagskrá skipulagsráðs 12. apríl sl. Var afgreiðslu frestað og skipulagsfulltrúa falið að skoða möguleika á tilfærslu fyrirhugaðrar spennistöðvar. Er tillaga skipulagsfulltrúa að svörum við efni athugasemda lögð fram ásamt deiliskipulagstillögunni þar sem m.a. er lagt til í samráði við Norðurorku að fallið verði frá uppsetningu spennistöðvar syðst á lóðarmörkum Hvannavalla 14 að svo stöddu.

Meirihluti skipulagsráðs leggur til við bæjarstjórn að hún samþykki framlagða tillögu að deiliskipulagi með breytingum eftir auglýsingu sem felast í því að spennistöð er felld út. Þá leggur skipulagsráð til við bæjarstjórn að hún samþykki tillögu skipulagsfulltrúa að svörum við efni athugasemda.

Jón Hjaltason óflokksbundinn greiðir atkvæði gegn tillögunni.

Halla Björk Reynisdóttir kynnti.
Bæjarstjórn samþykkir með 10 atkvæðum framlagða tillögu að deiliskipulagi með breytingum eftir auglýsingu sem fela í sér að spennistöð er felld út. Þá samþykkir bæjarstjórn tillögu skipulagsfulltrúa að svörum við efni athugasemda.

Brynjólfur Ingvarsson (Ó) situr hjá.