Bæjarráð

Lagt fram til kynningar yfirlit um rekstur aðalsjóðs frá janúar til september 2014.
Dan Jens Brynjarsson fjármálastjóri, Jón Bragi Gunnarsson hagsýslustjóri, Helgi Már Pálsson bæjartæknifræðingur og Dagur Fannar Dagsson formaður framkvæmdaráðs sátu fund bæjarráðs undir þessum lið.

1. liður í fundargerð framkvæmdaráðs dagsett 7. nóvember 2014:
Verkefnistillaga frá Capacent dagsett í október 2014 um úttekt á starfsemi Framkvæmdamiðstöðvar kynnt.
Framkvæmdaráð samþykkir fyrir sitt leyti framlagða verkefnatillögu með þeim breytingum er komu fram á fundinum og vísar málinu til bæjarráðs.
Dan Jens Brynjarsson fjármálastjóri, Jón Bragi Gunnarsson hagsýslustjóri, Helgi Már Pálsson bæjartæknifræðingur og Dagur Fannar Dagsson formaður framkvæmdaráðs sátu fund bæjarráðs undir þessum lið.

Umræða um gerð viðauka við fjárhagsáætlun.
Dan Jens Brynjarsson fjármálastjóri og Jón Bragi Gunnarsson hagsýslustjóri sátu fund bæjarráðs undir þessum lið.

Unnið að gerð fjárhagsáætlunar.
Dan Jens Brynjarsson fjármálastjóri og Jón Bragi Gunnarsson hagsýslustjóri sátu fund bæjaráðs undir þessum lið.

Erindi dagsett 10. nóvember 2014 frá framkvæmdastjóra samfélags- og mannréttindadeildar, fræðslustjóra og framkvæmdastjóra fjölskyldudeildar. Í erindinu er sótt um fjárveitingu að upphæð kr. 7 milljónir á árinu 2015 til verkefnisins "Sérstækt hópastarf" sem er samstarfsverkefni vegna ýmiskonar vanda grunnskólabarna.
Sigríður Stefánsdóttir framkvæmdastjóri samfélags- og mennréttindadeildar og Alfa Aradóttir forstöðumaður forvarna- og æskulýðsmála sátu fund bæjarráðs undir þessum lið ásamt Dan Jens Brynjarssyni fjármálastjóra og Jóni Braga Gunnarssyni hagsýslustjóra.

3. liður í fundargerð framkvæmdaráðs dagsett 31. október 2014:
Lagt fram erindi frá Haraldi Vilhjálmssyni f.h. Mótorhjólasafns Íslands, dagsett 28. september sl. þar sem óskað er eftir styrk til frágangs lóðar. Framkvæmdaráð vísar erindinu til bæjarráðs.
Sótt er um styrk í formi malbikunar á bílastæði við safnið sem er u.þ.b. 1.200m². Planið er tilbúið til malbikunar.

Erindi dagsett 6. nóvember 2014 frá Þorvaldi Lúðvík Sigurjónssyni framkvæmdastjóra AFE þar sem fram kemur að á stjórnarfundi AFE þann 4. nóvember sl. hafi verið bókað að fela framkvæmdastjóra félagsins að kanna hug Akureyrarbæjar til hugmynda AFE um uppbyggingu og útvistun á hluta skíðasvæðis bæjarins.

Lögð fram fundargerð 51. fundar hverfisnefndar Lunda- og Gerðahverfis dagsett 5. nóvember 2014.
Fundargerðina má finna á netslóðinni:
http://www.akureyri.is/is/stjornkerfid/hverfisnefndir/lunda-og-gerdahverfi/fundargerdir

Lagðar fram fundargerðir 62., 63. og 64. fundar hverfisnefndar Naustahverfis dagsettar 15. og 22. október og 5. nóvember 2014. Fundargerðirnar má finna á netslóðinni:
http://www.akureyri.is/is/stjornkerfid/hverfisnefndir/naustahverfi/fundargerdir

Lögð fram til kynningar fundargerð 821. fundar stjórnar Sambands íslenskra sveitarfélaga dagsett 31. október 2014. Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx

Rætt um stöðu samningaviðræðna við tónlistarskólakennara.