Bæjarráð

3257. fundur 20. janúar 2011 kl. 09:00 - 11:54 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Geir Kristinn Aðalsteinsson
  • Halla Björk Reynisdóttir
  • Guðmundur Baldvin Guðmundsson
  • Njáll Trausti Friðbertsson
  • Andrea Sigrún Hjálmsdóttir áheyrnarfulltrúi
  • Hermann Jón Tómasson áheyrnarfulltrúi
  • Sigurður Guðmundsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá

1.Bæjarráð heimsóknir 2011

2011010076

Þorsteinn Már Baldvinsson forstjóri Samherja hf og Kristján Vilhelmsson framkvæmdastjóri útgerðarsviðs Samherja hf mættu á fund bæjarráðs og kynntu áhyggjur sínar af fyrirhuguðum breytingum á gildandi lögum um stjórn fiskveiða og hugsanlegum áhrifum á fyrirtæki og samfélagið á Akureyri og í Eyjafirði.

Bæjarráð leggur til að haldinn verði hið fyrsta almennur opinn fundur á Akureyri um fyrirhugaðar breytingar á gildandi lögum um stjórn fiskveiða. Fundurinn verði haldinn til að upplýsa almenning um málið og til að gefa fólki tækifæri til að leggja fram fyrirspurnir.

2.Útsending gagna fyrir bæjarráð og bæjarstjórn

2010080042

Rætt um útsendingu gagna og notkun á fundamannagátt.

3.Fundargerð viðtalstíma bæjarfulltrúa

2010050007

Lögð fram fundargerð viðtalstíma bæjarfulltrúa dags. 13. janúar 2011, fundargerðin er í þremur liðum.

Bæjarráð vísar 1. lið til Hafnasamlags Norðurlands, 2. lið a) til framkvæmdaráðs og 3. lið til skipulagsnefndar.

4.Mannvirkjalög nr. 160/2010

2011010097

Lagt fram til kynningar minnisblað dags. 14. janúar 2011 frá Guðjóni Bragasyni f.h. Sambands íslenskra sveitarfélaga um áhrif nýrra mannvirkjalaga á umboð byggingarnefnda.
Inga Þöll Þórgnýsdóttir bæjarlögmaður sat fund bæjarráðs undir þessum lið.

5.Strandgata 11 - dagsektir

2009010249

10. liður í fundargerð skipulagsnefndar dags. 12. janúar 2011:
Bréf dags. 12. febrúar 2009 frá Guðvarði Gíslasyni þar sem hann óskar eftir að falla frá umsókn um skilti á húsið Strandgötu 11 en áfram er sótt um breytingar á útsogsblásara og innréttingabreytingu skv. meðfylgjandi teikningum eftir Fanneyju Hauksdóttur dags. 2. mars 2009.
Málið var áður tekið fyrir hjá skipulagsnefnd 27. maí 2010. Tilmælum um skil á fullnægjandi gögnum hefur ekki verið sinnt og andmælafrestur er liðinn án þess að athugasemdir hafi verið gerðar.
Skipulagsnefnd leggur til við bæjarráð að dagsektir, kr. 25.000 á dag verði lagðar á eiganda verði umbeðnum gögnum ekki skilað innan fjögurra vikna frá afgreiðslu bæjarráðs.

Bæjarráð samþykkir tillögu skipulagsnefndar um að beita dagsektum á viðkomandi eiganda.

6.Víðilundur 20-22-24 - breyting inni - dagsektir

2007090077

12. liður í fundargerð skipulagsnefndar dags. 12. janúar 2011:
Erindi dags. 6. júlí 2000 þar sem Bjarni Reykjalín f.h. Akureyrarbæjar, kt. 410169-6229, sækir um leyfi til að gera breytingu innanhúss í Víðilundi 20-22-24 samkvæmt meðfylgjandi teikningum dags. 30. júní 2000 eftir Bjarna Reykjalín, Form ehf, Kaupangi.
Málið var áður tekið fyrir hjá skipulagsnefnd 25. júlí 2007. Tilmælum um skil á fullnægjandi gögnum hefur ekki verið sinnt og andmælafrestur er liðinn án þess að athugasemdir hafi verið gerðar.
Skipulagsnefnd leggur til við bæjarráð að dagsektir, kr. 25.000 á dag verði lagðar á eiganda verði umbeðnum gögnum ekki skilað innan fjögurra vikna frá afgreiðslu bæjarráðs.

Bæjarráð samþykkir tillögu skipulagsnefndar um að beita dagsektum á viðkomandi eiganda.

7.Fjárhagsaðstoð 2011 - breyting á framfærslugrunni

2011010032

3. liður í fundargerð félagsmálaráðs dags. 12. janúar 2011:
Lagt fram bréf frá Guðbjarti Hannessyni velferðarráðherra dags. 3. janúar 2011 þar sem þeim tilmælum er beint til sveitarstjórna að þær tryggi að einstaklingar hafi að lágmarki sambærilega fjárhæð og atvinnuleysisbætur til framfærslu á mánuði. Atvinnuleysisbætur eru nú kr. 149.523 á mánuði.
Guðrún Sigurðardóttir framkvæmdastjóri fjölskyldudeildar lagði fram og kynnti minnisblað dags. 12. janúar 2011 þar sem farið er yfir vinnulag og breytingar varðandi fjárhæðir í fjárhagsaðstoð bæjarins og sveitarfélaga almennt.
Einnig kynnt umræða sem nú á sér stað á vettvangi Sambands íslenskra sveitarfélaga.
Karólína Gunnarsdóttir þjónustustjóri á fjölskyldudeild og Ester Lára Magnúsdóttir verkefnisstjóri á fjölskyldudeild sátu fundinn undir þessum lið.
Félagsmálaráð samþykkir að leggja til hækkun á framfærslugrunni fjárhagsaðstoðar í samræmi við breytingar á vísitölu síðustu tveggja ára, að frádreginni hækkun síðasta árs. Grunnupphæð hækkar þá úr kr. 125.540 í kr. 131.617 á mánuði eða um 4,8%.
Beðið verði með frekari breytingar þar til séð verði hvernig málin þróast á landsvísu.
Málinu vísað til bæjarráðs.

Bæjarráð samþykkir tillögu félagsmálaráðs um hækkun á framfærslugrunni fjárhagsaðstoðar, kostnaði er vísað til endurskoðunar fjárhagsáætlunar.

Bæjarráð samþykkir einnig að beðið verði með frekari breytingar þar til séð verður hvernig málin þróast á landsvísu.

8.100 ár liðin frá kosningu fyrstu konu í bæjarstjórn Akureyrar

2011010047

Erindi dags. 6. janúar 2011 frá Kristínu Ástgeirsdóttur jafnréttisstýru Jafnréttisstofu þar sem bæjarstjórn Akureyrar er bent á þá sögulegu staðreynd að á þessu ári verða 100 ár liðin frá því að kona var fyrst kjörin í bæjarstjórn Akureyrar. Kristín Eggertsdóttir forstöðukona sjúkrahússins á Akureyri var kjörin af kvennalista.

Bæjarráð vísar málinu til samfélags- og mannréttindaráðs.

9.Olíu- og bensínviðskipti

2011010098

Lagt fram minnisblað frá Hagþjónustu dags. 19. janúar 2011 um olíu- og bensínviðskipti Akureyrarbæjar.

Bæjarráð samþykkir að Akureyrarbær kaupi lífdíeselolíu af N1 á þau tæki sem henta og hagkvæmt þykir þar til útboð fer fram á nýjum rammasamningi Ríkiskaupa um bensín- og olíukaup.

Önnur olíu- og bensínkaup fari eftir rammasamningi Ríkiskaupa sem gildir til loka maí 2011.

10.Fjárhagsáætlun Akureyrarbæjar - þriggja ára áætlun 2012-2014

2011010090

Lögð fram vinnu- og tímaáætlun þriggja ára áætlunar 2012-2014.

Bæjarráð samþykkir áætlunina.

11.Reykjavíkurflugvöllur - framtíðarstaðsetning

2007110127

Eiríkur Björn Björgvinsson bæjarstjóri upplýsti um stöðu mála.

12.Önnur mál

2011010003

a) Eiríkur Björn Björgvinsson bæjarstjóri fór yfir stöðu mála varðandi RES Orkuskóla.

b) Njáll Trausti Friðbertsson D-lista spurðist fyrir um reglur og hefðir varðandi frestun nefndarfunda.

c) Sigurður Guðmundsson A-lista spurðist fyrir um heildarkostnað við rekstur heimasíðu Akureyrarbæjar og samningstíma við núverandi rekstraraðila.

Fundi slitið - kl. 11:54.