Bæjarráð

Liður 6 í fundargerð bæjarráðs dagsettri 30. nóvember 2023:

Lögð fram tillaga að reglum um afslátt elli- og örorkulífeyrisþega af fasteignaskatti 2024.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð frestar afgreiðslu og felur sviðsstjóra fjársýslusviðs að vinna málið áfram.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lagt fram til samþykktar kauptilboð í eignina Jötunfell.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Liður 4 í fundargerð umhverfis- og mannvirkjaráðs dagsettri 19. desember 2023:

Lagt fram minnisblað dagsett 15. desember 2023 varðandi gerð brunaflóttastiga við Ráðhúsið á Akureyri.

Ævar Guðmundsson verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir að taka tilboði frá lægstbjóðanda Vélsmiðju Steindórs í brunastigann að upphæð kr. 19.278.578. Heildarkostnaðaráætlun fyrir verkið er kr. 35 milljónir og óskar umhverfis- og mannvirkjaráð eftir því við bæjarráð að áætlun fyrir verkefnið verði færð frá árinu 2023 til 2024.

Dan Jens Brynjarsson sviðsstjóri fjársýslusviðs og Guðríður Friðriksdóttir sviðsstjóri umhverfis- og mannvirkjasviðs sátu fund bæjarráðs undir þessum lið.

Erindi dagsett 22. desember 2023 frá Samtökum sveitarfélaga og atvinnuþróunar vegna viðbyggingar við Verkmenntaskólann á Akureyri. Lagt fram minnisblað Framkvæmdasýslunnar - ríkiseigna dagsett 17. nóvember 2023 varðandi stækkun fjögurra starfsnámsskóla, þar á meðal VMA. Einnig eru lögð fram drög að samningi mennta- og barnamálaráðuneytisins og sveitarfélaga við Eyjafjörð um verkefnið, þar með talið kostnaðarskiptingu og eignarhlutföll nýbygginga.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Liður 1 í fundargerð skipulagsráðs dagsettri 10. janúar 2024:

Lögð fram tillaga að breytingum á gjaldskrá gatnagerðargjalda.

Skipulagsráð leggur til við bæjarstjórn að tillaga að breytingum á gjaldskrá gatnagerðargjalda verði samþykkt með fyrirvara um lagfæringar á 7. gr. til samræmis við umræður á fundi.

Dan Jens Brynjarsson sviðsstjóri fjársýslusviðs og Pétur Ingi Haraldsson skipulagsfulltrúi sátu fund bæjarráðs undir þessum lið.

Lagt fram erindi dagsett 12. desember 2023 frá Landsneti þar sem óskað er eftir því að stofnuð verði samninganefnd vegna Blöndulínu 3.

Pétur Ingi Haraldsson skipulagsfulltrúi sat fund bæjarráðs undir þessum lið.

Liður 9 í fundargerð fræðslu- og lýðheilsuráðs dagsettri 18. desember 2023:

Lögð fram drög að reglum um akstursstyrki vegna íþrótta- og tómstundastarfs barna og unglinga búsettra í Hrísey.

Áheyrnarfulltrúar: Helga Björg Ingvadóttir fulltrúi ÍBA og Lilja Dögun Lúðvíksdóttir fulltrúi ungmennaráðs.

Fræðslu- og lýðheilsuráð samþykkir fyrir sitt leyti reglur um akstursstyrki vegna íþrótta- og tómstundastarfs barna og unglinga búsettra í Hrísey og vísar þeim til bæjarráðs.

Tilnefning fulltrúa úr bæjarráði í fagráð Barnamenningarhátíðar á Akureyri, samkvæmt verklagsreglum um stuðning Akureyrarbæjar við viðburði á Barnamenningarhátíð. Bæjarráð skipar einn fulltrúa úr sínum röðum og einn fulltrúa með reynslu og þekkingu af menningarstarfi.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Lögð fram tillaga um skipun í faghóp starfslauna listamanna fyrir árið 2024. Hlutverk faghóps um starfslaun listamanna er að vera bæjarráði til ráðgjafar um val á listamanni sem hlýtur starfslaun listamanns í ár eða verður bæjarlistamaður eins og það er kallað í daglegu tali.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Skipun fulltrúa í faghóp um byggingarlistaverðlaun Akureyrarbæjar. Samkvæmt verklagsreglum um verðlaunin þá skipar bæjarráð tvo fulltrúa í hópinn sem þar sitja ásamt byggingarfulltrúa Akureyrarbæjar.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Liður 4 í fundargerð fræðslu- og lýðheilsuráðs dagsettri 8. janúar 2024:

Ellert Örn Erlingsson forstöðumaður íþróttamála lagði fram til afgreiðslu drög að rekstrar- og þjónustusamningum við aðildarfélög ÍBA sem eru að sjá um rekstur íþróttamannvirkja Akureyrarbæjar.

Fræðslu- og lýðheilsuráð samþykkir drög að rekstrar- og þjónustusamningum við aðildarfélög ÍBA sem eru að sjá um rekstur íþróttamannvirkja Akureyrarbæjar og vísar þeim til bæjarráðs.

Ellert Örn Erlingsson forstöðumaður íþróttamála sat fund bæjarráðs undir þessum lið.

Lögð fram til kynningar fundargerð 233. fundar heilbrigðisnefndar Norðurlands eystra dagsett 13. desember 2023

Lögð fram til kynningar fundargerð 940. fundar stjórnar Sambands íslenskra sveitarfélaga dagsett 15. desember 2023.

Lagt fram til kynningar erindi dagsett 21. desember 2023 frá SSNE þar sem vakin er athygli á að frumvarp til laga um lagareldi er nú til umsagnar í samráðsgátt stjórnvalda. Umsagnarfrestur rennur út 10. janúar 2024.

Lagt fram til kynningar erindi dagsett 3. janúar 2024 frá velferðarnefnd Alþingis þar sem óskað er umsagnar um frumvarp til laga um breytingu á lögum um greiðsluaðlögun einstaklinga, 27. mál.

Þess er óskað að undirrituð umsögn berist eigi síðar en 17. janúar nk. á netfangið nefndasvid@althingi.is.

Þingskjalið er aðgengilegt á vef Alþingis: https://www.althingi.is/altext/154/s/0027.html