Bæjarráð

3621. fundur 13. desember 2018 kl. 08:15 - 10:25 Fundaaðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Hilda Jana Gísladóttir
  • Lára Halldóra Eiríksdóttir
  • Þórhallur Jónsson
  • Hlynur Jóhannsson áheyrnarfulltrúi
  • Sóley Björk Stefánsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir forstöðumaður upplýsinga- og þjónustudeildar ritaði fundargerð
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá
Þórhallur Jónsson D-lista mætti í forföllum Evu Hrundar Einarsdóttur.
Lára Halldóra Eiríksdóttir D-lista mætti í forföllum Gunnars Gíslasonar.

1.Samningar um öryggisgæslu 2018

2018010147

Liður 2 í fundargerð velferðarráðs dagsettri 5. desember 2018:

Jón Hrói Finnsson sviðsstjóri búsetusviðs sat fundinn undir þessum lið og lagði fram til umræðu og afgreiðslu niðurstöður samningaviðræðna um drög að samningi ásamt fylgigögnum, við velferðarráðuneyti og Greiningarstöð ríkisins um rekstur öryggisgæslu.

Velferðarráð samþykkir samninginn fyrir sitt leyti og vísar málinu til bæjarráðs.

Jón Hrói Finnsson sviðsstjóri búsetusviðs sat fund bæjarráðs undir þessum lið.
Bæjarráð staðfestir samninginn. Jafnframt felur bæjarráð bæjarstjóra að hefja viðræður við ríkið um framtíð öryggisvistunar.

2.Hlíðarfjall - uppbygging heilsárs starfsemi

2018020052

Málið var áður á dagskrá bæjarráðs 8. nóvember 2018.

Kristinn J. Reimarsson sviðsstjóri samfélagssviðs og Sigmundur Ófeigsson framkvæmdastjóri Atvinnuþróunarfélags Eyjafjarðar mættu á fund bæjarráðs og kynntu minnisblað sitt dagsett 6. desember 2018.

3.Umboð til kjarasamningsgerðar

2018120023

Lögð fram drög að samkomulagi um kjarasamningsumboð Akureyrarbæjar til SNS f.h. Sambands íslenskra sveitarfélaga vegna samninga við stéttarfélög starfsmanna sveitarfélaga.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.
Bæjarráð samþykkir framlögð drög að umboði og felur bæjarstjóra að ganga frá því f.h. bæjarins.

4.Mánaðarskýrsla bæjarráðs um starfsmanna- og launamál 2018

2018020337

Lagt fram til kynningar yfirlit um þróun launakostnaðar árin 2011-2018 skipt niður á málaflokka.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

5.Aflamark Byggðastofnunar - beiðni um umsögn

2018120020

Erindi dagsett 3. desember 2018 frá Aðalsteini Þorsteinssyni f.h. Byggðastofnunar þar sem beðið er um umsögn bæjarstjórnar Akureyrar um innkomnar umsóknir um Aflamark Byggðastofnunar vegna Grímseyjar. Með erindinu fylgja umsóknirnar sem vísað er til ásamt matsblaði.
Bæjarráð felur bæjarstjóra að senda umsögn til Byggðastofnunar.

6.Viðtalstímar bæjarfulltrúa - fundargerðir 2018

2018080202

Lögð fram fundargerð viðtalstíma bæjarfulltrúa dagsett 29. nóvember 2018.
Bæjarráð vísar fundargerðinni til umhverfis- og mannvirkjasviðs.

7.Markaðsstofa Norðurlands - beiðni um endurnýjun samnings til ársloka 2021

2018090388

Liður 5 í fundargerð stjórnar Akureyrarstofu dagsettri 6. desember 2018:

Lagður fram til samþykktar endurnýjaður samningur við Markaðsstofu Norðurlands.

Finnur Sigurðsson V-lista lagði fram eftirfarandi tillögu:

Legg til að upphæð samningsins verði lækkuð um 1 milljón til að nota í kynningarmál sem beint er sérstaklega að þjónustu á vegum Akureyrarbæjar.

Tillagan er felld með atkvæðum Hildu Jönu Gísladóttur S-lista, Önnu Fanneyjar Stefánsdóttur L-lista, Sigfúsar Karlssonar B-lista og Evu Hrundar Einarsdóttur D lista.

Stjórn Akureyrarstofu samþykkir samninginn með atkvæðum Hildu Jönu Gísladóttur S-lista, Önnu Fanneyjar Stefánsdóttur L-lista, Sigfúsar Karlssonar B-lista og Evu Hrundar Einarsdóttur D lista og vísar honum til endanlegrar samþykktar hjá bæjarráði.

Finnur Sigurðsson V-lista greiðir atkvæði á móti.
Bæjarráð staðfestir ákvörðun stjórnar Akureyrarstofu.

8.FabLab Akureyri

2014090260

Liður 3 í fundargerð stjórnar Akureyrarstofu dagsettri 29. nóvember 2018:

Lögð fram til samþykktar drög að endurnýjuðum samningi um stuðning Akureyrarbæjar við rekstur FabLab-smiðjunnar á Akureyri.

Stjórn Akureyrarstofu samþykkir drögin fyrir sitt leyti og vísar þeim til bæjarráðs.
Bæjarráð staðfestir ákvörðun stjórnar Akureyrarstofu.

9.Barnasáttmáli Sameinuðu þjóðanna - innleiðing

2014030109

Liður 5 í fundargerð frístundaráðs dagsettri 7. desember 2018:

Aðgerðaáætlun vegna innleiðingar á Barnasáttmála Sameinuðu þjóðanna lögð fram til samþykktar.

Alfa Aradóttir deildarstjóri forvarna- og frístundamála sat fundinn undir þessum lið.

Frístundaráð samþykkir aðgerðaáætlunina fyrir sitt leyti og vísar henni til endanlegrar afgreiðslu hjá bæjarráði.
Bæjarráð frestar afgreiðslu og óskar eftir að deildarstjóri forvarna- og frístundamála mæti á næsta fund bæjarráðs.

10.Samningur Akureyrarbæjar við KFUM og KFUK 2018 - 2020

2018110044

Liður 6 í fundargerð frístundaráðs dagsettri 7. desember 2018:

Samningur við KFUM og KFUK lagður fram til samþykktar.

Frístundaráð samþykkir samninginn og vísar honum til bæjarráðs til endanlegrar samþykktar.
Bæjarráð staðfestir ákvörðun frístundaráðs.

11.Skákfélag Akureyrar - endurnýjun á samningi

2015060184

Liður 7 í fundargerð frístundaráðs dagsettri 7. desember 2018:

Samningur við Skákfélag Akureyrar lagður fram til samþykktar.

Frístundaráð samþykkir samninginn og vísar honum til bæjarráðs til endanlegrar samþykktar.
Bæjarráð staðfestir ákvörðun frístundaráðs.

12.Skátafélagið Klakkur - styrktarsamningur

2016110061

Liður 8 í fundargerð frístundaráðs dagsettri 7. desember 2018:

Samningur við Skátafélagið Klakk lagður fram til samþykktar.

Frístundaráð samþykkir samninginn og vísar honum til bæjarráðs til endanlegrar samþykktar.
Bæjarráð staðfestir ákvörðun frístundaráðs.

13.Neytendasamtökin - styrkbeiðni fyrir árið 2019

2018120012

Erindi dagsett 27. nóvember 2018 frá Breka Karlssyni fyrir hönd Neytendasamtakanna þar sem sótt erum um 300.000 kr. styrk til reksturs samtakanna.
Bæjarráð getur ekki orðið við erindinu.

14.Stjórn Sambands íslenskra sveitarfélaga - fundargerðir 2018

2018030432

Lögð fram til kynningar fundargerð 865. fundar stjórnar Sambands íslenskra sveitarfélaga dagsett 30. nóvember 2018.

Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx

15.Tillaga til þingsályktunar um áætlun fyrir árin 2019-2022 um aðgerðir gegn ofbeldi og afleiðingum þess, 409. mál 2018

2018120074

Lagt fram til kynningar erindi dagsett 7. desember 2018 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um áætlun fyrir árin 2019-2022 um aðgerðir gegn ofbeldi og afleiðingum þess, 409. mál 2018.

Þess er óskað að undirrituð umsögn berist eigi síðar en 11. janúar nk. á netfangið nefndasvid@althingi.is. Þingskjalið er hægt að sækja á vef Alþingis: https://www.althingi.is/altext/149/s/0550.html

Fundi slitið - kl. 10:25.