Bæjarráð

Fært í trúnaðarmálabók bæjarráðs.

2. liður í fundargerð framkvæmdaráðs dags. 6. ágúst 2010:
Helgi Már Pálsson deildarstjóri framkvæmdadeildar gerði grein fyrir stöðu mála varðandi útboð vegna sorphirðu og fór yfir val á leið A og B.
Framkvæmdaráð ákveður að breyta fyrri ákvörðun úr leið A í leið B og vísar þeirri ákvörðun til bæjarráðs.
Helgi Már Pálsson bæjartæknifræðingur mætti á fund bæjarráðs og kynnti málið. Einnig sat Inga Þöll Þórgnýsdóttir bæjarlögmaður fundinn undir þessum lið.

Lagt fram til kynningar minnisblað dags. 3. ágúst 2010 frá Jóni Heiðari Daðasyni húsnæðisfulltrúa um stöðu biðlista eftir leiguhúsnæði hjá Akureyrarbæ.

Lögð fram fundargerð 308. afgreiðslufundar skipulagsstjóra dags. 28. júlí 2010. Fundargerðin er í 10 liðum. Skipulagsstjóri óskar eftir staðfestingu bæjarráðs á liðum 8., 9., og 10. Aðrir liðir gefa ekki tilefni til ályktunar.

10. liður í fundargerð skipulagsnefndar dags. 28. júlí 2010:
Lagt var fram bréf frá skipulagsstjóra, dags. 19. júlí 2010 ásamt afriti af bréfum skipulagsstjóra til Landfesta ehf., eiganda Gleráreyra 2. Í bréfinu er gerð tillaga um tímafrest og beitingu dagsekta til þess að knýja fram að eigandi ráði byggingarstjóra, skrái meistara og skili hönnunargögnum til skipulagsdeildar Akureyrarbæjar. Andmælafrestur er liðinn án þess að málsaðili hafi kosið að tjá sig um málið.
Skipulagsnefnd samþykkir tillögu skipulagsstjóra og m.v.t. 1. mgr. 57 gr. skipulags- og byggingarlaga leggur nefndin til við bæjarráð að tillagan verði samþykkt og frestur til úrbóta verði til 30. ágúst 2010.

11. liður í fundargerð skipulagsnefndar dags. 28. júlí 2010:
Lagt var fram bréf frá skipulagsstjóra, dags. 16. júlí 2010 ásamt afriti af bréfi skipulagsstjóra til Andrésar Magnússonar eiganda Eiðsvallagötu 3. Í bréfinu er gerð tillaga um tímafrest og beitingu dagsekta til þess að knýja fram að eigandi ráði byggingarstjóra, skrái meistara og skili hönnunargögnum til skipulagsdeildar Akureyrarbæjar. Andmælafrestur er liðinn án þess að málsaðili hafi kosið að tjá sig um málið.
Skipulagsnefnd samþykkir tillögu skipulagsstjóra og m.v.t. 1. mgr. 57 gr. skipulags- og byggingarlaga leggur nefndin til við bæjarráð að tillagan verði samþykkt og frestur til úrbóta verði til 30. ágúst 2010.

12. liður í fundargerð skipulagsnefndar dags. 28. júlí 2010:
Lagt var fram bréf frá skipulagsstjóra, dags. 19. júlí 2010 ásamt afriti af bréfi skipulagsstjóra til Frjálsa fjárfestingarbankans hf., eiganda byggingarframkvæmda að Sporatúni 2-16. Í bréfinu er gerð tillaga um tímafrest og beitingu dagsekta til þess að knýja fram að eigandi girði lóðina af með barnheldri girðingu vegna öryggissjónarmiða. Einnig er farið fram á að allt rusl verði fjarlægt, moldarhaugar jafnaðir út og sáð í lóðirnar. Andmælafrestur er liðinn án þess að málsaðili hafi kosið að tjá sig um málið.
Skipulagsnefnd samþykkir tillögu skipulagsstjóra og m.v.t. 1. mgr. 57 gr. skipulags- og byggingarlaga leggur nefndin til við bæjarráð að tillagan verði samþykkt og frestur til úrbóta verði til 30. ágúst 2010.

13. liður í fundargerð skipulagsnefndar dags. 28. júlí 2010:
Lagt var fram bréf frá skipulagsstjóra, dags. 16. júlí 2010 ásamt afriti af bréfi skipulagsstjóra til Sómatúns 1 og 3 ehf., eiganda byggingarframkvæmda að
Sómatúni 1 og 3. Í bréfinu er gerð tillaga um tímafrest og beitingu dagsekta til þess að knýja fram að byggingarsvæðið verði girt af með barnheldri girðingu vegna öryggissjónarmiða. Einnig er farið fram á að allt rusl verði fjarlægt, moldarhaugar jafnaðir út og sáð í lóðirnar. Andmælafrestur er liðinn án þess að málsaðili hafi kosið að tjá sig um málið.
Skipulagsnefnd samþykkir tillögu skipulagsstjóra og m.v.t. 1. mgr. 57 gr. skipulags- og byggingarlaga leggur nefndin til við bæjarráð að tillagan verði samþykkt og frestur til úrbóta verði til 30. ágúst 2010.

Kjarasamninganefnd: 3 aðalmenn og 3 til vara.
Fram kom tillaga með nöfnum þessara aðalmanna:
Halla Björk Reynisdóttir, formaður
Hallgrímur Guðmundsson,
Hjalti Ómar Ágústsson varaformaður
og varamanna:
Hulda Stefánsdóttir,
Sigrún Vésteinsdóttir,
Helga Einarsdóttir.

Lagt fram til kynningar bréf dags. 5. ágúst 2010 frá Launanefnd sveitarfélaga þar sem fram koma grunnupplýsingar um kjaradeilu Launanefndar sveitarfélaga (LN) og Landssambands slökkviliðs- og sjúkraflutningamanna (LSS).

Lögð fram til kynningar áskorun LSS til sveitarfélaga dags. 6. ágúst 2010. Þar kemur meðal annars fram að félagið skorar á sveitarfélög landsins að gera réttmæta leiðréttingu á launum slökkviliðs- og sjúkraflutningamanna til þess að neyðarþjónusta við íbúa landsins verði tryggð.

Lagt fram til kynningar bréf dags. 28. júlí 2010 frá samgöngu- og sveitarstjórnarráðuneytinu þar sem kynnt eru áform um breytingar á núgildandi reglum um Jöfnunarsjóð sveitarfélaga og innleiðingu á nýju fyrirkomulagi útgjaldajöfnunar þar sem tekjujöfnunarframlag sjóðsins í núverandi mynd er lagt niður.

Lagt fram til kynningar yfirlit um rekstur aðalsjóðs janúar til júní 2010.

Oddur Helgi Halldórsson formaður bæjarráðs greindi frá því sem fram kom á kynningarfundi sem haldinn var mánudaginn 9. ágúst sl. á vegum samgöngu- og sveitarstjórnarráðherra og stjórnar Greiðrar leiðar ehf fyrir hluthafa Greiðrar leiðar.

Edward H. Huijbens áheyrnarfulltrúi Vinstri hreyfingarinnar græns framboðs spurðist fyrir um færanlegar hraðahindranir í bænum og hvort mögulegt sé að koma þeim fyrir við helstu gönguleiðir til og frá skólum bæjarins nú í upphafi skólaárs.

Oddur Helgi Halldórsson formaður bæjarráðs greindi frá ferð þeirra Höllu Bjarkar Reynisdóttur formanns stjórnar Akureyrarstofu á tenglamót sem haldið var dagana 4.- 7. ágúst sl. í Lahti.