Nútímavæðing í skólum

Rætt um að móta heildarstefnu í tæknimálum skólanna.

Dagbjört Pálsdóttir formaður fræðslusviðs fór yfir hugmyndir um nútímavæðingu í skólum. Dagbjört sagði m.a. frá fundi sem hún átti með skólastjórnendum um nýtingu tækni í skólastarfi.

Samtal um nútímavæðingu í leik- og grunnskólum.

Á opnum kynningarfundi bæjarstjórnar þann 29. nóvember 2017 um fjárhagsáætlun Akureyrarbæjar, var kynnt ákvörðun um að setja kr. 20 milljónir á ári næstu þrjú árin til að styðja við nútímavæðingu í leik- og grunnskólum Akureyrarbæjar, samtals 60 milljónir króna.

Í fjárhagsáætlun Akureyrarbæjar fyrir árið 2018 skal verja kr. 20 milljónum til stuðnings nútímavæðingar í leik- og grunnskólum. Jafnframt er gert ráð fyrir kr. 20 milljóna framlagi 2019 og 2020, samtals 60 milljónum. Mikilvægt er að ráðstöfun fjárins byggi á stefnu og þarfagreiningu sem ekki liggur enn fyrir. Ekki eru forsendur fyrir því að byrja á verkefninu fyrr en greining og stefnumörkun liggur fyrir.

Sviðsstjóri lagði fram tillögu að skiptingu fjárveitingar til leik- og grunnskóla vegna þróunar í upplýsingartækni.

Minnisblað um þróun og stefnumörkun í upplýsingatækni í leik- og grunnskólum lagt fram til umræðu.

Karl Frímannsson sviðsstjóri fræðslusviðs lagði fram til kynningar minnisblað um stöðu upplýsingatækni í leik- og grunnskólum. Tillaga að skiptingu á sérstöku framlagi til eflingar upplýsingatækni lögð fram.

Forstöðumaður rekstrar kynnti tillögu að skiptingu fjármuna vegna nútímavæðingar skólanna fyrir árið 2020.