Frístundaráð

Á fundi bæjarráðs þann 19. september 2019 var 1. lið fundargerðar viðtalstíma bæjarfulltrúa frá 12. september vísað til umsagnar í fræðsluráði og frístundaráði.

Helgi Vilberg Hermannsson og Soffía Sævarsdóttir ræddu myndlistakennslu á Akureyri og vildu heyra hugmyndir bæjarstjórnar um myndlistarnám barna og unglinga. Óska þau eftir aðkomu Akureyrarbæjar að rekstri Myndlistaskólans á Akureyri vegna námskeiða fyrir börn og unglinga.



Í skýrslu starfshóps um aðkomu Akureyrarbæjar að listnámi frá því í ágúst 2019 segir um listnám barna og ungmenna:



a) Á yfirstandandi ári verði gerðar tilraunir með aukið framboð í listnámi barna í tengslum við verkefnið „samfelldur skóladagur barna í 1.- 4. bekk“ sem nú er að fara af stað. Starfsmenn á fræðslusviði og samfélagssviði og ungmennaráð vinni með verkefnisstjóra samfellds vinnudags að undirbúningi og hugmyndavinnu um fyrirkomulag aukins framboðs á listnámi fyrir börn.



Bryndís Elfa Valdemarsdóttir starfandi deildarstjóri forvarna- og frístundadeildar sat fundinn undir þessum lið.

Endurskoðuð samþykkt fyrir ungmennaráð var tekin fyrir í bæjarráði þann 10. október sl. Bæjarráð vísaði samþykktinni aftur til ungmennaráðs og frístundaráðs með þeim athugasemdum sem komu fram á fundinum.

Ungmennaráð hefur tekið erindisbréfið til endurskoðunar.

Alfa Dröfn Jóhannsdóttir verkefnastjóri barnvæns sveitarfélags mætti á fundinn og gerði grein fyrir breytingum á samþykktinni.

Bryndís Elfa Valdemarsdóttir starfandi deildarstjóri forvarna- og frístundadeildar sat fundinn undir þessum lið.

Alfa Dröfn Jóhannsdóttir verkefnastjóri barnsvæns sveitarfélags gerði grein fyrir málþingi ungmenna á Norðurlandi eystra sem fyrirhugað er að halda á næstunni.

Bryndís Elfa Valdemarsdóttir starfandi deildarstjóri forvarna- og frístundadeildar sat fundinn undir þessum lið.

Frístundaráð samþykkti á fundi sínum 6. mars 2019 að óska eftir því við bæjarráð að skipaður yrði starfshópur sem m.a. hafi það hlutverk að greina gróflega stofn- og rekstrarkostnað við helstu framtíðar íþróttamannvirki. Bæjarráð samþykkti skipan hópsins á fundi sínum 14. mars 2019.

Starfshópurinn hefur lokið sínum störfum og leggur fram skýrslu hópsins um nýframkvæmdir íþróttamannvirkja Akureyrarbæjar næstu 15 árin.

Helgi Rúnar Bragason framkvæmdastjóri ÍBA og Geir Aðalsteinsson formaður ÍBA sátu fundinn undir þessum lið.

Ársreikningur FIMAK 2018 og fjárhagsáætlun ársins 2019 lögð fram til kynningar og umræðu.

Guðmundur Karl Jónsson varamformaður FIMAK og Ólöf Línberg Kristjánsdóttir framkvæmdastjóri FIMAK fóru yfir ársreikning félagsins og fjárhagslega stöðu þess.

Helgi Rúnar Bragason framkvæmdastjóri ÍBA og Geir Aðalsteinsson formaður ÍBA sátu fundinn undir þessum lið.

Tekið fyrir að nýju erindi dagsett 21. október 2019 frá Ólöfu Línberg Kristjánsdóttur f.h. Fimleikafélags Akureyrar þar sem óskað er eftir afstöðu frístundaráðs til atriða með tilliti til þess að auðvelda starf og rekstur FIMAK. Erindið var áður á dagskrá frístundaráðs þann 23. október sl.

Helgi Rúnar Bragason framkvæmdastjóri ÍBA sat fundinn undir þessum lið.

Erindi dagsett 21. maí 2019 frá framkvæmdarstjóra GA þar sem óskað er eftir styrkveitingu að upphæð kr. 4.250.000 vegna endurnýjunar á véla- og tækjabúnaði félagsins.

Helgi Rúnar Bragason framkvæmdastjóri ÍBA sat fundinn undir þessum lið.



Erindið var tekið fyrir á fundi frístundaráðs þann 21. júní sl. og bókaði þá eftirfarandi: "Frístundaráð getur ekki orðið við erindinu þar sem það rúmast ekki innan fjárhagsáætlunar ársins en mun taka erindið fyrir við gerð fjárhagsáætlunar 2020."

Helgi Rúnar Bragason framkvæmdastjóri ÍBA sat fundinn undir þessum lið.

Viðar Valdimarsson fulltrúi M-lista lýsti yfir vanhæfi og vék af fundi.

Til umræðu staða framkvæmda við nýja skíðalyftu.

Guðmundur Karl Jónsson forstöðumaður Hlíðarfjalls gerði grein fyrir stöðu framkvæmda við uppsetningu lyftunar.

Helgi Rúnar Bragason framkvæmdastjóri ÍBA sat fundinn undir þessum lið.

Til umræðu starfsemi frístundar í tengslum við verkefnið samfelldur vinnudagur barna.

Lögð fram til kynningar samantekt á yfirvinnu í hlutfalli við dagvinnu á kostnaðarstöðvum sem heyra undir frístundaráð.