Bæjarráð

Lagt fram til kynningar erindi dags. 14. júní 2013 frá skólastjórum grunnskólanna á Akureyri þar sem þeir lýsa áhyggjum sínum vegna þeirra áhrifa sem viðvarandi fjárhagsvandi hefur haft og mun hafa á skólastarfið verði ekkert að gert.
Preben Jón Pétursson formaður skólanefndar og Gunnar Gíslason fræðslustjóri sátu fund bæjarráðs undir þessum lið.

3. liður í fundargerð skólanefndar dags. 20. júní 2013:
Fyrir fundinn var lagður nýr samningur um daggæslu í heimahúsum sem er niðurstaða viðræðna við dagforeldra sem hafa staðið yfir undanfarna mánuði.
Skólanefnd samþykkir fyrirliggjandi samning fyrir sitt leyti og vísar honum til bæjarráðs.
Preben Jón Pétursson formaður skólanefndar og Gunnar Gíslason fræðslustjóri sátu fund bæjarráð undir þessum lið.

Bæjarfulltrúi Ólafur Jónsson D-lista lagði fram þá tillögu að unnið verði sex mánaða uppgjör fyrir bæjarsjóð (A-hluta) með áritun endurskoðenda.

Erindi dags. 21. júní 2013 frá formanni Sálarrannsóknarfélagsins á Akureyri þar sem óskað er eftir styrk sem samsvarar fasteignagjöldum félagsins.

1. liður í fundargerð skipulagsnefndar dags. 26. júní 2013:
Aðalskipulagstillagan var auglýst frá 10. maí til 21. júní 2013 í Lögbirtingarblaðinu, Dagskránni og Fréttablaðinu auk þess sem gögnin voru aðgengileg á heimasíðu Akureyrarbæjar, í þjónustuanddyri og hjá Skipulagsstofnun. Samhliða var auglýst tillaga að deiliskipulagi Súluvegar, Miðhúsabrautar og Þingvallastrætis dagsett 24. apríl 2013.
Engin athugasemd barst.
Umsögn barst frá Umhverfisnefnd dagsett 4. júní 2013:
Fulltrúar L-listans leggja til að í greinargerð skipulagsins verði ákvæði um að einungis verði heimiluð umhverfisvæn starfsemi á svæðinu.
Tveir nefndarmenn bókuðu að þeir væru á móti breytingum í skipulagi svæðisins og að óviðunandi væri að festa í sessi iðnaðarstarfsemi í nálægð við verndarsvæði Glerár.

Skipulagsnefnd leggur til við bæjarstjórn að tillagan verði samþykkt og skipulagsstjóra falið að annast gildistöku hennar.
Ragnar Sverrisson áheyrnarfulltrúi S-lista ítrekar fyrri bókun að hann mótmæli því að svæðið verði fest í sessi sem athafnasvæði í stað þess að útbúa þar góða útivistaperlu í mynni Glerárdals.

Umsögn Skipulagsstofnunar dags. 20. júní 2013 barst eftir fund skipulagsnefndar. Skipulagsstofnun gerir engar athugasemdir.
Umsögn barst frá Umhverfisstofnun 3. júlí 2013 eftir að umsagnarfresti lauk og skipulagsnefnd tók málið fyrir. Í umsögninni er bent á, vegna áfyllingarstöðvar metangass, mikilvægi þess að allar öryggisfjarlægðir í næstu byggingar séu nægjanlegar og að á framkvæmdatíma áfyllingarstöðvarinnar verði þess gætt að halda hljóð- og loftmengun á svæðinu í lágmarki.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 7. lið fundargerðar bæjarstjórnar 4. júní 2013.

2. liður í fundargerð skipulagsnefndar dags. 26. júní 2013:
Deiliskipulagstillagan var auglýst frá 10. maí til 21. júní 2013 í Lögbirtingarblaðinu, Dagskránni og Fréttablaðinu auk þess sem gögnin voru aðgengileg á heimasíðu Akureyrarbæjar, í þjónustuanddyri og hjá Skipulagsstofnun. Samhliða var auglýst tillaga að breytingu á aðalskipulagi athafna-, verslunar- og þjónustusvæðis við Miðhúsabraut/Súluveg dagsett 20. mars 2013.
Óskað var eftir umsögnum frá eftirtöldum aðilum:
Skipulagsstofnun, Umhverfisstofnun, umhverfisnefnd Akureyrar, Norðurorku og Möl og sandi ehf. (sjá nánar undir athugasemdir).
Umsögn barst frá umhverfisnefnd, sjá mál nr. 212110148.
Þrjár athugasemdir bárust:
1) Mjólkursamsalan dagsett 20. júní 2013.
Mjólkursamsalan bendir á að mikilvægt sé að ekkert í nánd vinnslustöðvar MS sé mengandi og því sé mikilvægt að tryggja að vel verði búið um plast sem berst til endurvinnslu og það geymt innandyra svo það mengi ekki nærliggjandi svæði.
2) Jóhannes Árnason dagsett 21. júní 2013.
Jóhannes leggur til að bæta við biðstöðvum fyrir strætisvagna á Hlíðarbraut og Miðhúsabraut.
Einnig leggur hann til að hjólastígar verði aðskildir frá gangandi vegfarendum á gönguleiðum í nágrenninu og á göngustíg við Hlíðarbraut.
3) Umsögn barst frá Möl og sandi ehf. 19. júní 2013.
Rakin eru samskipti á milli HGH Verk (nú Möl og sandur ehf.) og skipulagsnefndar og -deildar. Þá er rætt um minniháttar skerðingu á lóð. Skv. deiliskipulagstillögunni fellur nánast önnur lóð félagsins út og áskilur fyrirtækið sér rétt til bóta. Bent er á að ósamræmi sé á milli aðal- og deiliskipulags varðandi stærð lóðar.
Svar við athugasemdum:
1) Bent er á að í starfsleyfi Heilbrigðiseftirlitsins munu verðar gerðar kröfur um aðbúnað og frágang vegna starfsemi endurvinnslunnar.
2) Skipulagsnefnd leggur til að biðstöðvar strætisvagna á svæðinu verði skoðaðar í samráði við forsvarsmann Strætisvagna Akureyrar.
Varðandi beiðni um aðgreiningu á notkun göngustíga fyrir gangandi og hjólandi umferð er fyrirspurninni vísað til framkvæmdadeildar þar sem ekki er um skipulagsmál að ræða.
3) Lóðarsamningar fyrir lóðirnar féllu úr gildi 1. mars 2013. Með bókun skipulagsnefndar 29. febrúar 2012 var samþykkt að framlengja leigusamninginn til 1. mars 2016. Í viðauka við lóðarsamninginn fyrir lóðirnar lnr. 149595 og 149596 er þinglýst kvöð þar sem Akureyrarkaupstaður áskilur sér rétt til að breyta lóðarmörkum þegar farið verður í breytingar á Miðhúsabraut, sem m.a. nú er verið að gera, innan gildistíma samningsins án greiðslu skaðabóta.
Afmörkun athafnasvæðisins í aðalskipulagi þarf ekki að vera sú sama og afmörkun lóðarinnar í deiliskipulagi. Bent er á að stærð lóðar er ákveðin í deiliskipulagi.

Skipulagsnefnd leggur til við bæjarstjórn að deiliskipulagstillagan þannig breytt verði samþykkt og skipulagsstjóra falið að annast gildistöku hennar.

Umsögn Skipulagsstofnunar dags. 19. júní 2013 barst eftir fund skipulagsnefndar. Skipulagsstofnun gerir engar athugasemdir.
Umsögn barst frá Umhverfisstofnun 3. júlí 2013 eftir að umsagnarfresti lauk og skipulagsnefnd tók málið fyrir. Í umsögninni er bent á, vegna áfyllingarstöðvar metangass, mikilvægi þess að allar öryggisfjarlægðir í næstu byggingar séu nægjanlegar og að á framkvæmdatíma áfyllingarstöðvarinnar verði þess gætt að halda hljóð- og loftmengun á svæðinu í lágmarki.

Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 7. lið fundargerðar bæjarstjórnar 4. júní 2013.

3. liður í fundargerð skipulagsnefndar dags. 26. júní 2013:
Skipulagsstjóri lagði fram tillögu að breytingu á Aðalskipulagi Akureyrar 2005 - 2018 dagsetta 12. júní 2013, unna af Árna Ólafssyni arkitekt hjá Teiknistofu Arkitekta, Gylfa Guðjónssyni og félögum ehf., vegna stækkunar tjaldsvæðis að Hömrum og útilífsmiðstöðvar skáta auk breytingar á frístundasvæði norðan Kjarnalundar, Götu sólarinnar.
Lögð er til lítilsháttar breyting á Aðalskipulagi Akureyrar 2005-2018 á tjaldsvæði að Hömrum og útilífsmiðstöð skáta, svæðum nr. 3.41.1-O og 3.41.4-O. Einnig er lögð til breyting á Aðalskipulagi Akureyrar 2005-2018 á skipulagssvæði orlofsbyggðarinnar norðan Kjarnalundar, svæðum nr. 3.21.16-F og 3.21.17-F, ásamt austasta hluta íbúðarsvæðis nr. 3.21.15-Íb sem minnkar að sama skapi.
Umsagnir bárust vegna skipulagslýsingar frá:
1) Skipulagsstofnun, dagsett 12. júní 2013 sem bendir á að rökstyðja þarf aðalskipulagsbreytinguna betur og að meta skuli þann hluta breytingarinnar er tekur til Götu sólarinnar, sbr. 5. mgr. 12. gr. skipulagslaga.
2) Norðurorku, dagsett 13. júní 2013.
Á skipulagssvæðinu liggja tvær lagnir á vegum Norðurorku, háspennu- og vatnslögn. Ef heimiluð verður uppbygging á svæðinu þarf líklega að færa umræddar lagnir á kostnað þess aðila sem óskar eftir breytingum.
3) Landsneti, 18. júní 2013.
Um svæðið liggja tvær háspennulínur sem Landsnet á og lögð er áhersla á að helgunarsvæði háspennulínanna sé virt í skipulaginu og það skýrt afmarkað. Viðvörunarskilti þurfa að vera varðandi hvar má tjalda og vegna leikja barna. Landsnet fer fram á að nánara skiplag á svæðinu í nágrenni við háspennulínurnar verði unnið í samráði við Landsnet.
Svar við umsögnum:
1) Umbeðnar upplýsingar er nú þegar í texta á uppdrætti.
2) Tekið skal fram að umræddar lagnir eru utan skipulags frístundasvæðisins.
3) Umræddar lagnir Landsnets ætti ekki að þurfa að færa þar sem þær eru í jaðri svæðisins.

Skipulagsnefnd leggur til við bæjarráð að bókun bæjarráðs frá 10. maí 1994 um afslátt á greiðslu gatnagerðargjalda verði felld niður og leggur til við bæjarstjórn að breytingartillagan verði auglýst skv. 1. mgr. 36. gr. skipulagslaga nr. 123/2010.

Erindi dags. 26. júní 2013 frá Vinum Akureyrar þar sem óskað er eftir að skemmtistaðir megi vera opnir um Verslunarmannahelgina til kl. 02:00 aðfararnótt föstudags og til kl. 05:00 aðfararnótt laugardags, sunnudags og mánudags.

Erindi dags. 2. maí 2013 frá Dagbjörtu Brynju Harðardóttur, f.h. Sinfóníuhljómsveitar Norðurlands og Ragnheiði Skúladóttur f.h. Leikfélags Akureyrar, þar sem óskað er eftir 5 mkr. framlagi frá Akureyrarbæ til að standa straum af sameiginlegum verkefnum félaganna í tilefni af 20 ára afmæli hljómsveitarinnar og 40 ára afmælis atvinnuleikhúss í bænum.

Lögð fram fundargerð 37. fundar hverfisnefndar Síðuhverfis dags. 6. júní 2013.
Fundargerðina má finna á vefslóðinni: http://www.akureyri.is/is/stjornkerfid/hverfisnefndir/siduhverfi/fundargerdir

...