Bæjarráð

3622. fundur 20. desember 2018 kl. 08:15 - 11:06 Fundaaðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Dagbjört Elín Pálsdóttir
  • Halla Björk Reynisdóttir
  • Eva Hrund Einarsdóttir
  • Gunnar Gíslason
  • Hlynur Jóhannsson áheyrnarfulltrúi
  • Sóley Björk Stefánsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir forstöðumaður upplýsinga- og þjónustudeildar ritaði fundargerð
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá
Dagbjört Elín Pálsdóttir S-lista mætti í forföllum Hildu Jönu Gísladóttur.

1.Barnasáttmáli Sameinuðu þjóðanna - innleiðing

2014030109

Liður 5 í fundargerð frístundaráðs dagsettri 7. desember 2018:

Aðgerðaáætlun vegna innleiðingar á Barnasáttmála Sameinuðu þjóðanna lögð fram til samþykktar.

Alfa Aradóttir deildarstjóri forvarna- og frístundamála sat fundinn undir þessum lið.

Frístundaráð samþykkir aðgerðaáætlunina fyrir sitt leyti og vísar henni til endanlegrar afgreiðslu hjá bæjarráði.

Málið var áður á dagskrá bæjarráðs 13. desember sl. og var afgreiðslu þá frestað.

Alfa Aradóttir deildarstjóri forvarna- og frístundamála, Kristinn J. Reimarsson sviðsstjóri samfélagssviðs og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.
Bæjarráð staðfestir innleiðingaráætlunina með þeim breytingum sem fram komu á fundinum og vísar henni til afgreiðslu í bæjarstjórn.

2.Snjómokstur 2018 - viðauki við fjárhagsáætlun

2018120059

Liður 2 í fundargerð umhverfis- og mannvirkjasviðs dagsettri 7. desember 2018:

Lögð fram tillaga að viðauka við fjárhagsáætlun 2018 að upphæð 50 milljónir króna.

Umhverfis- og mannvirkjaráð samþykkir að sækja um viðauka við fjárhagsáætlun 2018 að upphæð 50 milljónir.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir beiðni umhverfis- og mannvirkjaráðs.

3.Fjárhagsáætlun Akureyrarbæjar 2018 - viðauki

2017040095

Lagður fram viðauki 17.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir framlagðan viðauka að upphæð kr. 50 milljónir og vísar honum til staðfestingar í bæjarstjórn.

4.Samningur ríkissjóðs og Akureyrarbæjar um uppgjör lífeyrisskuldbindinga

2018120187

Lögð fram drög að samningi milli fjármála- og efnahagsráðuneytis f.h. ríkissjóðs og Akureyrarbæjar um uppgjör lífeyrisskuldbindinga.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir drögin og felur bæjarstjóra og sviðsstjóra fjársýslusviðs að ganga frá samkomulaginu.

5.Menningarfélag Akureyrar ses. - beiðni um breytingu á greiðslufyrirkomulagi rekstrarframlags 2019

2018120155

Lagt fram erindi dagsett 20. nóvember 2018 frá Preben Jóni Péturssyni f.h. stjórnar Menningarfélags Akureyrar ses. þar sem óskað er breytinga á greiðslufyrirkomulagi rekstrarframlags bæjarins til MAk á árinu 2019.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir umbeðnar breytingar á greiðslufyrirkomulagi rekstrarframlags til MAk á árinu 2019.

6.Breyting á bæjarmálasamþykkt - viðauki

2018090120

Lögð fram breytt Samþykkt um stjórn og fundarsköp Akureyrarkaupstaðar, með tillögu samgöngu- og sveitarstjórnarráðuneytisins að lítils háttar breytingum sem ekki þarf staðfestingu bæjarstjórnar.

Inga Þöll Þórgnýsdóttir bæjarlögmaður sat fund bæjarráðs undir þessum lið.
Bæjarráð samþykkir framlagðar breytingatillögur og felur bæjarlögmanni að ganga frá málinu.

7.Samráðshópur um málefni fatlaðs fólks - samþykkt

2018120116

Lögð fram drög að samþykkt fyrir samráðshóp um málefni fatlaðs fólks í samræmi við 42. gr. laga um félagsþjónustu sveitarfélaga nr. 40/1991.

Inga Þöll Þórgnýsdóttir bæjarlögmaður sat fund bæjarráðs undir þessum lið.
Bæjarráð samþykkir að senda drögin til notendaráðs fatlaðs fólks til umfjöllunar og óskar eftir viðbrögðum fyrir 14. janúar 2019.

8.Öldungaráð 2019 - samþykkt

2018120115

Lögð fram til umræðu drög að samþykkt fyrir öldungaráð í samræmi við breytingar á 2. mgr. 38. gr. laga um félagsþjónustu nr. 40/1991 og breytingar á lögum um málefni aldraðra nr. 125/1999.

Inga Þöll Þórgnýsdóttir bæjarlögmaður sat fund bæjarráðs undir þessum lið.
Bæjarráð samþykkir að senda drögin til öldungaráðs til umfjöllunar og óskar eftir viðbrögðum fyrir 14. janúar 2019.

9.Viðtalstímar bæjarfulltrúa - fundargerðir 2018

2018080202

Lögð fram fundargerð viðtalstíma bæjarfulltrúa dagsett 13. desember 2018.
Bæjarráð vísar lið 1 til bæjarstjóra, lið 2 til frístundaráðs, liðum 3 og 4 til umhverfis- og mannvirkjasviðs og lið 6 til skipulagssviðs. Liður 5 er lagður fram til kynningar.

10.Málþing vegna Mottumars 2019 - styrkbeiðni

2018120105

Erindi dagsett 12. desember 2018 frá Katrín Ösp Jónsdóttur fyrir hönd Krabbameinsfélags Akureyrar og nágrennis þar sem sótt er um styrk vegna málþings sem haldið verður 14. mars 2019.
Bæjarráð getur ekki orðið við erindinu.

11.Tillaga til þingsályktunar um að efla íslensku sem opinbert mál á Íslandi, 443. mál

2018120136

Lagt fram til kynningar erindi dagsett 13. desember 2018 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um að efla íslensku sem opinbert mál á Íslandi, 443. mál 2018.

Þess er óskað að undirrituð umsögn berist eigi síðar en 14. janúar nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/149/s/0631.html.

12.Frumvarp til laga um samskiptaráðgjafa íþrótta- og æskulýðsstarfs, 417. mál

2018120134

Lagt fram til kynningar erindi dagsett 13. desember 2018 frá allsherjar- og menntamálanefnd Alþingis þar sem óskað er umsagnar um frumvarp til laga um samskiptaráðgjafa íþrótta- og æskulýðsstarfs, 417. mál 2018.

Þess er óskað að undirrituð umsögn berist eigi síðar en 14. janúar nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/149/s/0558.html.

Fundi slitið - kl. 11:06.