Bæjarráð

Lagt fram til kynningar yfirlit um rekstur aðalsjóðs frá janúar til október 2016.

Dan Jens Brynjarsson fjármálastjóri sat fund bæjarráðs undir þessum lið.

Lögð fram beiðni Golfklúbbs Akureyrar dagsett 5. desember 2016 um heimild til að veðsetja eigur félagsins.

Dan Jens Brynjarsson fjármálastjóri sat fund bæjarráðs undir þessum lið.

Farið yfir rekstur Menningarfélags Akureyrar.

Dan Jens Brynjarsson fjármálastjóri sat fund bæjarráðs undir þessum lið.

Tekið fyrir að nýju, áður á dagskrá bæjarráðs 1. desember og 24. nóvember 2016:

Erindi dagsett 15. nóvember 2016 frá Félagi atvinnurekenda (FA) þar sem óskað er eftir rökstuðningi Akureyrarkaupstaðar fyrir beitingu heimilda í lögum til að leggja álag á fasteignaskatt á atvinnuhúsnæði. Að auki óskar FA upplýsinga um hvort kostnaðarmat liggi að baki ákvörðunar sveitarfélagsins að beita álagsheimildinni.

Bæjarráð felur bæjarstjóra og fjármálastjóra að undirbúa svar og frestar afgreiðslu til næsta fundar.

Dan Jens Brynjarsson fjármálastjóri sat fund bæjarráðs undir þessum lið.

Tekið fyrir að nýju, áður á dagskrá bæjarráðs 17. nóvember sl.

Erindi dagsett 7. nóvember 2016 frá Guðmundi Hannessyni fyrir hönd Stjórnar Ey-LÍV (Landsamband Íslenskra Vélsleðamanna Eyjafjarðardeild www.liv.is) þar sem óskað er eftir því við Akureyrarbæ að teknar verði upp formlegar viðræður um breytingu á Lögreglusamþykkt fyrir Akureyrarkaupstað þess eðlis að ökumönnum vélsleða verði heimilt að keyra stystu leið á bensínstöð og stystu leið úr bænum í framhaldi.

Dan Jens Brynjarsson fjármálastjóri sat fund bæjarráðs undir þessum lið.

Aðalfundur Minjasafnsins verður haldinn fimmtudaginn 15. desember kl. 13:00.

Lögð fram til kynningar fundargerð 288. fundar stjórnar Eyþings dagsett 23. nóvember 2016.

Fundargerðina má finna á netslóðinni: http://www.eything.is/is/fundargerdir

Dan Jens Brynjarsson fjármálastjóri sat fund bæjarráðs undir þessum lið.

Lagt fram til kynningar erindi dagsett 14. desember 2016 frá efnahags- og viðskiptanefnd Alþingis þar sem óskað er umsagnar um frumvarp til laga um Lífeyrissjóð starfsmanna ríkisins (breyting á A-deild sjóðsins), 6. mál 2016.

Þess er óskað að undirrituð umsögn berist eigi síðar en 15. desember nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/146/s/0006.html

Dan Jens Brynjarsson fjármálastjóri sat fund bæjarráðs undir þessum lið.

9. liður í fundargerð velferðarráðs dagsett 7. desember 2016:

Guðrún Sigurðardóttir framkvæmdastjóri fjölskyldudeildar og Anna Marit Níelsdóttir forstöðumaður félagsþjónustu hjá fjölskyldudeild lögðu fram minnisblað dagsett 7. desember 2016 vegna húsnæðisdeildar sem mun samkvæmt stjórnkerfisbreytingum flytjast til fjölskyldudeildar frá 1. janúar 2017.

Karólína Gunnarsdóttir þjónustustjóri á fjölskyldudeild sat fundinn undir þessum lið.

Velferðarráð samþykkir fyrir sitt leyti að heimila ráðningu félagsráðgjafa í fullt starf vegna húsnæðisverkefnanna. Málinu vísað til bæjarráðs.

Anna Marit Níelsdóttir forstöðumaður félagsþjónustu hjá fjölskyldudeild, Karólína Gunnarsdóttir þjónustustjóri á fjölskyldudeild og Róbert Freyr Jónsson varaformaður velferðarráðs sátu fund bæjarráðs undir þessum lið. Einnig sat Dan Jens Brynjarsson fjármálastjóri fund bæjarráðs undir þessum lið.

Farið yfir drög að reglum um sérstakan húsnæðisstuðning.

Anna Marit Níelsdóttir forstöðumaður félagsþjónustu hjá fjölskyldudeild, Karólína Gunnarsdóttir þjónustustjóri á fjölskyldudeild og Róbert Freyr Jónsson varaformaður velferðarráðs sátu fund bæjarráðs undir þessum lið. Einnig sat Dan Jens Brynjarsson fjármálastjóri fund bæjarráðs undir þessum lið.

Skipulagsnefnd samþykkti á fundi 5. október 2016 að senda tillögu að Aðalskipulagi Akureyrar 2018-2030 til umsagnar innan bæjarkerfisins, þ.e. deilda, nefnda og ráða.

Bjarki Jóhannesson skipulagsstjóri og Tryggvi Már Ingvarsson formaður skipulagsnefndar sátu fund bæjarráðs undir þessum lið.

Rætt um fyrirkomulag ráðninga millistjórnenda á ný svið Akureyrarbæjar.