Menningarfélag Akureyrar

Bæjarráð felur fjármálastjóra að ganga frá samkomulagi við MAk í samræmi við umræður á fundinum. Samkomulagið á ekki að hafa í för með sér kostnaðarauka fyrir sveitarfélagið.

Stjórn Akureyrarstofu þakkar Þuríði fyrir greinargóðar upplýsingar og gagnlegar umræður.

Bæjarráð þakkar þeim Sigurði og Þuríði Helgu fyrir yfirferðina. Jafnframt felur bæjarráð Þuríði Helgu og Dan Jens að leggja fram minnisblað á næsta fundi bæjarráðs um aðgerðir vegna stöðu félagsins.

Bæjarráð felur Dan Jens Brynjarssyni fjármálastjóra að ganga frá samkomulagi við MAK um rekstrarframlag ársins. Jafnframt óskar bæjarráð eftir uppfærðri áætlun MAK sem lögð verði fyrir bæjarráð fyrir lok júní nk.

Bæjarráð þakkar þeim Þuríði Helgu og Dan fyrir yfirferðina og felur Þuríði Helgu að leggja fram frekari gögn í bæjarráði fimmtudaginn 4. ágúst nk., í samræmi við umræður á fundinum.

Bæjarráð þakkar Þuríði Helgu og Sigurði fyrir kynninguna og felur fjármálastjóra og formanni bæjarráðs að vinna málið í samræmi við umræður á fundinum.

Bæjarráð frestar afgreiðslu.

Mikill halli varð af rekstri MAk starfsárið 2015-2016. Hallinn skýrist m.a. af ofáætluðum tekjum viðburðarsviðs og því að stofnað var til útgjalda sem ekki heyrðu undir framleiðsluáætlanir, án nægilegrar vitundar um það hvort og þá hvar áætlað hafði verið fyrir þeim kostnaðarliðum. Ljóst er að um var að ræða bókhaldsóreiðu og ófullnægjandi fjármálastjórnun innan félagsins undir stjórn fyrrum framkvæmdastjóra. Brugðist hefur verið við því innan félagsins með því að endurmannað hefur verið í lykilstöður. Það er mat bæjarráðs, eftir að hafa farið yfir stöðuna og endurskoðaðar áætlanir með nýjum framkvæmdastjóra og stjórn félagsins, að félagið hafi burði til að vinna sig út úr þeim tímabundna vanda sem það stendur frammi fyrir.

Í ljósi þessa samþykkir bæjarráð að veita félaginu fyrirframgreiðslu að fjárhæð kr. 75 milljónir króna. Um er að ræða fyrirframgreiðslu og kemur fjárhæðin til frádráttar greiðslum skv. samningi á árunum 2017 og 2018 og er því ekki um að ræða útgjaldaauka hjá Akureyrarbæ þegar horft er til þriggja ára. Skilyrði fyrir framvindu á greiðslum til félagsins er háð því að félagið skili ársfjórðungslega yfirliti um fjárhagsstöðu til bæjarins.

Þorsteinn Hlynur Jónsson Æ-lista sat hjá við afgreiðslu.

Stjórn Akureyrarstofu þakkar Sigurði og Þuríði fyrir greinargóðar upplýsingar og gagnlegar umræður.