Velferðarráð

1281. fundur 08. ágúst 2018 kl. 14:00 - 17:00 Glerárgata 26, kálfur, fundarherbergi
Nefndarmenn
  • Dagbjört Elín Pálsdóttir formaður
  • Róbert Freyr Jónsson
  • Petrea Ósk Sigurðardóttir
  • Hermann Ingi Arason
  • Lára Halldóra Eiríksdóttir
  • Sigrún Elva Briem áheyrnarfulltrúi
Starfsmenn
  • Steinunn Benna Hreiðarsdóttir fundarritari
Fundargerð ritaði: Jón Hrói Finnsson
Dagskrá
Petrea Ósk Sigurðardóttir B-lista mætti í forföllum Gunnfríðar Hreiðarsdóttur.

1.Trúnaðaryfirlýsing bæjarfulltrúa, nefndamanna og áheyrnarfulltrúa 2018 - 2022

2018060368

Aðal- og varafulltrúar ásamt áheyrnarfulltrúa undirrituðu trúnaðaryfirlýsingu.

Halldór S. Guðmundsson framkvæmdastjóri ÖA og Ingunn Eyjólfsdóttir félagsráðgjafi ÖA sátu fundinn undir þessum lið.

2.ÖA - breyting á skammtímarými í dagþjálfunarrými

2018030309

Framkvæmdastjóri ÖA, Halldór S. Guðmundsson, greindi frá framvindu og vinnu við undirbúning að samkomulagi við velferðarráðuneytið um nýsköpunar- og þróunarverkefni þar sem rýmum í tímabundinni dvöl verði breytt í dagþjálfunarrými.

Málið var áður á dagskrá velferðarráðs þann 21. mars og 2. maí sl. sbr. einnig endurteknar umfjallanir um þróunarverkefni síðustu tveggja ára sem nánar er greint frá í skýrslum á heimasíðu ÖA.

Um er að ræða þróunarverkefni sem felur í sér fjölgun rýma í dagþjálfun um 20-25 og breyttar áherslur m.a. á hæfingu og þjálfun, sveigjanlegan og lengri opnunartíma eins og á rauðum dögum og um helgar.

Halldór S. Guðmundsson framkvæmdastjóri ÖA og Ingunn Eyjólfsdóttir félagsráðgjafi ÖA sátu fundinn undir þessum lið.
Velferðarráð þakkar góða kynningu og lýsir ánægju sinni með verkefnið.

3.Öldrunarheimili Akureyrar - framtíðaruppbygging

2018070458

Framkvæmdastjóri ÖA, Halldór S. Guðmundsson, kynnti minnisblað varðandi framtíðaruppbyggingu Öldrunarheimila Akureyrar í framhaldi af umræðu sem var í bæjarráði 2. ágúst sl. en málið var áður á dagskrá bæjarráðs 19. júlí 2018. Niðurstaða bæjarráðs var að fela framkvæmdastjóra ÖA að kynna hugmyndir um framtíðaruppbyggingu fyrir öldungaráði og velferðarráði.

Halldór S. Guðmundsson framkvæmdastjóri ÖA og Ingunn Eyjólfsdóttir félagsráðgjafi ÖA sátu fundinn undir þessum lið.
Velferðarráð þakkar kynninguna, óskar eftir að fylgjast með framgangi mála og styður við að unnið verði að framgangi tillagnanna.

4.Skýrsla KPMG - mat á InterRAI mælitækjum og færni- og heilsumati

2018070357

Framkvæmdastjóri ÖA lagði fram til kynningar nýja skýrslu sem unnin var á vegum Embættis landlæknis og snertir ýmsa þættir varðandi færni- og heilsumat og Rai mat.

Í kynningu á skýrslunni segir: Embætti landlæknis tók ákvörðun um að láta gera heildstætt mat á InterRAI mælitækjum fyrir hjúkrunarheimili og á færni- og heilsumati.

Embættið fékk ráðgjafafyrirtækið KPMG til matsins sem gert var í desember 2017 til febrúar 2018 og var skýrslu skilað í maí 2018.

Skýrslan er ítarleg og dregur fram að þörf er á úrbótum varðandi notkun á InterRAI mælitækjum og framkvæmd við færni- og heilsumat. Embættið vill þakka öllum þeim sem komu að greiningunni með KPMG.

Á heimasíðu Embættis landlæknis (https://www.landlaeknir.is/um-embaettid/frettir/frett/item35196/Heildstaett-mat-gert-a-InterRAI-maelitaekjum-og-a-faerni--og-heilsumati) má finna skýrsluna og minnisblað með þeim þáttum sem embættið telur að bregðast þurfi við í kjölfarið.

Halldór S. Guðmundsson framkvæmdastjóri ÖA og Ingunn Eyjólfsdóttir félagsráðgjafi ÖA sátu fundinn undir þessum lið.

5.Drög að reglugerðum á sviði félagsmála til umsagnar 2018

2017110287

Lögð fram drög að sjö reglugerðum varðandi félagsmál sem eru til umsagnar á samráðsgátt stjórnvalda á island.is ásamt drögum að umsögnum um þær. Frestur til að skila umsögnum er á bilinu frá 13. ágúst til 20. ágúst nk.

Jón Hrói Finnsson sviðsstjóri búsetusviðs, Laufey Þórðardóttir verkefnastjóri stoðþjónustu, Guðrún Sigurðardóttir sviðsstjóri fjölskyldusviðs og Halldóra K. Hauksdóttir lögfræðingur sátu fundinn undir þessum lið.
Velferðarráð felur sviðsstjórum að gera athugasemdir f.h Akureyrarbæjar.

6.NPA 2017-2019

2018020006

Þann 1. október nk. taka gildi lög nr. 38/2018 um þjónustu við fatlað fólk með langvarandi stuðningsþarfir. Með þeim er notendastýrð persónuleg aðstoð (NPA), sem fram að þessu hefur verið veitt í tilraunaskyni samkvæmt bráðabirgðaákvæðum gildandi laga, lögfest sem þjónustuform. Jón Hrói Finnsson, sviðsstjóri búsetusviðs og Laufey Þórðardóttir verkefnastjóri stoðþjónustu á búsetusviði fóru yfir stöðu varðandi umsóknir um NPA og vinnu við undirbúning umsókna.

Jón Hrói Finnsson sviðsstjóri búsetusviðs, Laufey Þórðardóttir verkefnastjóri, Guðrún Sigurðardóttir sviðsstjóri fjölskyldusviðs og Halldóra K. Hauksdóttir lögfræðingur sátu fundinn undir þessum lið.
Velferðarráð þakkar kynninguna og lýsir vilja til að áfram verði unnið að gerð nýrra samninga. Áætlaður viðbótarkostnaður vegna nýrra NPA samninga auk hækkunar tímagjalds er um 50 milljónir króna.
Hermann Ingi Arason vék af fundi kl. 16:30.

7.Ósk um viðbótarfjárveitingu vegna næturvaktar

2018050290

Lögð fram beiðni Jóns Hróa Finnssonar, sviðsstjóra búsetusviðs, um viðbótarfjárveitingu og ráðningarheimildir vegna næturvaktar í áfangaheimili fyrir geðfatlaða í Hamratúni 2 að fjárhæð kr. 17.000.000. Fjárþörfin er til skoðunar, jafnframt hvar megi spara til að mæta henni.

Jón Hrói Finnsson sviðsstjóri búsetusviðs og Laufey Þórðardóttir verkefnastjóri stoðþjónustu sátu fundinn undir þessum lið.
Velferðarráð samþykkir erindið fyrir sitt leyti og vísar því til bæjarráðs.

Fundi slitið - kl. 17:00.