Velferðarráð

1263. fundur 18. október 2017 kl. 14:00 - 17:25 Fundarsalur á 2. hæð í Glerárgötu 26
Nefndarmenn
  • Erla Björg Guðmundsdóttir formaður
  • Róbert Freyr Jónsson
  • Halldóra Kristín Hauksdóttir
  • Svava Þórhildur Hjaltalín
  • Valur Sæmundsson
Starfsmenn
  • Guðrún Ólafía Sigurðardóttir sviðsstjóri fjölskyldusviðs
  • Halldór Sigurður Guðmundsson framkvæmdastjóri ÖA
  • Jón Hrói Finnsson sviðsstjóri búsetusviðs
  • Steinunn Benna Hreiðarsdóttir fundarritari
Fundargerð ritaði: Bryndís Dagbjartsdóttir
Dagskrá
Guðrún Karitas Garðarsdóttir Æ-lista boðaði forföll sem og varamaður hennar.

1.Fjárhagsaðstoð 2017

2017010094

Lagt fram til kynningar yfirlit yfir veitta fjárhagsaðstoð fyrstu 9 mánuði ársins.

Anna Marit Níelsdóttir forstöðumaður félagsþjónustu fjölskyldusviðs og Jón Heiðar Daðason húsnæðisfulltrúi sátu fundinn undir þessum lið.

2.Leiguíbúðir Akureyrarbæjar 2017

2017010093

Lagt fram til kynningar yfirlit yfir stöðu biðlista eftir leiguhúsnæði bæjarins í lok september 2017.

Anna Marit Níelsdóttir forstöðumaður félagsþjónustu fjölskyldusviðs og Jón Heiðar Daðason húsnæðisfulltrúi sátu fundinn undir þessum lið.

3.Smáhýsaúrræði vegna einstaklinga með fjölþættan vanda

2016120134

Rætt um úrræði fyrir einstaklinga með fjölþættan vanda.

Guðrún Sigurðardóttir sviðsstjóri fjölskyldusviðs, Anna Marit Níelsdóttir forstöðumaður félagsþjónustu fjölskyldusviðs og Jón Heiðar Daðason húsnæðisfulltrúi sátu fundinn undir þessum lið.

4.Beiðni um aðgang að upplýsingum hjá Akureyrarbæ - verklagsreglur og önnur gögn sem varða úthlutun á Hlíð þegar óskað er eftir dýralausu rými

2017080088

Lagt fram til kynningar erindi dagsett 10. ágúst 2017 frá Valgerði Guðmundsdóttur hdl. f.h. ættingja fyrrverandi íbúa á Öldrunarheimilum Akureyrar þar sem óskað er upplýsinga um verklagsreglur og önnur gögn er varða úthlutun á Hlíð þegar óskað er eftir dýralausu rými.

Halldór S. Guðmundsson framkvæmdastjóri Öldrunarheimila Akureyrar lagði fram og kynnti svarbréf Öldrunarheimila Akureyrar og upplýsingagjöf við beiðninni og einnig lokabréf lögmannsins að fengnu svari ÖA.

5.Fyrirspurn vegna hvíldarinnlagnar

2017100200

Lagt fram bréf dagsett 6. október 2017 frá Sjúkratryggingum Íslands þar sem leitað er upplýsinga um hvernig staðið er að framkvæmd þjálfunar einstaklinga sem koma til hvíldarinnlagna á Öldrunarheimili Akureyrar.

Halldór S. Guðmundsson framkvæmdastjóri ÖA lagði fram svarbréf sitt og stutta samantekt sem send var til Sjúkratrygginga Íslands.

6.Þjónustuhópur aldraðra

2017030620

Lögð fram til kynningar fundargerð 2. fundar Þjónustuhóps aldraðra sem haldinn var 12. september 2017.
Velferðarráð vekur athygli frístundaráðs á tilmælum þjónustuhóps aldraðra sbr. 3. dagskrárlið fundar 02-2017.

7.Velferðartækni - samstarf velferðarsviðs Reykjavíkur og velferðarráðs Akureyrar

2017090039

Framkvæmdastjóri Öldrunarheimila Akureyrar, Halldór S. Guðmundsson, vakti máls á umræðu og framvindu verkefna á sviði velferðartækni. Sem hluti af markmiði Connect verkefnisins og samstarfs við velferðarsvið Reykjavíkur og velferðarráðuneytið, var Halldór með innlegg á málstofu á fjármálaráðstefnu sveitarfélaga þann 6. október 2017. Þá eru vinnuhópar á vegum fjölskyldusviðs, búsetusviðs og Öldrunarheimila Akureyrar og er ráðgert að halda reglulega stutta samráðs- og kynningarfundi á 2-3 vikna fresti í vetur. Markmið fundanna er að miðla og hvetja til samstarfs og eftirfylgdar verkefna sem eru í gangi eða á byrjunarreit.

Halldór greindi einnig frá áformum um framhald verkefna hjá ÖA svo sem Memaxi, samstarf við Símann um snjöll heimili og notkun tónlistar/spotify í iðju- og félagsstarfi svo nokkuð sé nefnt.

8.Hollvinasamtök Öldrunarheimila Akureyrar

2017100201

Framkvæmdastjóri Öldrunarheimila Akureyrar, Halldór S. Guðmundsson, greindi frá undirbúningi að stofnun Hollvinasamtaka ÖA sem áætlaður er 31. október 2017 kl. 16:00.

9.Velferðarstefna 2014 - 2018

2015010191

Áfram unnið að gerð velferðarstefnu.

Fundi slitið - kl. 17:25.