Starfs- og fjárhagsáætlun stjórnar Akureyrarstofu 2021

Stjórn Akureyrarstofu vísar málinu til umræðu í bæjarráði.

Meirihluti stjórnar Akureyrarstofu samþykkir verkefni starfsáætlunar og felur starfsmönnum að útfæra betur 90 daga sprettina og setja kostnaðartölur inn á verkefnin eins og hægt er.

Finnur Dúa Sigurðsson V-lista sat hjá.

Fulltrúi V-lista óskar bókað: Ég vil koma á framfæri óánægju minni með umræðu vegna flugklasans Air66. Þrátt fyrir útskýringar og aðkomu Íslandsstofu og Isavia að markaðssetningu á Akureyrarflugvelli og þeim möguleikum sem við það opnast mun 9 milljóna framlag til flugklasans vera óskert þrátt fyrir aðhaldsaðgerðir í mörgum málaflokkum sem ýmist snerta beina þjónustu við bæjarbúa eða gjaldskrárhækkanir. Ég tel illa farið með almannafé þar sem um sambærileg verkefni er að ræða sem þá verða unnin á tveimur stöðum. Ég tel að þetta geti skemmt fyrir þeim möguleika að ríkið taki við að fjármagna markaðssetningu á Akureyrarflugvelli sem alþjóðaflugvelli.

Sjórn Akureyrarstofu samþykkir starfsáætlun 2021.

Starfsáætlunin er unnin í anda samstarfssáttmála bæjarstjórnar þar sem meðal annars er lögð áhersla á að fækka ólögbundnum verkefnum og að rekstur Akureyrarbæjar verði fjárhagslega sjálfbær á næstu fimm árum.