Bæjarráð

3498. fundur 17. mars 2016 kl. 08:30 - 11:22 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Gunnar Gíslason
  • Preben Jón Pétursson
  • Sóley Björk Stefánsdóttir áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá
Sóley Björk Stefánsdóttir V- lista mætti á fundinn kl. 08:44.

1.Menningarfélag Akureyrar

2016030110

Sigurður Kristinsson formaður stjórnar, Þuríður Helga Kristjánsdóttir framkvæmdastjóri og Magna Guðmundsdóttir fulltrúi í stjórn MAK mættu á fund bæjarráðs og fóru yfir stöðu og horfur í rekstri Menningarfélags Akureyrar.

Einnig sat Dan Jens Brynjarsson fjármálastjóri fundinn undir þessum lið.

2.Íbúðir fyrir tekjulágar fjölskyldur

2016030098

Rætt um viljayfirlýsingu Alþýðusambands Íslands og Reykjavíkurborgar um uppbyggingu á 1000 íbúðum á næstu fjórum árum.

Dan Jens Brynjarsson fjármálastjóri sat fund bæjarráðs undir þessum lið.
Bæjarráð felur bæjarstjóra að kalla eftir viðræðum við forsvarsmenn ASÍ um möguleika á uppbyggingu á ódýru leiguhúsnæði fyrir tekjulágar fjölskyldur og einstaklinga á Akureyri.

3.Gervigrasvellir og gúmmíkurl

2016030101

Rætt um gúmmíkurl á gervigrasvöllum Akureyrarbæjar.

Dan Jens Brynjarsson fjármálastjóri sat fund bæjarráðs undir þessum lið.
Bæjarráð felur íþróttaráði og stjórn Fasteigna Akureyrarbæjar að leggja fram viðhaldsáætlun vegna endurnýjunar á gervigrasi á sparkvöllum bæjarins og skal áætlunin liggja fyrir 10. apríl nk.

4.Vinabæjamót - kontaktmannamót - Västerås 2016

2016030095

Lagt fram erindi dagsett 10. mars 2016 frá Bo Dahllöf borgarstjóra Västerås þar sem hann er að athuga hvort færa megi vinabæjamót sem haldið verður í Västerås í ár um eina viku þ.e. til daganna 16. og 17. júní. Einnig er óskað eftir áliti sveitarfélagsins á því hvort breyta eigi hve marga fulltrúa hvert sveitarfélag sendir á vinabæjamótin þannig að á vinabæjamótin mæti aðeins 2 fulltrúar bæjarstjóri og forseti bæjarstjórnar.
Bæjarráð felur bæjarstjóra að svara bréfritara.

5.Norðurorka hf - aðalfundur 2016

2016030099

Erindi dagsett 14. mars 2016 frá stjórn Norðurorku hf, þar sem boðað er til aðalfundar Norðurorku hf 1. apríl nk. kl. 14:00 í Hofi, Akureyri.
Bæjarráð felur bæjarstjóra að fara með umboð Akureyrarbæjar á fundinum.

6.Viðtalstímar bæjarfulltrúa - fundargerð

2015110022

Lögð fram fundargerð viðtalstíma bæjarfulltrúa dagsett 10. mars 2016. Fundargerðin er í 4 liðum.
Bæjarráð vísar 4. lið til skipulagsstjóra, 1., 2. og 3. liður eru lagðir fram til kynningar í bæjarráði.

7.Frumvarp til laga um málefni aldraðra, 352. mál

2016030051

Lagt fram til kynningar erindi dagsett 7. mars 2016 frá velferðarnefnd Alþingis þar sem óskað er umsagnar um frumvarp til laga um málefni aldraðra (réttur til sambúðar á stofnunum), 352. mál 2016.

Þess er óskað að undirrituð umsögn berist eigi síðar en 1. apríl nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/0452.html

8.Tillaga til þingsályktunar um skilyrðislausa grunnframfærslu, 354. mál

2016030055

Lagt fram til kynningar erindi dagsett 8. mars 2016 frá velferðarnefnd Alþingis þar sem óskað er umsagnar um tillögu til þingsályktunar um skilyrðislausa grunnframfærslu (borgaralaun), 354. mál 2016.

Þess er óskað að undirrituð umsögn berist eigi síðar en 1. apríl 2016 á netfangið nefndasvid@althingi.is.

Þingskjalið er hægt að sækja á vef Alþingis:

http://www.althingi.is/altext/145/s/0454.html

9.Önnur mál

2016010008

Lögð fram og samþykkt eftirfarandi bókun:



Bæjarráð Akureyrar fagnar ákvörðun Alþjóðlegu norðurskautsvísindanefndarinnar (IASC) um að flytja skrifstofu nefndarinnar frá Þýskalandi til Akureyrar um næstu áramót. Bæjarráð þakkar sömuleiðis stuðning ríkisstjórnar Íslands í málinu.

Ákvörðun þessi treystir stöðu Akureyrar sem miðstöðvar norðurslóðamála á Íslandi, en nú þegar eru á Akureyri fjölmargir aðilar sem starfa að málefnum norðurslóða s.s. Norðurslóðanet Íslands, Stofnun Vilhjálms Stefánssonar, PAME og CAFF svo fáeinir séu nefndir.



Fundi slitið - kl. 11:22.