Starfshópur Akureyrarstofu um atvinnumál

Stjórn Akureyrarstofu samþykkir að skipa starfshóp um atvinnumál og að í honum sitji fulltrúar allra flokka í bæjarstjórn. Stjórnin samþykkir fyrirliggjandi erindisbréf fyrir hópinn og óskar eftir því við bæjarráð að það heimili að ráðinn verði sérstakur starfsmaður að tillögu starfshópsins, sem vinni að verkefnum hans. Stjórn Akureyrarstofu óskar eftir því við flokkana að gætt verði að kynjahlutföllum við skipun einstaklinga í hópinn.

Jóhann Jónsson óskar að bókað verði eftirfarandi: Ég tel mikilvægt að viðkomandi starfsmaður vinni með starfsmönnum Akureyrarstofu og heyri undir framkvæmdastjóra hennar.

Bæjarráð frestar afgreiðslu. 

Bæjarráð samþykkir tillögu starfshóps um atvinnumál, sem starfar í umboði Akureyrarstofu, að ráða í 100 % starf verkefnisstjóra atvinnumála.   Bæjarráð samþykkir að veita aukafjárveitingu að upphæð 2.2 millj. kr. vegna ráðningarinnar og vísar henni til endurskoðunar fjárhagsáætlunar ársins 2010.  Starfið verði auglýst strax.

Stjórn Akureyrarstofu samþykkir skipan eftirtalinna fulltrúa í starfshópinn:

Geir Kristinn Aðalsteinsson, formaður

Sigmundur Ófeigsson,

Andrea Hjálmsdóttir,

Hannes Karlsson,

Matthías Rögnvaldsson,

Njáll Trausti Friðbertsson,

Ragnar Sverrisson.

Stjórn Akureyrarstofu býður Sævar Pétursson velkominn til starfa og fagnar auknum styrk til þess að sinna atvinnumálum og samvinnu við fyrirtæki í bænum.

Stjórn Akureyrarstofu þakkar starfshópnum fyrir vel unnin störf og greinargóða skýrslu. Stjórnin mun taka tillögur hópsins til umfjöllunar og frekari úrvinnslu.

Umræðu frestað til næsta fundar.

Ákvörðun frestað til næsta fundar.

Meirihluti stjórnar Akureyrarstofu samþykkir að setja á stofn verkefnisstjórn skipaða fulltrúum allra stjórnmálaafla sem ætlað er að móta atvinnustefnu fyrir bæinn ásamt því að gera tillögur að verkefnum til styrkingar atvinnulífinu.
Stjórnin felur framkvæmdarstjóra að útbúa erindisbréf í samræmi við fyrirliggjandi drög.

Helena Þ. Karlsdóttir fulltrúi Samfylkingarinnar óskar bókað:
Ég get fallist á að sett verði á fót sérstök verkefnastjórn sem ætlað er að móta stefnu Akureyrarbæjar í atvinnumálum og að verkefnastjórninni verði falið að skila stjórn Akureyrarstofu drögum að framtíðarstefnu Akureyrarbæjar í atvinnumálum í síðasta lagi 15. janúar 2012. Er slík vinna í samræmi við það verklag sem viðhaft er við endurskoðun á menningarstefnu Akureyrarbæjar.
Ég tel hins vegar óeðlilegt að verkefnisstjórninni sé einnig ætlað að vera stjórn Akureyrarstofu til ráðgjafar um sérstök verkefni og aðgerðir. Með því eru atvinnumálin, einn málaflokka, sem heyrir undir stjórn Akureyrarstofu, tekinn út og settur undir sérstakan verkefnahóp. Það hefur enn ekki verið skilgreint hvað flokkast undir atvinnumál og því er hlutverk verkefnishópsins óljóst og óskilgreint. Ég tel það auka flækjustig stjórnsýslunnar, auka ógegnsæi og þar með ekki samrýmast góðum stjórnsýsluháttum. Ég mun því sitja hjá við afgreiðslu málsins.

Sóley Björk Stefánsdóttir fulltrúi Vinstri hreyfingarinnar græns framboðs óskar bókað:
Ég tel það mjög mikilvægt að bæði karlar og konur komi að jöfnu að stefnumótun, skilgreiningu og ráðgjöf varðandi atvinnumál. Ég get því ekki samþykkt afgreiðslu þessa máls þar sem jöfn aðkoma kynjanna er ekki tryggð.

Halla Björk Reynisdóttir, Sigmundur Ófeigsson og Þórarinn Stefánsson fulltrúar L-listans óska bókað:
Við teljum það afar mikilvægt að þverpólitísk samstaða náist um atvinnustefnu fyrir Akureyarbæ.
Í þeim tilgangi verður nú settur á fót starfshópur skipaður einum aðila frá hverjum flokki/lista. Þar sem að ekki er gert ráð fyrir fleirum frá hverjum flokki/lista teljum við ógerlegt að gera kröfu um jafnan kynjakvóta þó að við að sjálfsögðu mælumst til þess.
Í því augnamiði leggjum við til að varamenn verði skipaðir í hópinn og þeir þá af gagnstæðu kyni við aðalmenn. Þá teljum við ávinning af því að starfshópurinn komi með tillögur til stjórnar Akureyrarstofu að bráðaaðgerðum í atvinnumálum, sem og að stjórnin geti leitað til hópsins.