Stjórn Akureyrarstofu

103. fundur 25. ágúst 2011 kl. 16:00 - 18:40 Fundarherbergi Akureyrarstofu í menningarhúsinu Hofi
Nefndarmenn
  • Halla Björk Reynisdóttir formaður
  • Hlín Bolladóttir
  • Jón Hjaltason
  • Jóhann Jónsson
  • Sóley Björk Stefánsdóttir
Starfsmenn
  • Þórgnýr Dýrfjörð fundarritari
Dagskrá

1.Leikfélag Akureyrar - staða rekstrar

Málsnúmer 2011080046Vakta málsnúmer

Farið yfir stöðuna í fjármálum Leikfélags Akureyrar. Á fundi bæjarráðs í morgun var samþykkt að greiða Leikfélagi Akureyrar fyrirfram allt að kr. 30 milljónir af væntanlegum framlögum næsta árs og óskað eftir því við stjórn Akureyrarstofu að hún tilnefni tvo fulltrúa með fulltrúum bæjarráðs vegna frekari vinnu varðandi fjárhagsmál félagsins

Stjórn Akureyrarstofu skipar Höllu Björk Reynisdóttur og Sóleyju Björk Stefánsdóttur fyrir sína hönd í hópinn.

Stjórn Akureyrarstofu leggur áherslu á að í vinnu hópsins verði farið vandlega yfir hvernig hallarekstur LA gat átt sér stað án þess að við yrði brugðist og hvar ábyrgðin liggur. Jafnframt að óháður aðili fari yfir það sem úrskeiðis fór.

2.Skipulagsbreytingar í Listagili - hugmyndavinna 2011

Málsnúmer 2011040137Vakta málsnúmer

Lögð fram til umræðu drög að auglýsingu fyrir nýtt starf forstöðumanns Sjónlistamiðstöðvar í Listagili.
Sóley Björk Stefánsdóttir vék af fundi við umræðu og afgreiðslu þessa liðar.

Stjórn Akureyrarstofu samþykkir drögin fyrir sitt leyti og felur framkvæmdastjóra að auglýsa starfið og ganga frá samningi við ráðningarstofu um vinnu við ráðningarferlið.

3.Fjárhagsáætlun 2012 - Akureyrarstofa

Málsnúmer 2011080087Vakta málsnúmer

Lagt fram til kynningar yfirlit um fjárhagsáætlunarferli og tímaáætlun vegna áætlunargerðar fyrir næsta ár.

4.Starfshópur Akureyrarstofu um atvinnumál

Málsnúmer 2010060120Vakta málsnúmer

Greint frá skipan í starfshóp um mótun atvinnustefnu og fyrsta undirbúningsfundi hans.
Í hópinn voru skipaðir: Sigmundur Einar Ófeigsson (L), kt. 200458-2309, Matthías Rögnvaldsson (A), kt. 141271-4669, Hannes Karlsson (B), kt. 170659-5389, Ragnar Sverrisson (S), kt. 260249-2319, Unnsteinn Einar Jónsson (D), kt. 151263-4029 og Sóley Björk Stefánsdóttir (V), kt. 090773-3489.
Til vara eru Helga Mjöll Oddsdóttir (L), kt. 120880-4549, Sigurður Guðmundsson (A), kt. 080369-3879, Sigríður Valdís Bergvinsdóttir (B), kt. 041270-2929, Helena Þuríður Karlsdóttir (S), kt. 280867-5789 og Jón Erlendsson (V), kt. 041251-2989. Varamaður D-lista verður skipaður síðar.

5.Samningur um samstarf ríkis og Akureyrarbæjar í menningarmálum - endurnýjun 2011

Málsnúmer 2010110047Vakta málsnúmer

Farið yfir stöðuna í viðræðum menntamálaráðuneytisins og Akureyrarbæjar um endurnýjun samstarfssamningsins.

Fundi slitið - kl. 18:40.