Bæjarráð

3230. fundur 08. júlí 2010 kl. 09:00 - 09:00 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Geir Kristinn Aðalsteinsson
  • Halla Björk Reynisdóttir
  • Ólafur Jónsson
  • Petrea Ósk Sigurðardóttir
  • Andrea Sigrún Hjálmsdóttir áheyrnarfulltrúi
  • Hermann Jón Tómasson áheyrnarfulltrúi
  • Sigurður Guðmundsson áheyrnarfulltrúi
  • Karl Guðmundsson
  • Dagný Magnea Harðardóttir fundarritari
Fundargerð ritaði: Dagný Harðardóttir skrifstofustjóri
Dagskrá

1.Ágóðahlutagreiðsla 2010

Málsnúmer 2010070014Vakta málsnúmer

Lagður fram til kynningar tölvupóstur dags. 24. júní 2010 frá Eignarhaldsfélaginu Brunabótafélagi Íslands þar sem tilkynnt er um að greiðsla ágóðahluta til aðildarsveitarfélaga fyrir árið 2010 fari fram 15. október nk.

2.Slökkvilið Akureyrar - ýmis málefni

Málsnúmer 2010050026Vakta málsnúmer

Lögð fram drög dags. 6. júlí 2010 að svari við bréfi dags. 18. júní 2010 frá Sigurjóni Magnússyni er varðar ákvörðun Akureyrarbæjar um kaup á slökkvibifreið. Bæjarráð fól bæjartæknifræðingi og bæjarlögmanni á fundi sínum þann 24. júní sl. að leggja fram drög að svari fyrir bæjarráð.

Inga Þöll þórgnýsdóttir bæjarlögmaður sat fundinn undir þessum lið.

Bæjarráð þakkar bæjarlögmanni og bæjartæknifræðingi fyrir drögin og felur bæjarlögmanni að svara bréfritara.

3.Lundarhverfi - reitur 2.51.7 - breyting á deiliskipulagi Brálundar

Málsnúmer 2010020057Vakta málsnúmer

2. liður í fundargerð skipulagsnefndar dags. 12. maí 2010:
Deiliskipulagstillagan var auglýst samhliða aðalskipulagsbreytingu frá 17. mars með athugasemdafresti til 28. apríl 2010. Auglýsingar birtust í Lögbirtingarblaði og Dagskránni. Þrjár athugasemdir bárust og hefur þeim verið svarað, sjá fundargerð skipulagsnefndar dags. 12. maí 2010.
Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 29. júní 2010.

Meirihluti bæjarráð samþykkir deiliskipulagstillöguna og felur skipulagsstjóra að annast gildistöku hennar.

 

Oddur Helgi Halldórsson og Petrea Ósk Sigurðardóttir sátu hjá við afgreiðslu.

4.Afgreiðslur skipulagsstjóra 2010

Málsnúmer 2010010128Vakta málsnúmer

Lögð fram fundargerð 304. afgreiðslufundar skipulagsstjóra dags. 30. júní 2010. Fundargerðin er í 10 liðum. Skipulagsstjóri óskar eftir staðfestingu bæjarstjórnar á liðum 1., 4., 6., 7., 8., 9. og 10. Aðrir liðir gefa ekki tilefni til ályktunar.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 29. júní 2010.

Bæjarráð staðfestir liði 1., 4., 6., 7., 8., 9. og 10. í fundargerð skipulagsstjóra dags. 30. júní 2010.

5.Starfshópur Akureyrarstofu um atvinnumál

Málsnúmer 2010060120Vakta málsnúmer

7. liður í fundargerð stjórnar Akureyrarstofu dags. 23. júní 2010:
Lögð fram tillaga að skipun starfshóps um atvinnumál sem skipaður verði fulltrúum allra framboða í bæjarstjórn og drög að erindisbréfi fyrir hópinn.
Stjórn Akureyrarstofu samþykkir að skipa starfshóp um atvinnumál og að í honum sitji fulltrúar allra flokka í bæjarstjórn. Stjórnin samþykkir fyrirliggjandi erindisbréf fyrir hópinn og óskar eftir því við bæjarráð að það heimili að ráðinn verði sérstakur starfsmaður að tillögu starfshópsins, sem vinni að verkefnum hans. Stjórn Akureyrarstofu óskar eftir því við flokkana að gætt verði að kynjahlutföllum við skipun einstaklinga í hópinn.

Jóhann Jónsson óskar að bókað verði eftirfarandi: Ég tel mikilvægt að viðkomandi starfsmaður vinni með starfsmönnum Akureyrarstofu og heyri undir framkvæmdastjóra hennar.

Sigurður Guðmundsson mætti á fund bæjarráðs kl. 9:30.

Bæjarráð frestar afgreiðslu. 

 

6.Jöfnunarsjóður sveitarfélaga - heildarendurskoðun á reglum

Málsnúmer 2010070012Vakta málsnúmer

Lögð fram til kynningar skýrsla starfshóps samgöngu- og sveitarstjórnarráðherra um heildarendurskoðun á regluverki Jöfnunarsjóðs sveitarfélaga.

7.Öldrunarheimili Akureyrar - umræður um skipurit

Málsnúmer 2009090104Vakta málsnúmer

3. liður í fundargerð kjarasamninganefndar dags. 12. maí 2010:
3. liður í fundargerð félagsmálaráðs dags. 26. apríl 2010:
Með aukinni dreifstýringu á Öldrunarheimilum Akureyrar hefur umsjón með mannahaldi og stjórnun á deildunum færst til hjúkrunardeildarstjóra frá hjúkrunarforstjóra. Lagt var fram minnisblað dags. 26. apríl 2010 frá Brit J. Bieltvedt framkvæmdastjóra ÖA f.h. stjórnenda ÖA, þar sem lagt er til að skipuriti Öldrunarheimila Akureyrar verði breytt um næstu áramót til samræmis við þær breytingar sem orðið hafa í stjórnun heimilanna undanfarin ár. Lagt er til að starf hjúkrunarforstjóra verði minnkað úr 100% í 75% og stjórnendaálag tekið af. Hjúkrunarforstjóri beri áfram faglega ábyrgð á hjúkrun og samræmingu hjúkrunar á ÖA, auk þess beri hann ábyrgð á gæðamálum heimilanna. Hjúkrunardeildarstjórar færist til í skipuriti og heyri beint undir framkvæmdastjóra. Lagt er til að launakjör deildarstjóra verði tekin til endurskoðunar í samræmi við framangreindar breytingar og launakjör annarra stjórnenda hjá bænum. Bakkahlíð falli stjórnunarlega undir Aspar- og Beykihlíð. Breytingum skv. tillögunni fylgir kostnaðarauki sem nemur um 7 milljónum króna á ársgrundvelli.
Félagsmálaráð samþykkir tillögurnar fyrir sitt leyti og vísar þeim til kjarasamninganefndar.

Með vísan til breytinga á skipuriti á Öldrunarheimilum Akureyrar samþykkir kjarasamninganefnd að vegna starfa fimm deildarstjóra á ÖA verði greitt stjórnendaálag skv. reglum Akureyrarbæjar, frá þeim tíma sem breyting á skipuriti tekur gildi. Frá sama tíma falli niður greiðsla stjórnendaálags vegna starfs hjúkrunarforstjóra.

Halla Margrét Tryggvadóttir starfsmannastjóri sat fundinn undir þessum lið.

Bæjarráð samþykkir tillögu kjarasamninganefndar.

Fundi slitið - kl. 09:00.