Frístundaráð

Anna Soffía Víkingsdóttir sérfræðingur hjá Rannsóknamiðstöð Háskólans á Akureyri kynnti niðurstöður úr jafnréttisúttekt á íþróttastarfsemi.

Alfa Aradóttir deildarstjóri forvarna- og frístundadeildar, Helgi Rúnar Bragason framkvæmdastjóri ÍBA og Bryndís Elfa Valdemarsdóttir verkefnastjóri á skrifstofu samfélagssviðs sátu fundinn undir þessum lið.

Deildarstjóri íþróttamála gerði grein fyrir verkefninu Akureyri á iði sem stendur yfir í maímánuði og leggur til að bæjarbúum verði boðinn frír aðgangur að sundlaugum bæjarins einu sinni í viku og veittur verði afsláttur af árskortum í maímánuði í tilefni verkefnisins.

Deilarstjóri íþróttamála lagði fram endurskoðaða samþykkt fyrir Afrekssjóð Akureyrar.

Helgi Rúnar Bragason framkvæmdastjóri ÍBA sat fundinn undir þessum lið.

Skipulagsráð tók erindið fyrir á fundi sínum þann 26. mars sl. og vísaði málinu til frístundaráðs með eftirfarandi bókun:

Skipulagsráð telur að forsenda uppbyggingar á stúku í samræmi við erindið sé að gerð verði breyting á deiliskipulagi svæðisins. Er ákvörðun um næstu skref vísað til frístundaráðs.

Sævar Pétursson framkvæmdastjóri KA mætti á fundinn og fylgdi erindinu eftir.

Helgi Rúnar Bragason framkvæmdastjóri ÍBA sat fundinn undir þessum lið.

Umhverfis- og mannvirkjaráð óskar eftir að frístundaráð sendi inn nýtt erindi vegna búnaðarkaupa en ráðið hafði áður bókað um slíkt á fundi sínum þann 4. janúar sl.

Helgi Rúnar Bragason framkvæmdastjóri ÍBA sat fundinn undir þessum lið.

Erindi dagsett 21. mars 2019 frá Sporthestum ehf. þar sem óskað er eftir því að hægt verði að nýta frístundastyrk Akureyrarbæjar á námskeið Sporthesta.

Erindi dagsett 29. mars 2019 frá Ólafi Torfasyni, Kolbeini Aðalsteinssyni og Hauki Snæ Baldurssyni, fyrir hönd FF Múrbrjóta, þar sem óskað er eftir því að Akureyrarbær styrki félagið um tíma í íþróttahúsi Naustaskóla.