Dalsbraut KA - umsókn um stúku

Erindi dagsett 13. mars 2019 þar sem Knattspyrnufélag Akureyrar, kt. 700169-4219, óskar eftir tímabundnu leyfi fyrir áhorfendastúku við KA völl, utan lóðar. Meðfylgjandi er afstöðumynd sem sýnir staðsetningu stúku, snið hennar og myndir sem sýna mögulega útfærslu.

Skipulagsráð tók erindið fyrir á fundi sínum þann 26. mars sl. og vísaði málinu til frístundaráðs með eftirfarandi bókun:

Skipulagsráð telur að forsenda uppbyggingar á stúku í samræmi við erindið sé að gerð verði breyting á deiliskipulagi svæðisins. Er ákvörðun um næstu skref vísað til frístundaráðs.

Sævar Pétursson framkvæmdastjóri KA mætti á fundinn og fylgdi erindinu eftir.

Helgi Rúnar Bragason framkvæmdastjóri ÍBA sat fundinn undir þessum lið.

Lögð fram umsókn Sævars Péturssonar dagsett 5. apríl 2019 f.h. Knattspyrnufélags Akureyrar, kt. 700169-4219, um breytingu á deiliskipulagi sem felur í sér að heimilt verði að setja upp stúku á göngustíg sunnan við núverandi gervigrasvöll á tímabilinu 15. apríl til 1. október. Utan þess tíma verður stúkan fjarlægð og svæðið nýtt sem göngustígur.