Fræðsluráð

10. fundur 22. maí 2017 kl. 13:30 - 15:45 Fundarsalur á 2. hæð í Glerárgötu 26
Nefndarmenn
  • Dagbjört Elín Pálsdóttir formaður
  • Dagný Þóra Baldursdóttir
  • Siguróli Magni Sigurðsson
  • Áshildur Hlín Valtýsdóttir
  • Baldvin Valdemarsson
  • Inga Sigrún Atladóttir áheyrnarfulltrúi
Starfsmenn
  • Soffía Vagnsdóttir sviðsstjóri fræðslusviðs ritaði fundargerð
  • Hrafnhildur G Sigurðardóttir leikskólafulltrúi
  • Árni Konráð Bjarnason rekstrarstjóri
  • Halldór Guðmann Karlsson fulltrúi foreldra grunnskólabarna
  • Björg Sigurvinsdóttir fulltrúi skólastjóra
  • Vilborg Hreinsdóttir fulltrúi leikskólakennara
  • Ingunn Högnadóttir fulltrúi foreldra leikskólabarna
Fundargerð ritaði: Soffía Vagnsdóttir sviðsstjóri fræðslusviðs
Dagskrá
Sigurður Freyr Sigurðarson fulltrúi grunnskólakennara boðaði forföll vegna nemendaferðar. Ekki kom varamaður í hans stað.
Fulltrúi grunnskólastjórnenda boðaði forföll. Ekki náðist að boða varamann í hans stað.

1.Innflytjendur í námi: Ný áskorun. Viðhorf foreldra og kennara til náms og kennslu

2017050010

Stéphanie Barillé, Hermína Gunnþórsdóttir og Markus Meckl hafa unnið að rannsókn á viðhorfum foreldra og kennara til náms og kennslu innflytjenda í skólum Akureyrar. Hermína Gunnþórsdóttir einn rannsakenda kynnti helstu niðurstöður rannsóknarinnar í gegnum SKYPE.
Fræðsluráð þakkar Hermínu fyrir kynninguna.

Fræðsluráð felur sviðsstjóra fræðslusviðs að hefja samtal innan skólanna um niðurstöður rannsóknarinnar með það að markmiði að auka enn frekar vitund og samvinnu um kennslu innflytjenda í leik- og grunnskólum Akureyrar.

2.Sjúkrakennsla

2017040046

Erindi varðandi ósk foreldra um sjúkrakennslu nemanda í sérdeild Giljaskóla.
Fræðsluráð samþykkir að veita sjúkrakennslu sem nemur tveimur kennslustundum á dag ef veikindi hafa staðið samfellt lengur en eina viku. Kennslan fer fram eftir hádegi.

Þetta gildir út skólaárið 2016-2017.

Sviðsstjóra er falið að fylgja framkvæmd eftir við sérdeild Giljaskóla.

Fræðsluráð mun endurskoða þessi viðmið fyrir næsta skólaár.

3.Þroskahjálp - erindi frá stjórn skólanefndar Þroskahjálpar NE

2017030049

Erindi frá stjórn skólanefndar Þroskahjálpar dagsett 22. febrúar 2017 er varðar viðmiðunarstundaskrá unglinga í sérdeild Giljaskóla.
Erindið var afgreitt á fundi fræðsluráðs þann 6. mars sl. Svarbréf dagsett 10. mars 2017 var sent á heimilisfang Þroskahjálpar í Kaupangi.

Fræðsluráð harmar að bréfið skuli ekki hafa borist í réttar hendur.

4.Erindi frá mennta- og menningarmálaráðuneyti

2017040092

Þann 7. apríl 2017 barst Akureyrarbæ bréf frá mennta- og menningarmálaráðuneyti þar sem óskað er umsagnar og eftir atvikum gagna Akureyrarbæjar við kæru Júlíar Óskar Antonsdóttur hdl. í bréfi dagsettu 5. apríl 2017 fyrir hönd Kára Jóhannessonar og Veru Vestmann Kristjánsdóttur fyrir hönd sonar þeirra, Kristjáns Loga Kárasonar.

Svars var óskað fyrir 3. maí 2017.

Halldór Guðmann Karlsson vék af fundi kl. 15:00.
Svar við erindinu er í vinnslu með lögmanni og hefur ráðuneytinu verið greint frá ástæðu tafar. Jafnframt var óskað eftir tveggja vikna fresti til að svara erindinu.

5.Fimm ára leikskóladeildir í grunnskólum

2017050139

Bæjarstjórn bókaði á fundi sínum þann 27. apríl sl. að kannaðir yrðu möguleikar þess að nýta hluta húsnæðis í grunnskólum fyrir 5 ára deildir leikskólabarna.

Hrafnhildur G Sigurðardóttir leikskólafulltrúi fór yfir stöðuna á vinnunni.
Fræðslusvið hefur undanfarið unnið að tillögu og útfærslu á að reka leikskóladeildir fyrir 5 ára börn í tveimur af grunnskólum.

Í framlögðu minnisblaði fræðslusviðs kemur fram að kostnaður við þessa framkvæmd að teknu tilliti til tekna er rúmar 33 milljónir á árs grundvelli. En vegna ársins 2017 er áætlaður kostnaður rúmar 16 milljónir króna.

Fræðsluráð vísar erindi um aukafjárveitingu vegna verkefnisins til bæjarráðs.

6.Framkvæmd í Glerárskóla vegna 5 ára leikskóladeildar

2017050142

Vegna væntanlegrar 5 ára leikskóladeildar í Glerárskóla þarf að framkvæma breytingar. Um er að ræða uppsetningu opnanlegs milliveggjar í einu kennslurými, niðurrif sviðspalls í öðru ásamt dúklagningu og endurnýjun innréttinga.

Áætlaður kostnaður við breytingarnar er um 4 milljónir króna.
Á minnisblaði sem lagt var fyrir fundinn hljóðaði áætlun upp á 3 milljónir króna. Eftir vettvangsskoðun í Glerárskóla með fulltrúum umhverfis- og mannvirkjasviðs að morgni 22. maí 2017 var það mat að áætlaður kostnaður vegna framkvæmda yrði um 4 milljónir króna. Fræðsluráð óskar eftir auka fjárveitingu að upphæð 4 milljónir króna vegna framkvæmdanna og vísar erindinu til bæjarráðs.

7.Starfsáætlanir leik- og grunnskóla veturinn 2017-2018

2017050136

Starfsáætlanir grunnskóla lagðar fram.
Fræðsluráð samþykkir framlagðar starfsáætlanir leik- og grunnskóla fyrir skólaárið 2017-2018.

8.Kennslustundaúthlutun til grunnskóla

2017030172

Árni Konráð Bjarnason rekstrarstjóri á fræðslusviði fór yfir tillögu að viðauka vegna aukningar kennslustundakvóta og aukið stöðuhlutfall námsráðgjafa við Oddeyrarskóla fyrir tímabilið ágúst-desember 2017. Kostnaður við aukninguna er áætlaður 22 milljónir króna.
Fræðsluráð vísar tillögu að viðauka að upphæð 22 milljónir króna til bæjarráðs.

Fundi slitið - kl. 15:45.