Bæjarráð

Lagt fram erindi frá Vinnumálastofnun dags. 22. apríl 2014 þar sem kynnt er átaksverkefni til að fjölga tímabundnum störfum fyrir námsmenn í sumar.
Halla Margrét Tryggvadóttir starfsmannastjóri sat fundinn undir þessum lið.

Erindi dags. 16. apríl 2014 frá Kára Arnóri Kárasyni f.h. stjórnar Stapa lífeyrissjóðs þar sem boðað er til ársfundar sjóðsins miðvikudaginn 21. maí nk. í Menningarhúsinu Hofi, Akureyri og hefst fundurinn kl. 14:00.

Lagt fram erindi, ódags., þar sem boðað er til aðalfundar Hafnasamlags Norðurlands þriðjudaginn 14. maí nk. kl. 15:00 í hafnarhúsinu við Fiskitanga.

Erindi móttekið 25. apríl 2014 frá rekstrarstjóra Fóðurverksmiðjunnar Laxár hf þar sem boðað er til aðalfundar 2. maí nk. í Stássinu/Greifanum og hefst hann kl. 14:30.

Erindi dags. 16. apríl 2014 frá framkvæmdastjóra Málræktarsjóðs. Aðalfundur Málræktarsjóðs verður haldinn föstudaginn 6. júní nk. kl. 15:30 á Hótel Sögu, Snæfelli. Akureyrarbær á rétt á að tilnefna einn mann í fulltrúaráðið.

Lögð fram til kynningar fundargerð 74. fundar hverfisnefndar Holta- og Hlíðahverfis dags. 8. apríl 2014. Fundargerðina má finna á netslóðinni:
http://www.akureyri.is/is/stjornkerfid/hverfisnefndir/holta-og-hlidahverfi/fundargerdir-2014-2015

Lögð fram fundargerð 78. fundar hverfisráðs Hríseyjar dags. 8. apríl 2014. Fundargerðina má finna á slóðinni: http://www.akureyri.is/is/stjornkerfid/hverfisnefndir/hrisey/fundargerdir

Lögð fram til kynningar bókun vegna gjaldtöku á ferðamannastöðum sem gerð var á fundi stjórnar Eyþings 8. apríl sl.

Lögð fram til kynningar fundargerð 815. fundar stjórnar Sambands íslenskra sveitarfélaga dags. 10. apríl 2014. Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx
Halla Margrét Tryggvadóttir starfsmannastjóri sat fundinn undir þessum lið.

Lögð fram svohljóðandi ályktun aðalfundar Félags eldri borgara á Akureyri sem haldinn var 24. mars sl.:
Aðalfundur Félags eldri borgara á Akureyri haldinn 24. mars 2014 að Bugðusíðu 1 Akureyri skorar á bæjarstjórn Akureyrar að stofna hið fyrsta Öldungaráð. Ráðið skal vera bæjarstjórn ráðgefandi um þau mál er varða hag eldri borgara í bæjarfélaginu.
Við mótun starfsreglna ráðsins skal hafa fullt samráð við stjórn Félags eldri borgara á Akureyri ásamt því að taka mið af starfsemi slíkra öldungaráða hjá ýmsum sveitarfélögum á Norðurlöndunum.

2. liður í fundargerð samfélags- og mannréttindaráðs dags. 23. apríl 2014:
Tekinn fyrir 7. liður í fundargerð íþróttaráðs dags. 10. apríl sl.
Drög að skipuriti samfélags- og mannréttindadeildar Akureyrarbæjar kynnt fyrir íþróttaráði. Katrín Björg Ríkarðsdóttir framkvæmdastjóri samfélags- og mannréttindadeildar og Hlín Bolladóttir formaður samfélags- og mannréttindaráðs sátu fundinn undir þessum lið.
Íþróttaráð þakkar Katrínu Björgu og Hlín fyrir komuna á fundinn.
Íþróttaráð samþykkir skipurit samfélags- og mannréttindadeildar fyrir sitt leyti og vísar málinu til samfélags- og mannréttindaráðs.
Samfélags- og mannréttindaráð samþykkir skipuritið og vísar því til samþykktar í bæjarráði.

4. liður í fundargerð félagsmálaráðs dags. 9. apríl 2014:
Heilsugæslustöðin á Akureyri, samningar við ríkið.
Félagsmálaráð telur að rekstur Heilsugæslustöðvarinnar á Akureyri eigi heima í höndum Akureyrarbæjar eins og verið hefur undanfarin 17 ár. Félagsmálaráð samþykkir að fela bæjarstjóra að ganga til viðræðna um nýjan samning við Velferðarráðuneytið sbr. framlögð gögn vegna málsins. Sömuleiðis skorar félagsmálaráð á Alþingi að taka fjárveitingar til Heilsugæslustöðvarinnar til gagngerrar endurskoðunar hið fyrsta.

Sigurður Guðmundsson A-lista óskaði eftir umræðu um siðareglur bæjarfulltrúa í kjölfar skrifa Guðmundar Baldvins Guðmundssonar bæjarfulltrúa B-lista í Vikudegi í síðastliðinni viku er varðaði nefndarfólk L-listans.