Bæjarráð

3322. fundur 07. júní 2012 kl. 09:00 - 10:52 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson varaformaður
  • Geir Kristinn Aðalsteinsson
  • Hlín Bolladóttir
  • Andrea Sigrún Hjálmsdóttir
  • Guðmundur Baldvin Guðmundsson
  • Anna Hildur Guðmundsdóttir áheyrnarfulltrúi
  • Hermann Jón Tómasson áheyrnarfulltrúi
  • Ólafur Jónsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá
Bæjarstjórn hefur á fundi sínum 5. júní sl. kosið aðal- og varamenn í bæjarráð til eins árs:

Halla Björk Reynisdóttir formaður
Oddur Helgi Halldórsson varaformaður
Geir Kristinn Aðalsteinsson
Andrea Sigrún Hjálmsdóttir
Guðmundur Baldvin Guðmundsson
Hermann Jón Tómasson (áheyrnarfulltrúi)
Ólafur Jónsson (áheyrnarfulltrúi)
Sigurður Guðmundsson (áheyrnarfulltrúi)

varamenn:
Hlín Bolladóttir
Inda Björk Gunnarsdóttir
Tryggvi Þór Gunnarsson
Edward H. Huijbens
Petrea Ósk Sigurðardóttir
Logi Már Einarsson (áheyrnarfulltrúi)
Njáll Trausti Friðbertsson (áheyrnarfulltrúi)
Anna Hildur Guðmundsdóttir (áheyrnarfulltrúi)

Í upphafi fundar bauð varaformaður nýtt bæjarráð velkomið til starfa.

1.Safn landabréfa um Ísland

2003040061

3. liður í fundargerð stjórnar Akureyrarstofu dags. 24. maí 2012:
Árið 2003 barst Akureyrarbæ fyrirspurn frá þýsku hjónunum Prof. Dr. Karl-Werner Schulte og Dr. Giselu Schulte-Daxbök um áhuga bæjarins á að þiggja að gjöf safn fágætra landabréfa og bóka um Ísland. Málinu lauk ekki á sínum tíma og það var svo endurvakið af hjónunum fyrr í vetur og komu þau til fundar við fulltrúa bæjarins fyrir skemmstu.
Stjórn Akureyrarstofu tekur jákvætt í erindið og felur framkvæmdastjóra að kynna það fyrir bæjarráði áður en ákvarðanir um frekari skref verða teknar.
Þórgnýr Dýrfjörð framkvæmdastjóri Akureyrarstofu mætti á fund bæjarráðs undir þessum lið.
Lagt fram til kynningar.

2.Knattspyrnufélag Akureyrar - gisting og sundferðir þáttakenda N1-móts

2012060002

Erindi dags. 31. maí 2012 frá Óskari Þór Halldórssyni framkvæmdastjóra Knattspyrnudeildar KA f.h. Knattspyrnufélags Akureyrar þar sem óskað er eftir afslætti á gistingu fyrir þátttakendur N1-móts KA í knattspyrnu. Einnig er óskað eftir afslætti af sundferðum þátttakenda á mótinu.

Bæjarráð getur ekki orðið við erindinu.

Bent er á að veittur er 70% afsláttur til íþróttafélaga á Akureyri af leigu á gistingu í húsnæði grunnskóla, æskulýðs- og íþróttamannvirkja bæjarins.

Bæjarráð felur bæjarstjóra að ræða við bréfritara.

3.Forsetakosningar 30. júní 2012

2012040028

Lagt fram erindi dags. 1. júní 2012 frá formanni kjörstjórnar Akureyrar vegna komandi forsetakosninga þann 30. júní nk. Þar kemur fram tillaga kjörstjórnar um að Akureyrarkaupstað verði skipt í tólf kjördeildir, tíu á Akureyri, ein í Hrísey og ein í Grímsey. Gerð er tillaga um að á Akureyri verði kjörstaður í Verkmenntaskólanum á Akureyri, í Hrísey verði kjörstaður í Hríseyjarskóla og að í Grímsey verði kjörstaður í félagsheimilinu Múla. Lagt er til að tveir kjörklefar verði í hverri kjördeild á Akureyri, Hrísey og í Grímsey. Þá hefur kjörstjórn ennfremur ákveðið að leggja til við bæjarráð að kjörfundur standi frá klukkan 09:00 til 22:00 á Akureyri, en frá klukkan 10:00 til 18:00 í Hrísey og í Grímsey. Óskar kjörstjórn eftir því við bæjarráð að ofangreindar tillögur verði samþykktar.

Bæjarráð samþykkir tillögur kjörstjórnar.

4.Greið leið ehf - aðalfundur 2012

2012060048

Erindi dags. 1. júní 2012 frá Greiðri leið ehf, þar sem boðað er til aðalfundar mánudaginn 18. júní nk. kl. 15:00 að Strandgötu 29, Akureyri. Meðfylgjandi er ársreikingur 2011.

Bæjarráð felur bæjarstjóra að fara með umboð Akureyrarbæjar á aðalfundinum.

5.Lánsfjármögnun - skuldabréfaútboð

2012060019

Lagt fram minnisblað dags. 5. júní 2012 frá fjármálastjóra um lántöku vegna byggingar hjúkrunarheimilisins við Vestursíðu.

Bæjarráð heimilar útgáfu skuldabréfa fyrir allt að 900.000.000 króna með stækkun í skráðum flokki, AKU 10 1, hjá Nasdaq OMX á Íslandi, og felur fjármálastjóra að annast útgáfuna.

Lánið er tekið til að mæta byggingarkostnaði vegna hjúkrunarheimilisins við Vestursíðu.

6.Endurfjármögnun

2012060020

Lagt fram minnisblað dags. 5. júní 2012 frá fjármálastjóra vegna endurfjármögnunar skuldabréfa með gjalddaga á næsta ári.

Á næsta ári, 20. mars, fellur í gjalddaga skuldabréfaflokkur Akureyrarbæjar AKU 03 1. Um er að ræða kúlulán upphaflega að fjárhæð 1.650.000.000 frá árinu 2003, en er nú tæplega 3 milljarðar króna með áföllnum verðbótum og vöxtum.

Bæjarráð heimilar fjármálastjóra að bjóða eigendum skuldbréfanna á flokki AKU 03 1 skipti á skuldabréfum með stækkun í skráðum flokki, AKU 10 1, hjá Nasdaq OMX á Íslandi og felur fjármálastjóra að annast útgáfuna.

7.Fjárhagsáætlun Akureyrarbæjar 2013 - tímaáætlun

2012060047

Jón Bragi Gunnarsson hagsýslustjóri lagði fram tillögu að tímaáætlun vegna vinnu við gerð fjárhagsáætlunar fyrir árið 2013.

Bæjarráð samþykkir framlagða tímaáætlun.

8.Bæjarsjóður Akureyrar - yfirlit um rekstur 2012

2012040165

Lagt fram til kynningar yfirlit um rekstur aðalsjóðs frá janúar til apríl 2012.

9.Önnur mál

2012010085

Ólafur Jónsson áheyrnarfulltrúi D-lista óskaði eftir umræðu um stöðu mála varðandi fiskveiðistjórnunar- og veiðigjalds frumvörpin og afleiðingar þess fyrir atvinnulífið í bæjarfélaginu.

Fundi slitið - kl. 10:52.