Bæjarráð

Kynntur úrskurður Félagsdóms í máli nr. 14/2019.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Lagt fram til kynningar tíu mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lögð fram til kynningar fundargerð 4. fundar öldungaráðs dagsett 9. desember 2019.

Fundargerðir öldungaráðs eru aðgengilegar á eftirfarandi slóð: https://www.akureyri.is/is/stjornkerfi/stjornsysla/fundargerdir/oldungarad-local

Lögð fram fundargerð viðtalstíma bæjarfulltrúa dagsett 12. desember 2019.

Rætt um hugmyndir um sameiningu almannavarnanefnda í Eyjafirði og Þingeyjarsýslu.

Málið var áður á dagskrá ráðsins 24. október sl. og var afgreiðslu þá frestað.

Erindi dagsett 18. desember 2019 þar sem Ragnheiður Hjaltadóttir ráðuneytisstjóri í samgöngu- og sveitarstjórnarráðuneytinu kynnir viljayfirlýsingu samgöngu- og sveitarstjórnarráðherra og ferðamála-, iðnaðar- og nýsköpunarráðherra um frekari uppbyggingu á Akureyrarflugvelli sem hliði inn til landsins í þágu svæðisins og íslenskrar ferðaþjónustu.

Samkvæmt yfirlýsingunni er aðgerðahópi meðal annars falið að gera tillögur að endurbótum á flugstöðinni. Í hópnum eiga sæti fulltrúar ráðuneytanna tveggja, Akureyrarbæjar, Eyþings, ferðaþjónustunnar á Norðurlandi og Isavia. Nánari lýsing á verkefnum hópsins er í hjálagðri viljayfirlýsingu.

Óskað er eftir að Akureyrarbær tilnefni fulltrúa í aðgerðahópinn. Þar sem hópurinn á að ljúka störfum fyrir 31. mars 2020 þarf tilnefningin að berast sem allra fyrst.

Erindi dagsett 5. desember 2019 þar sem Oddur Vilhelmsson og M. Auður Sigurbjörnsdóttir f.h. Háskólans á Akureyri óska eftir styrk að upphæð 250.000 krónur vegna ráðstefnunnar Psyringae 2020 sem haldin verður á Akureyri 15.-19. júní 2020.

Lagt fram til kynningar erindi dagsett 9. desember 2019 frá utanríkismálanefnd Alþingis þar sem óskað er umsagnar um tillögu til þingsályktunar um Akureyri sem miðstöð málefna norðurslóða á Íslandi, 182. mál 2019.

Þess er óskað að undirrituð umsögn berist eigi síðar en 14. janúar nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/0183.html

Lagt fram til kynningar erindi dagsett 9. desember 2019 frá umhverfis- og samgöngunefnd Alþingis þar sem óskað er umsagnar um tillögu til þingsályktunar um fimm ára samgönguáætlun fyrir árin 2020-2024, 434. mál og tillögu til þingsályktunar um samgönguáætlun fyrir árin 2020-2034, 435. mál 2019.

Þess er óskað að undirrituð umsögn berist eigi síðar en 10. janúar nk. á netfangið nefndasvid@althingi.is.

Þingskjölin er hægt að sækja á vef Alþingis: https://www.althingi.is/altext/150/s/0598.html og https://www.althingi.is/altext/150/s/0599.html

Lögð fram drög að frumvarpi til nýrra fjarskiptalaga sem hafa verið birt í Samráðsgátt. Samgöngu- og sveitarstjórnarráðuneytið óskar eftir umsögnum um drögin, eigi síðar en 6. janúar nk.

Drögin má finna á slóðinni: https://samradsgatt.island.is/oll-mal/$Cases/Details/?id=2562