Bæjarráð

Unnið að gerð fjárhagsáætlunar.

Ásthildur Sturludóttir bæjarstjóri sat fund bæjarráðs undir þessum lið.

Á fund ráðsins mættu undir þessum lið: við umræðu um fræðslumál Ingibjörg Ólöf Isaksen formaður fræðsluráðs, Karl Frímannsson sviðsstjóri fræðslusviðs og Árni K. Bjarnason forstöðumaður rekstrar á fræðslusviði; við umræðu um velferðarmál Heimir Haraldsson formaður velferðarráðs; við umræðu um frístundamál Anna Hildur Guðmundsdóttir formaður frístundaráðs og Kristinn J. Reimarsson sviðsstjóri samfélagssviðs; við umræðu um málefni Akureyrarstofu Kristinn J. Reimarsson sviðsstjóri samfélagssviðs; við umræðu um umhverfis- og mannvirkjamál Andri Teitsson formaður umhverfis- og mannvirkjaráðs og Guðríður Friðriksdóttir sviðsstjóri umhverfis- og mannvirkjasviðs.

Liður 1 í fundargerð umhverfis- og mannvirkjaráðs dagsettri 13. september 2019:

Lögð fram drög að samstarfssamningi milli SA og BSÞ.

Umhverfis- og mannvirkjaráð samþykkir samninginn fyrir sitt leyti.

Málið var áður á dagskrá bæjarráðs 10. október sl. og var afgreiðslu þá frestað og óskað eftir minnisblaði frá slökkviliðsstjóra um samninginn.

Inga Þöll Þórgnýsdóttir bæjarlögmaður og Ólafur Stefánsson slökkviliðsstjóri sátu fund bæjarráðs undir þessum lið.

Rætt um hugmyndir um sameiningu almannavarnanefnda í Eyjafirði og Þingeyjarsýslu.

Halla Bergþóra Björnsdóttir lögreglustjóri á Norðurlandi eystra mætti á fund bæjarráðs undir þessum lið.

Erindi dagsett 17. október 2019 þar sem Eiríkur Benónýsson f.h. eftirlitsnefndar með fjármálum sveitarfélaga óskar eftir upplýsingum um meginástæður fyrir neikvæðri rekstrarafkomu Akureyrarbæjar á árinu 2018 umfram fjárhagsáætlun ásamt horfum í rekstri fyrir árið 2019.

Óskað er eftir að svör berist nefndinni eigi síðar en 16. nóvember nk.

Lögð fram til kynningar fundargerð stjórnar Hafnasamlags Norðurlands bs. dagsett 16. október 2019.

Fundargerðina er að finna á eftirfarandi slóð: https://www.port.is/isl/index.php?pid=167

Lögð fram til kynningar skýrsla Hjalta Páls Þórarinssonar verkefnastjóra, dagsett 11. október 2019, um starf flugklasans Air 66N frá 1. apríl til 11. október 2019.

Lögð fram til kynningar greinargerð dagsett í september 2019 um fyrri hugmyndir og tillögur að jarðgöngum milli Skagafjarðar og Eyjafjarðar, tekin saman að ósk Sveitarfélagsins Skagafjarðar og Akureyrarbæjar af Hreini Haraldssyni.