Bæjarráð

3629. fundur 28. febrúar 2019 kl. 08:15 - 11:49 Fundaaðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Andri Teitsson
  • Hilda Jana Gísladóttir
  • Eva Hrund Einarsdóttir
  • Lára Halldóra Eiríksdóttir
  • Hlynur Jóhannsson áheyrnarfulltrúi
  • Sóley Björk Stefánsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir forstöðumaður upplýsinga- og þjónustudeildar ritaði fundargerð
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá
Andri Teitsson L-lista mætti í forföllum Höllu Bjarkar Reynisdóttur.
Lára Halldóra Eiríksdóttir D-lista mætti í forföllum Gunnars Gíslasonar.

1.Sérstakur húsnæðisstuðningur - reglur

Málsnúmer 2016120021Vakta málsnúmer

Lögð fram drög að reglum um sérstakan húsnæðisstuðning.

Málið var áður á dagskrá bæjarráðs 7. febrúar sl. og var drögunum þá vísað aftur til velferðarráðs og óskað eftir að ráðið aflaði frekari gagna um áhrif breytingatillagnanna.

Velferðarráð tók málið fyrir á fundi sínum 20. febrúar sl. þar sem tillaga var gerð um að lágmarksgreiðslubyrði verði kr. 40.000 í stað kr. 50.000.

Karólína Gunnarsdóttir starfandi sviðsstjóri fjölskyldusviðs, Anna Marit Níelsdóttir forstöðumaður í félagsþjónustu og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.
Bæjarráð samþykkir fyrir sitt leyti reglur um sérstakan húsnæðisstuðning með þeirri breytingu að lágmarksgreiðslubyrði í 7. grein reglnanna verði kr. 40.000 í stað kr. 50.000 og að reglurnar taki gildi frá og með 1. apríl nk. Reglunum er vísað til bæjarstjórnar.

2.Bæjarsjóður Akureyrar - yfirlit um rekstur 2018

Málsnúmer 2018040257Vakta málsnúmer

Lagt fram til kynningar yfirlit um rekstur Öldrunarheimila Akureyrar árið 2018.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

3.Húsnæðisáætlun Akureyrarbæjar

Málsnúmer 2019020182Vakta málsnúmer

Lögð fram drög að húsnæðisáætlun Akureyrarbæjar til ársins 2026. Málið var áður á dagskrá bæjarráðs 14. febrúar 2019 og var afgreiðslu þá frestað.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir framlagða húsnæðisáætlun með þeim breytingum sem gerðar voru á fundinum en leggur áherslu á að ný húsnæðisáætlun verði unnin á árinu 2020.

4.Samningur um sjúkraflug - 2019-2021 - Sjúkratr. Ísl.

Málsnúmer 2019020255Vakta málsnúmer

Lögð fram til kynningar drög að samningi um sjúkraflug 2019-2021.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir samninginn. Jafnframt lýsir bæjarráð ánægju sinni með að náðst hafi samningur til þriggja ára um verkefnið.

5.Kynningaráætlanir sviða 2019

Málsnúmer 2019020253Vakta málsnúmer

Lagðar fram kynningaráætlanir stjórnsýslusviðs og fjársýslusviðs í samræmi við aðgerðaáætlun upplýsingastefnu Akureyrarbæjar.

Halla Margrét Tryggvadóttir sviðsstjóri stjórnsýslusviðs og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

6.Mánaðarskýrsla bæjarráðs um starfsmanna- og launamál 2019

Málsnúmer 2019020370Vakta málsnúmer

Lögð fram til kynningar mánaðarskýrsla um stöðugildi, yfirvinnu og fleira fyrir janúar 2019.

Halla Margrét Tryggvadóttir sviðsstjóri stjórnsýslusviðs og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

7.Nefndalaun - breytingar á reglum 2019

Málsnúmer 2019020403Vakta málsnúmer

Rætt um hvort og þá hvernig verður greitt fyrir setu í nýju öldungaráði og samráðshópi um málefni fatlaðs fólks.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.
Bæjarráð samþykkir að laun fyrir setu í öldungaráði og samráðshópi um málefni fatlaðs fólks verði eins og laun annarra nefnda og felur sviðsstjóra stjórnsýslusviðs að gera breytingar á reglunum um launakjör í samræmi við það og leggja fyrir bæjarráð.

8.Útsýnisskífa á Ytri-Súlu - styrkbeiðni

Málsnúmer 2019020365Vakta málsnúmer

Erindi dagsett 17. febrúar 2019 frá Ingvari Teitssyni formanni Gönguleiðanefndar Ferðafélags Akureyrar þar sem óskað er eftir styrk frá Akureyrarbæ vegna gerðar og uppsetningar útsýnisskífu á Ytri-Súlu.
Bæjarráð vísar erindinu til stjórnar Akureyrarstofu.

9.Samband íslenskra sveitarfélaga - upplýsingar um nefndastörf

Málsnúmer 2019020278Vakta málsnúmer

Lagðar fram upplýsingar frá Sambandi íslenskra sveitarfélaga um skipan sambandsins á fulltrúum í nefndir, stjórnir og starfshópa frá ársbyrjun 2018.
Bæjarráð þakkar fyrir upplýsingarnar og felur bæjarstjóra að taka saman yfirlit um áhuga kjörinna fulltrúa Akureyrarbæjar á nefndastörfum á vegum Sambands íslenskra sveitarfélaga og senda til sambandsins.

10.Stefna í almenningssamgöngum - drög í samráðsgátt - febrúar 2019

Málsnúmer 2019020405Vakta málsnúmer

Drög að heildarstefnu í almenningssamgöngum á vegum ríkisins eru nú til umsagnar í samráðsgátt stjórnvalda. Óskað er eftir að umsögnum verði skilað í síðasta lagi 7. mars nk.

Drögin er að finna á eftirfarandi slóð: https://samradsgatt.island.is/oll-mal/$Cases/Details/?id=1306
Bæjarráð leggur áherslu á að vinnu við gerð heildstæðs almenningssamgöngukerfis, sem feli í sér samþættingu strætós, flugs og ferja, verði flýtt og kerfið verði fjármagnað í samgönguáætlun. Þá harmar bæjarráð umræðu um að hætta eigi niðurgreiðslu á flugi til og frá Vopnafirði og Þórshöfn. Felur bæjarráð bæjarstjóra að senda inn umsögn á samráðsgátt byggða á bókun bæjarráðs.

11.Eyþing - fundargerðir

Málsnúmer 2010110064Vakta málsnúmer

Lögð fram til kynningar fundargerð 317. fundar stjórnar Eyþings dagsett 15. febrúar 2019.

Fundargerðina má finna á netslóðinni: http://www.eything.is/is/fundargerdir-1

12.Heilbrigðisnefnd Norðurlandssvæðis eystra - fundargerðir

Málsnúmer 2019020406Vakta málsnúmer

Lögð fram til kynningar fundargerð 205. fundar Heilbrigðisnefndar Norðurlandssvæðis eystra dagsett 23. janúar 2019.

Fundargerðir nefndarinnar er að finna á eftirfarandi slóð: https://www.hne.is/is/fundargerdir

13.SÁÁ göngudeild á Akureyri

Málsnúmer 2018081122Vakta málsnúmer

Rætt um fyrirhugaða lokun göngudeildarþjónustu SÁÁ á Akureyri á morgun, 1. mars 2019.
Bæjarráð Akureyrar lýsir yfir vonbrigðum með að samningar náist ekki milli SÁÁ og Sjúkratrygginga Íslands um rekstur göngudeildar SÁÁ á Akureyri. Bæjarráð óskar jafnframt eftir skýringum frá SÁÁ og Sjúkratryggingum Íslands á því hvers vegna samningar hafa ekki náðst. Enn fremur óskar bæjarráð eftir upplýsingum frá Sjúkratryggingum Íslands um hvort til greina komi að semja við aðra aðila um sambærilega göngudeildarþjónustu fyrir fíkla og aðstandendur þeirra á Akureyri.

Fundi slitið - kl. 11:49.