Velferðarráð

1212. fundur 26. ágúst 2015 kl. 14:00 - 16:25 Fundarsalur á 2. hæð í Glerárgötu 26
Nefndarmenn
  • Sigríður Huld Jónsdóttir formaður
  • Róbert Freyr Jónsson
  • Halldóra Kristín Hauksdóttir
  • Svava Þórhildur Hjaltalín
  • Valur Sæmundsson
  • Valbjörn Helgi Viðarsson áheyrnarfulltrúi
Starfsmenn
  • Guðrún Ólafía Sigurðardóttir framkvæmdastjóri
  • Soffía Lárusdóttir framkvæmdastjóri
  • Halldór Sigurður Guðmundsson framkvæmdastjóri
  • Karólína Gunnarsdóttir Þjónustustjóri
  • Margrét Alfreðsdóttir fundarritari
Dagskrá
Róbert Freyr Jónsson fulltrúi L-lista tekur til starfa sem nýr varaformaður velferðarráðs í stað Jóhanns Gunnars Sigmarssonar.

Valbjörn Helgi Viðarsson áheyrnarfulltrúi Æ-lista mætti í forföllum Guðrúnar Karitasar Garðarsdóttur.

1.Fjárhagserindi 2015 - áfrýjanir

2015010023

Selma Heimisdóttir félagsráðgjafi kynnti áfrýjun í fjárhagsaðstoð.
Áfrýjanir og afgreiðsla þeirra er færð í trúnaðarbók velferðarráðs.

2.Synjun fjárhagsaðstoðar

2015030174

Úrskurður úrskurðarnefndar félagsþjónustu og húsnæðismála dagsett 27. maí 2015 var lagður fram til kynningar.

3.Búsetudeild - einstaklingsmál 2015

2015050008

Soffía Lárusdóttir framkvæmdastjóri búsetudeildar, Hlynur Már Erlingsson verkefnastjóri búsetudeildar og Guðrún Ólafía Sigurðardóttir framkvæmdastjóri fjölskyldudeildar fóru yfir málefni einstaklings. Þau kynntu bréf dag/göngudeildar geðlækninga SAk dagsett 16. júlí 2015 er varðaði viðkomandi svo og greinargerð um málefni viðkomandi dagsett 25. ágúst 2015 undirrituð af Hlyni Má Erlingssyni.
Lagt fram til kynningar.

4.Málaflokkur fatlaðra í Eyjafirði - ársskýrslur

2012030171

Soffía Lárusdóttir framkvæmdastjóri búsetudeildar og Guðrún Ólafía Sigurðardóttir framkvæmdastjóri fjölskyldudeildar lögðu fram og kynntu ársskýrslu 2014 fyrir sameiginlegt þjónustusvæði í Eyjafirði um þjónustu við fatlað fólk.
Velferðarráð þakkar kynninguna.

5.Velferðarráð - fjárhagsáætlun 2016

2015080062

Forsendur fjárhagsáætlunar Akureyrarbæjar 2016 voru lagðar fram til kynningar.
Velferðarráð samþykkir að boða til aukafundar mánudaginn 21. september nk. kl. 16:00 vegna fjárhagsáætlunar 2016.

6.Drög að þingsályktunartillögu um geðheilbrigðisstefnu og aðgerðaráætlun

2015080066

Drög að nýrri þingsályktunartillögu um geðheilbrigðisstefnu og aðgerðaráætlun voru á vef velferðarráðuneytisins til umsagnar og ábendinga. Umsögn/ábendingar velferðarráðs dagsettar 17. ágúst 2015 voru lagðar fram á til kynningar fundinum.

7.Velferðarráð - rekstraryfirlit 2015

2015010045

Framkvæmdastjórar ÖA Halldór Sigurður Guðmundsson, búsetudeildar Soffía Lárusdóttir og fjölskyldudeildar Guðrún Ólafía Sigurðardóttir lögðu fram og kynntu rekstraryfirlit fyrir fyrstu sjö mánuði ársins.

8.CONNECT - verkefnið

2014060231

Soffía Lárusdóttir framkvæmdastjóri búsetudeildar sagði stuttlega frá því sem er að gerast á búsetudeild varðandi nýtingu á velferðartækni á vettvangi.
Halldór Sigurður Guðmundsson framkvæmdastjóri ÖA greindi frá fundi þátttökulanda í Connect verkefninu sem hann mun sækja ásamt fulltrúa frá Reykjavíkurborg. Fundurinn verður haldinn 2. og 3. september nk. í Stokkhólmi.

9.Ársskýrsla Öldrunarráðs Íslands 2015

2015070122

Ársskýrsla Öldrunarráðs Íslands sem lögð var fyrir aðalfund í maí 2015 lögð fram til kynningar.

10.Sjúkrahúsið á Akureyri - samráðshópur vegna þjónustu við aldraða á starfssvæði Heilbrigðisstofnunar Norðurlands

2015070070

Lagt var fram bréf dagsett 2. júlí 2015 frá starfandi framkvæmdastjóra lyflækningasviðs SAk, Ingvari Þóroddssyni, til bæjarstjórans á Akureyri. Í bréfinu er lagt til að stofnaður verði samráðshópur vegna þjónustu við aldraða á starfssvæði Heilbrigðisstofnunar Norðurlands. Einnig var lagt fram minnisblað Halldórs Sigurðar Guðmundssonar framkvæmdastjóra ÖA dagsett 13. ágúst 2015 varðandi erindið og um hlutverk þjónustuhóps aldraðra skv. lögum um málefni aldraðra.
Velferðarráð leggur til að Akureyrarbær tilnefni tvo fulltrúa í samráðshópinn, þ.e. framkvæmdastjóra ÖA og framkvæmdastjóra búsetudeildar. Jafnframt verði fundargerðir samráðshópsins lagðar fyrir velferðarráð til kynningar.
Velferðarráð hvetur einnig til þess að þjónustuhópur aldraðra taki til starfa fyrir starfssvæðið, eins og áskilið er í lögum.

11.Sérúrræði

2015050135

Halldór Sigurður Guðmundsson framkvæmdastjóri ÖA gerði grein fyrir beiðni um aukafjárveitingu dagsett 19. maí 2015 til velferðarráðuneytisins vegna sérúrræðis. Einnig var kynnt afgreiðsla ráðuneytisins á erindinu dagsett 5. ágúst 2015.

12.Sjúkrahúsið á Akureyri - þjónusta öldrunarlækna

2013120021

Halldór Sigurður Guðmundsson framkvæmdastjóri ÖA gerði grein fyrir vinnu við framlengingu þjónustusamnings við SAk um læknisþjónustu.
Velferðarráð þakkar kynninguna.

13.Öldrunarheimili Akureyrarbæjar - dagþjónusta

2015070050

Halldór Sigurður Guðmundsson framkvæmdastjóri ÖA gerði grein fyrir minnisblaði sínu dagsettu 19. ágúst 2015 varðandi skipan og áherslur í dagþjónustu hjá ÖA.

Fundi slitið - kl. 16:25.