Velferðarráð

Lagðar fram til kynningar nýjar reglugerðir á sviði félagsmála og breytingar á eldri reglugerð um búsetuúrræði fyrir fatlað fólk sem birtar hafa verið í Stjórnartíðindum í kjölfar gildistöku nýrra laga um þjónustu við fatlað fólk og breytinga á lögum um félagsþjónustu sveitarfélaga.

Jón Hrói Finnsson sviðsstjóri búsetusviðs sat fundinn undir þessum lið.

Jón Hrói Finnsson sviðsstjóri búsetusviðs sat fundinn undir þessum lið og lagði fram til umræðu og afgreiðslu niðurstöður samningaviðræðna um drög að samningi ásamt fylgigögnum, við velferðarráðuneyti og Greiningarstöð ríkisins um rekstur öryggisgæslu.

Rekstraryfirlit fjölskyldusviðs, búsetusviðs og Öldrunarheimila Akureyrar fyrir fyrstu tíu mánuði ársins 2018 lögð fram til kynningar.

Lúðvík Freyr Sæmundsson rekstrarstjóri ÖA og Jón Hrói Finnsson sviðsstjóri búsetusviðs sátu fundinn undir þessum lið.

Lögð fram áætlun um fundi velferðarráðs janúar til júní 2019.

Aðgerðaráætlun gegn kynbundnu ofbeldi og ofbeldi gegn börnum var samþykkt í velferðarráði 6. júní 2018.

Tekin fyrir að nýju til samþykktar af nýju velferðarráði.

Jón Hrói Finnsson sviðsstjóri búsetusviðs sat fundinn undir þessum lið.

Lagt fram bréf velferðarráðuneytisins dagsett 19. nóvember 2018 þar sem tilkynnt er að Öldrunarheimili Akureyrar hafi fengið heimild til að reka þrjú geðhjúkrunarrými.

Rýmin verði sveigjanleg og nýtt sem slík þegar þörfin er fyrir hendi en annars sem almenn hjúkrunarrými.

Vísað er í niðurstöður skýrslu samráðshóps frá árinu 2012 varðandi mat á ætlaðri þörf.

Halldór S. Guðmundsson framkvæmdastjóri ÖA og Helga Erlingsdóttir hjúkrunarforstjóri sátu fundinn undir þessum lið og greindu nánar frá þeim breytingum sem þetta hefði í för með sér varðandi vinnulag og verkefni á ÖA.

Jón Hrói Finnsson sviðsstjóri búsetusviðs sat fundinn undir þessum lið og óskaði eftir heimild til að nýta lausa íbúð í búsetukjarnanum í Kjalarsíðu sem aðstöðu fyrir starfsmenn þar sem núverandi starfsmannaaðstaða er óviðunandi.

Lögð fram áfrýjun umsækjanda um heimaþjónustu.