Velferðarráð

Lögð fram bókun bæjarráðs frá 29. september 2016 um skipun verkefnahóps um aðkomu Akureyrarbæjar að uppbyggingu íbúðarhúsnæðis samkvæmt nýjum lögum um almennar íbúðir.

Lögin má finna á netslóðinni http://www.althingi.is/altext/145/s/1437.html.

Jón Hrói Finnsson framkvæmdastjóri búsetudeildar kynnti vinnu við framkvæmdaáætlun í búsetumálum fatlaðs fólks.

Fyrir liggur erindi vegna undanþágu frá reglum um leiguhúsnæði Akureyrarbæjar.

Bryndís Dagbjartsdóttir skrifstofustjóri fjölskyldudeildar, Karólína Gunnarsdóttir þjónustustjóri á fjölskyldudeild og Jón Heiðar Daðason húsnæðisfulltrúi sátu fundinn undir þessum lið.

Þessum lið var frestað á síðasta fundi og framkvæmdastjórum búsetudeildar, fjölskyldudeildar og Öldrunarheimila Akureyrarbæjar falið að vinna að gerð starfsáætlana og leggja þær fram á næsta fundi velferðarráðs.

Lögð fram til kynningar drög að starfsáætlunum deilda fyrir árið 2017 sem unnin eru samhliða gerð tillagna að fjárhagsáætlun sama árs.

Framkvæmdastjóri ÖA, Halldór Guðmundsson, lagði fram til kynningar samning milli ÖA og Sjúkrahússins á Akureyri um læknisþjónustu. Í samningnum er fyrri samningur aðila frá 1. september 2014 framlengdur til þriggja ára.

Framkvæmdastjóri ÖA, Halldór Guðmundsson, greindi stuttlega frá vinnufundi í Connect verkefninu. Fundurinn var haldinn í Osló dagana 21.- 23. september sl. og sóttu fundinn fulltrúar 10 sveitarfélaga á Norðurlöndunum sem sérstaklega vinna með velferðartækni.

Á fundinum var unnið með verkfæri eða þrep sem eiga að nýtast við skipulagningu og innleiðingu velferðartækni. Jafnfram voru lögð drög að kynningarfundum sem haldnir verða í öllum sveitarfélögunum í byrjun næsta árs. Áætlað er að fundirnir verði í Reykjavík og á Akureyri í maí 2017.

Óskað hefur verið eftir tilnefningum í notendaráð í málaflokki fatlaðra. Velferðarráð þarf að tilnefna sinn fulltrúa í ráðið.

Karólína Gunnarsdóttir þjónustustjóri á fjölskyldudeild sat fundinn undir þessum lið.

Helga Vilhjálmsdóttir forstöðumaður sérfræðiþjónustu leik- og grunnskóla fór yfir stöðuna í sérfræðiþjónustunni og lagði fram minnisblað dagsett 5. október 2016.

Karólína Gunnarsdóttir þjónustustjóri á fjölskyldudeild og Áskell Örn Kárason forstöðumaður barnaverndar sátu fundinn undir þessum lið.

Áskell Örn Kárason forstöðumaður barnaverndar fór yfir stöðuna í barnavernd og kynnti minnisblað dagsett 5. október 2016.

Karólína Gunnarsdóttir þjónustustjóri á fjölskyldudeild sat fundinn undir þessum lið.