Velferðarráð

1235. fundur 07. september 2016 kl. 14:00 - 16:15 Fundarsalur á 2. hæð í Glerárgötu 26
Nefndarmenn
  • Sigríður Huld Jónsdóttir formaður
  • Róbert Freyr Jónsson
  • Halldóra Kristín Hauksdóttir
  • Svava Þórhildur Hjaltalín
  • Valur Sæmundsson
  • Guðrún Karitas Garðarsdóttir áheyrnarfulltrúi
Starfsmenn
  • Guðrún Ólafía Sigurðardóttir framkvæmdastjóri
  • Halldór Sigurður Guðmundsson framkvæmdastjóri
  • Kristbjörg Björnsdóttir fundarritari
Dagskrá

1.Fjárhagserindi 2016 - áfrýjanir

2016010011

Helga Alfreðsdóttir ráðgjafi hjá fjölskyldudeild kynnti áfrýjun í fjárhagsaðstoð.

Anna Marit Níelsdóttir forstöðumaður félagsþjónustu hjá fjölskyldudeild sat fundinn undir þessum lið.
Áfrýjanir og afgreiðsla þeirra var færð í trúnaðarbók velferðarráðs.

2.Flutningur á milli leiguíbúða 2016 - áfrýjanir

2016030100

Jón Heiðar Daðason húsnæðisfulltrúi og Anna Marit Níelsdóttir forstöðumaður félagsþjónustu hjá fjölskyldudeild kynntu áfrýjun í húsnæðismáli.
Afgreiðsla málsins er færð í trúnaðarbók velferðarráðs.

3.Framkvæmdaáætlun í málefnum fatlaðs fólks

2012020024

Guðrún Sigurðardóttir framkvæmdastjóri og Karólína Gunnarsdóttir þjónustustjóri hjá fjölskyldudeild lögðu fram til kynningar framvindu verkefna skv. þingsályktun um framkvæmdaáætlun í málefnum fatlaðs fólks 2012-2014 teknar saman að beiðni Velferðarráðuneytisins.

4.Fjárhagsáætlun 2017- velferðarráð

2016080074

Framkvæmdastjórar gerðu stuttlega grein fyrir vinnu við gerð fjárhagsáætlunar.

5.Velferðarstefna 2014-2018

2015010191

Velferðarráð fór yfir vinnu við gerð velferðarstefnu fyrir árin 2017-2021.

Þessum lið var frestað á síðasta fundi.

6.Öldrunarþjónusta - biðlistar 2016

2016020149

Framkvæmdastjóri ÖA, Halldór Guðmundsson, lagði fram yfirlit um fjölda einstaklinga sem metnir eru í þörf fyrir dvalar- og hjúkrunarrými pr. 1. september sl. ásamt fjölda notenda í dagþjálfun, heimaþjónustu og heimsendan mat. Ekki liggja fyrir upplýsingar um heimahjúkrun á vegum HSN.

7.ÖA - velferð og tækni, velferðartækni

2013010215

Framkvæmdastjóri ÖA, Halldór Guðmundsson, upplýsti um framvindu verkefnis um velferðartækni sem er samstarfsverkefni með velferðarsviði Reykjavíkurborgar, m.a. um kaup á skolbúnaði á salerni sem sett verða upp í dagþjálfun, skammtímadvöl og þjónustukjarna.

Í umsókn um verkefnið er líka gert ráð fyrir samstarfssamningi sveitarfélaganna sem er í undirbúningi.

Jafnframt lagði framkvæmdastjóri fram danska samantekt um velferðartækni, notagildi og hindranir út frá sjónarhóli notenda, starfsfólks og fjárhagslegs ávinnings, sem unnin er af 'SFI-det nationale forskningscenter for velfærd'.

8.Tilraunaverkefni um breytt fyrirkomulag á greiðsluþátttöku íbúa á dvalar- og hjúkrunarheimilum

2016080044

Framkvæmdastjóri ÖA, Halldór Guðmundsson, lagði fram og kynnti erindi frá Velferðarráðuneytinu um undirbúning að tilraunaverkefni um breytt fyrirkomulag á greiðsluþátttöku íbúa á dvalar- og hjúkrunarheimilum.

Í erindi er leitað eftir áhugasömum heimilum til þátttöku í verkefninu, sem er á vinnslustigi, og hefur ÖA lýst áhuga á að taka þátt í verkefninu og nánari útfærslu þess.

Greindi framkvæmdastjóri frá nokkrum þáttum sem skýra þarf og útfæra s.s. varðandi samningagerð, leigu, einstaklingsbundna þjónustu ofl.

9.ÖA - samfélagslegt þróunarverkefni - úthlutun úr Framkvæmdasjóði aldraðra 2016

2016060153

Lögð fram tilkynning dagsett 15. júní 2016 um úthlutun úr Framkvæmdasjóði aldraðra vegna samfélagslegs þróunarverkefnis á grundvelli Buurtzorg módelsins. Verkefnið er m.a. að þróa og efla þjónustu við eldra fólk sem leitar eftir og metið er í þörf fyrir dagþjálfun og/eða skammtímadvöl á hjúkrunarheimili.

Framkvæmdastjóri ÖA, Halldór Guðmundsson og hjúkrunarforstjóri ÖA, Helga Erlingsdóttir, kynntu hugmyndir og fyrstu skref að undirbúningi verkefnisins. Upphæð styrkveitingar er kr. 3 milljónir.
Umfjöllun frestað til næsta fundar.

10.Öldrunarheimili Akureyrarbæjar - rekstur

2015010160

Lögð fram drög að samantekt um rekstur ÖA eftir fyrstu sex mánuði 2016, sem unnin er af rekstrarstjóra ÖA, Lúðvík Frey Sæmundssyni. Samantektin er hluti af frekari upplýsingamiðlun um rekstur heimilanna og verður dreift til kynningar íbúum og starfsfólki á næstu dögum.

11.Eden alternative / hugmyndafræði

2013120037

Lögð fram samantekt sem unnin er af Maríu Guðnadóttur lýðheilsufræðingi, um útivist, lífsgæði og ylgarða á hjúkrunarheimilum. Verkefnið hlaut styrk frá Velferðarráðuneytinu á sviði nýsköpunar og tækni í velferðarþjónustu og er unnið í samstarfi við ÖA.

Niðurstöður verkefnisins, sem er fræðileg samantekt um áhrif náttúru á heilsu og lífsgæði, mun gagnast við stefnumótun, öldrunarheimilum, heilbrigðisstofnunum og verkfræði- og arkitektastofum við hönnun bygginga ætlaðar eldra fólki.

Fundi slitið - kl. 16:15.