Tillaga til þingsályktunar um framkvæmdaáætlun í málefnum fatlaðs fólks til ársins 2014, 440. mál

Erindi dags. 2. febrúar 2012 frá nefndasviði Alþingis þar sem óskað er umsagnar um tillögu til þingsályktunar um framkvæmdaáætlun í málefnum fatlaðs fólks til ársins 2014, 440. mál. Þess er óskað að umsögn berist eigi síðar en 15. febrúar nk.

Guðrún Sigurðardóttir framkvæmdastjóri fjölskyldudeildar og Soffía Lárusdóttur framkvæmdastjóri búsetudeildar lögðu fram til kynningar tillögu velferðarráðherra um framkvæmdaáætlun í málefnum fatlaðs fólks 2012-2014 sem Alþingi samþykkti þann 11. júní sl.

Þingsályktun um framkvæmdaáætlun í málefnum fatlaðs fólks til ársins 2014, þingskjal 1496 - 440. mál, lögð fram til umræðu og kynningar. Jafnframt lagður fram tölvupóstur frá velferðarráðuneytinu dags 20. ágúst 2014 þar sem fram kemur að félags- og húsnæðisráðherra hefur ákveðið að framlengja áætlunina til ársins 2016.
Framkvæmdastjórar búsetudeildar og fjölskyldudeildar kynntu þau verkefni í framkvæmdaáætluninni sem eru á ábyrgðarsviði sveitarfélaga/þjónustusvæða og stöðu þeirra.

Lögð fram til kynningar umsókn Fasteigna Akureyrarbæjar, búsetudeildar og framkvæmdadeildar um styrk frá velferðarráðuneytinu til framkvæmdar úttektar á aðgengismálum á Akureyri samanber lið A1 í aðgerðaráætlun. Sótt var um styrk til úttektar á umferðamannvirkjum með áherslu á aðgengi fatlaðs fólks að og frá stoppistöðvum Strætisvagna Akureyrar að helstu opinberu byggingum á Akureyri.

Guðrún Sigurðardóttir framkvæmdastjóri fjölskyldudeildar og Karólína Gunnarsdóttir þjónustustjóri lögðu fram bréf dagsett 3. nóvember 2015 frá velferðarráðuneytinu með boð um að sækja um styrk til að koma í framkvæmd verkefni H.1 skv. framkvæmdaáætlun í málefnum fatlaðs fólks um að koma á notendaráði sem sé ráðgefandi varðandi stefnumótun í málefnum fatlaðs fólks á svæðinu. Anna Lilja Björnsdóttir verkefnisstjóri velferðarstefnu sat fundinn undir þessum lið.

Kynnt niðurstaða vegna umsóknar um styrk frá velferðarráðuneytinu vegna notendaráðs í málaflokki fatlaðra. Fyrstu skref rædd.

Soffía Lárusdóttir framkvæmdastjóri búsetudeildar og Guðrún Sigurðardóttir framkvæmdastjóri fjölskyldudeildar lögðu fram greinargerð búsetu- og fjölskyldudeildar Akureyrarbæjar hvað varðar mótun nýrrar framkvæmdaáætlunar í málefnum fatlaðs fólks.

Guðrún Sigurðardóttir framkvæmdastjóri og Karólína Gunnarsdóttir þjónustustjóri hjá fjölskyldudeild lögðu fram til kynningar framvindu verkefna skv. þingsályktun um framkvæmdaáætlun í málefnum fatlaðs fólks 2012-2014 teknar saman að beiðni Velferðarráðuneytisins.