Stjórnsýslunefnd

Framkvæmdastjórar stoðþjónustudeilda, Dagný M. Harðardóttir skrifstofustjóri Ráðhúss, Dan J. Brynjarsson fjármálastjóri, Halla M. Tryggvadóttir starfsmannastjóri og Jón Bragi Gunnarsson hagsýslustjóri, komu á fundinn til viðræðna um starfs- og fjárhagsáætlanir deildanna. Þeir gerðu nefndinni grein fyrir helstu verkefnum sem framundan eru í þessum deildum.

Samkvæmt erindisbréfi fræðslunefndar er það hlutverk stjórnsýslunefndar að skipa fulltrúa í fræðslunefnd fyrir kjörtímabilið 2010-2014.

Aftur tekin til umræðu drög að siðareglum fyrir kjörna fulltrúa en afgreiðslu þeirra var frestað á síðasta fundi.

Dagný M. Harðardóttir skrifstofustjóri Ráðhúss lagði fram tillögur um breytingar á verklagsreglum um fundargerðir. Fyrst og fremst er um að ræða aðlögun reglnanna að virkni nýja skjalakerfisins, OneSystems.

Eftirtaldar fundargerðir eru lagðar fram til kynningar:
Fundargerð hverfisnefndar Holta- og Hlíðahverfis dags. 2. september 2010.
Fundargerðir hverfisráðs Grímseyjar dags. 24. og 31. ágúst 2010.
Fundargerð hverfisráðs Hríseyjar dags. 14. september 2010.