Stjórn Akureyrarstofu

162. fundur 08. maí 2014 kl. 17:30 - 19:30 Fundarherbergi Akureyrarstofu í menningarhúsinu Hofi
Nefndarmenn
  • Halla Björk Reynisdóttir formaður
  • Jón Hjaltason
  • Sigmundur Ófeigsson
  • Helena Þuríður Karlsdóttir
  • Hildur Friðriksdóttir
  • Helgi Vilberg Hermannsson áheyrnarfulltrúi
  • Sigfús Arnar Karlsson áheyrnarfulltrúi
  • Unnsteinn Jónsson áheyrnarfulltrúi
  • Þórgnýr Dýrfjörð fundarritari
Fundargerð ritaði: Þórgnýr Dýrfjörð framkvæmdastjóri
Dagskrá

1.Húsverndarsjóður - styrkumsóknir 2014

Málsnúmer 2014050027Vakta málsnúmer

Afgreiddar umsóknir um styrki úr Húsverndarsjóði.
Kristín Sóley Björnsdóttir verkefnisstjóri viðburða og menningarmála á Akureyrarstofu sat fundinn undir þessum lið.
Til ráðstöfunar voru tveir styrkir að upphæð kr. 300.000 hvor.

Stjórn Akureyrarstofu samþykkir að styrkja annars vegar endurbætur á brunni við Aðalstræti 50 og hins vegar endurbætur á húsinu við Strandgötu 27.

2.Leiklistarsamband Íslands - ályktun um málefni Leikfélags Akureyrar

Málsnúmer 2014050040Vakta málsnúmer

Ályktun sambandsins lögð fram til umræðu og kynningar.

Vegna ályktunar Leiklistarsambandsins vill stjórn Akureyrarstofu koma eftirfarandi á framfæri: Á árunum 2010-2013 runnu að meðaltali 127 mkr. á ári til reksturs LA. Samtals um 400 mkr.  beint til reksturs og 106 mkr. í formi leigu vegna húsnæðis sem LA fær til afnota án endurgjalds.

 

Ekki stendur til að draga úr framlögum til rekstrar atvinnuleikhúss á Akureyri og í nýrri menningarstefnu er gert ráð fyrir að það sé hornsteinn sviðslistastarfs á Akureyri og í nágrenni. Það eru því engin efni til að álykta eins og stjórn Leiklistarsambandsins gerir um að starfsemi LA leggist af. Stjórn LA hefur hins vegar ákveðið að dregið verið úr eigin framleiðslu félagsins í hálft leikár svo það geti gert upp laun og aðrar skuldbindingar vegna þess leikárs sem er að líða.

 

Framkvæmdastjóra falið að koma viðbrögðum stjórnarinnar á framfæri við Leiklistarsambandið.

3.Brúðuheimar - samstarf við Akureyrarstofu

Málsnúmer 2014050029Vakta málsnúmer

Erindi dags. 28 apríl 2014 frá Hildi M. Jónsdóttur og Bernd Ogrodink, fyrir hönd Brúðuheima ehf þar sem kynnt er hugmynd um samstarf við Akureyrarbæ um nýtingu á Deiglunni og Laxdalshúsi með það í huga að starfsemi Brúðuheima flytjist norður yfir heiðar.

Stjórn Akureyrarstofu felur formanni og framkvæmdastjóra að ræða við bréfritara.

4.Atvinnumálaráð Akureyrar - undirbúningur

Málsnúmer 2014050028Vakta málsnúmer

Rætt um stofnun atvinnumálaráðs, hlutverk og skipan.

Stjórn Akureyrastofu felur Helenu Þuríði Karlsdóttur, Sigmundi Einari Ófeigssyni og Unnsteini Jónssyni fulltrúum í stjórninni, að vinna ásamt framkvæmdastjóra að drögum að samþykkt fyrir atvinnuráðið.

5.Sjónlistamiðstöðin á Akureyri - skipulag og þróun

Málsnúmer 2012040129Vakta málsnúmer

Lögð fram drög að Samþykkt fyrir Sjónlistamiðstöðina á Akureyri. Orðið hefur sú breyting frá síðustu útgáfu að lagt er til að heitið Listasafnið á Akureyri verði aftur meginheiti stofnunarinnar.

Stjórn Akureyrastofu felur framkvæmdastjóra og forstöðumanni Sjónlistamiðstöðvarinnar að ljúka við drögin fyrir lokaafgreiðslu þeirra frá stjórninni.

Fundi slitið - kl. 19:30.