Stjórn Akureyrarstofu

283. fundur 29. ágúst 2019 kl. 14:00 - 17:00 Rósenborg - fundarsalur 3. hæð
Nefndarmenn
  • Hilda Jana Gísladóttir formaður
  • Anna Fanney Stefánsdóttir
  • Sigfús Arnar Karlsson
  • Eva Hrund Einarsdóttir
  • Finnur Sigurðsson
  • Karl Liljendal Hólmgeirsson áheyrnarfulltrúi
Starfsmenn
  • Kristinn Jakob Reimarsson sviðsstjóri skipulagssviðs ritaði fundargerð
  • Þórgnýr Dýrfjörð deildarstjóri akureyrarstofu
Fundargerð ritaði: Kristinn J. Reimarsson sviðsstjóri Samfélagssviðs
Dagskrá

1.Akureyrarstofa, starfslýsingar

2019010210

Jón Þór Kristjánsson verkefnastjóri upplýsingamiðlunar mætti á fundinn og fór yfir helstu verkefni þessa nýja starfs.

2.Stjórn Akureyrarstofu - fundaáætlun 2019

2018120145

Lögð fram fundaáætlun stjórnar Akureyrarstofu fyrir haustið 2019.
Stjórn Akureyrarstofu samþykkir framlagða fundaáætlun.

3.Starfs- og fjárhagsáætlun stjórnar Akureyrarstofu 2020

2019050308

Til umræðu starfs- og fjárhagsáætlun stjórnar Akureyrarstofu fyrir árið 2020.

4.Menningarfélag Akureyrar - beiðni um kaup á búnaði

2016110028

Erindi dagsett 11. júní 2019 frá Þuríði H. Kristjánsdóttur framkvæmdastjóra MAk þar sem óskað er eftir kaupum á búnaði.
Stjórn Akureyrarstofu óskar eftir því að starfsmenn UMSA yfirfari listann í samráði við MAk og jafnframt verði gerð áætlun um endurnýjun stofnbúnaðar til lengri tíma.

5.Stjórn Akureyrarstofu - rekstraryfirlit 2019

2019020025

Lagt fram til kynningar 7 mánaða rekstraryfirlit.

6.Upplýsingastefna Akureyrarbæjar

2015110167

Farið yfir aðgerðaáætlun upplýsingastefnu.
Í ljósi þess að tímamörk allra verkefna hafa ekki staðist óskar stjórn Akureyrarstofu eftir því að vef- og samfélagsmiðlastefna verði tilbúin 31. desember 2019 og leiðbeiningar um samskipti við fjölmiðla 1. október 2019.

7.Rekstur kaffihúsa í stofnunum Akureyrarbæjar

2019080451

Lagt fram minnisblað sviðsstjóra samfélagssviðs vegna reksturs á kaffihúsum í stofnunum Akureyrarbæjar.
Stjórn Akureyrarstofu samþykkir að vísa minnisblaðinu til umræðu í bæjarráði.

8.Dansverkið Rómeó Júlía - styrkbeiðni

2019080466

Erindi dags. 5. júlí 2019 frá Hlyni Páli Pálssyni f.h. Íslenska dansflokksins, Listahátíðar í Reykjavík og Þjóðleikhússins þar sem óskað er eftir stuðningi við uppsetningu á dansverkinu Rómeó Júlía sem er samstarfsverkefni þessara aðila á Listahátíð í Reykjavík og á Akureyri á næsta ári.
Stjórn Akureyrarstofu felur deildarstjóra Akureyrarstofu að ræða við bréfritara.

9.Fundargerðir AFE

2019040049

Fundargerðir AFE nr. 233, 234, 235, 236 og 237 lagðar fram til kynningar.

Fundi slitið - kl. 17:00.