Stjórn Akureyrarstofu

225. fundur 16. febrúar 2017 kl. 16:15 - 18:00 Fundarherbergi Akureyrarstofu í menningarhúsinu Hofi
Nefndarmenn
  • Unnar Jónsson formaður
  • Sigfús Arnar Karlsson
  • Anna Hildur Guðmundsdóttir
  • Þórhallur Jónsson
  • Hildur Friðriksdóttir
  • Eva Dögg Fjölnisdóttir áheyrnarfulltrúi
Starfsmenn
  • Kristinn Jakob Reimarsson sviðsstjóri samfélagssviðs
  • Þórgnýr Dýrfjörð fundarritari
Fundargerð ritaði: Kristinn J. Reimarsson sviðsstjóri
Dagskrá
Þórhallur Jónsson D-lista sat fundinn í forföllum Evu Hrundar Einarsdóttur.

1.Grafíkverkstæði í Deiglunni - framtíðarnýting húsnæðisins

2017020088

Guðmundur Ármann Sigurjónsson formaður Gilfélagsins og Ingibjörg Stefánsdóttir fulltrúi í stjórn félagsins, komu á fundinn og gerðu grein fyrir óskum félagsins um að í framtíðinni verði komið á fót grafíkverkstæði og sýningaraðstöðu í Deiglunni sem félagið hyggst annast og reka.

Hulda Sif Hermannsdóttir verkefnisstjóri menningarmála og viðburða á Akureyrarstofu sat fundinn undir þessum lið.
Stjórn Akureyrarstofu þakkar þeim Guðmundi og Ingibjörgu fyrir kynninguna og mun vinna áfram að erindi félagsins.

2.Listasumar og Akureyrarvaka 2017

2017010278

Áfram haldið umræðu um fyrirkomulag Listasumars og Akureyrarvöku á þessu ári. Lögð fram tillaga að ramma fyrir framkvæmd hátíðanna sem gert er ráð fyrir að unnið verði eftir í meginatriðum næstu þrjú árin.

Hulda Sif Hermannsdóttir verkefnisstjóri menningarmála og viðburða á Akureyrarstofu sat fundinn undir þessum lið.
Stjórn Akureyrarstofu samþykkir tillögurnar.

3.Samþykktir fastanefnda 2017

2017020082

Á fundi bæjarstjórnar þann 3. janúar sl. voru samþykktar samþykktir fyrir fastanefndir Akureyrarbæjar, þ.m.t. stjórn Akureyrarstofu.

Í tengslum við endurskoðun í kjölfar skipulagsbreytinga er óskað eftir athugasemdum stjórnarinnar við samþykktina.
Afgreiðslu frestað.

4.Verklagsreglur um útleigu og afnot á eldra húsnæði - Akureyrarstofa

2016110187

Verklagsreglurnar lagðar fram til lokaafgreiðslu.

Hulda Sif Hermannsdóttir verkefnisstjóri menningarmála og viðburða á Akureyrarstofu sat fundinn undir þessum lið.
Stjórn Akureyrarstofu samþykkir reglurnar.

5."The Color Run" Akureyri - leyfisósk og styrkbeiðini

2017020093

Erindi dagsett 13. febrúar 2017 frá Davíð Lúther Sigurðarsyni, f.h. almenningshlaupsins 'The Color Run' á Íslandi, þar sem óskað er eftir leyfi til að halda hlaupið á Akureyri og aðstoð Akureyrarbæjar við afmarkaða þætti.

Hulda Sif Hermannsdóttir verkefnisstjóri menningarmála og viðburða á Akureyrarstofu sat fundinn undir þessum lið.
Stjórn Akureyrarstofu samþykkir að styrkja framkvæmd hlaupsins um kr. 250.000. Leyfi vegna lokana gatna og annarra þátta er vísað til skipulagsstjóra Akureyrarbæjar.

6.Athafna- og nýsköpunarverðlaun Akureyrarbæjar 2017

2017020089

Akureyrarbær hefur útnefnt tvö fyrirtæki annars vegar til athafnaverðlauna og hins vegar til nýsköpunarverðlauna. Þar sem atvinnumál hafa verið flutt til stjórnar Akureyrarstofu þá kemur það í hlut hennar að annast útnefningarnar. Rætt um fyrirkomulagið. Tilkynnt verður um niðurstöður á Vorkomu Akureyrarstofu á sumardaginn fyrsta.

Fundi slitið - kl. 18:00.