Stjórn Akureyrarstofu

196. fundur 23. september 2015 kl. 17:00 - 18:51 Fundarherbergi Akureyrarstofu í menningarhúsinu Hofi
Nefndarmenn
  • Logi Már Einarsson formaður
  • Sigfús Arnar Karlsson
  • Silja Dögg Baldursdóttir
  • Hanna Dögg Maronsdóttir
  • Hildur Friðriksdóttir
  • Eva Dögg Fjölnisdóttir áheyrnarfulltrúi
Starfsmenn
  • Þórgnýr Dýrfjörð framkvæmdastjóri Akureyrarstofu ritaði fundargerð
Dagskrá

1.Fjárhagsáætlun Akureyrarstofu 2016

2015080026

Lokaafgreiðsla fjárhagsáætlunar frá stjórn Akureyrarstofu.
Stjórn Akureyrarstofu samþykkir fyrirliggjandi áætlun með þeim breytingum og skýringum sem koma fram í samantekt með henni.

2.Upplýsingamiðstöð ferðamanna - rekstur 2015

2014100036

Farið yfir málefni Upplýsingamiðstöðvar ferðamanna, þróun þjónustu, rekstrarkostnaðar og framlaga Ferðamálastofu og nágrannasveitarfélaga.
Á undanförnum árum hefur þjónusta Upplýsingamiðstöðvarinnar verið aukin og bætt ár frá ári. Á sama tíma hefur framlag Ferðamálastofu og nágrannasveitarfélaganna dregist saman. Akureyrarbær hefur því einn kostað þessa auknu þjónustu. Upplýsingamiðstöðin er landshlutamiðstöð og hefur því skyldur við Norðurland allt og á því byggir framlag Ferðamálastofu. Mikilvægt er að allir hagsmunaðilar komi að því verki að bæta og auka þjónustu við ferðamenn sem fer fjölgandi ár frá ári. Gert er ráð fyrir að erlendir ferðamenn sem koma til landsins á næsta ári verði um 1,5 milljón.
Framkvæmdastjóra falið að fara í viðræður við Ferðamálastofu um aukna aðkomu að rekstrinum og boða til fundar með nágrannasveitarfélögum í Eyjafirði um endurskoðaðan samningsgrundvöll um rekstur miðstöðvarinnar.

3.Samningur um samstarf ríkis og Akureyrarbæjar um menningarmál 2013-2015

2013010068

Farið yfir minnisblað dagsett 22. september 2015 um þróun framlaga ríkisins til samstarfssamningsins.
Á undanförnum árum hafa framlög til stofnana ríkisins í Reykjavík s.s. Hörpu, Listasafns Íslands, Þjóðleikhússins og Sinfóníuhljómsveitar Íslands hækkað um hundruði milljóna króna á sama tíma og framlög ríkisins til sambærilegra stofnana á Akureyri hafa staðið í stað. Samkvæmt fjárlögum fyrir árið 2016 er ekki að sjá neina breytingu á þessu.
Akureyri gegnir mikilvægu hlutverki í menningarstarfi á Norður- og Austurlandi og framboð á menningu er mikilsverður þáttur í því að tryggja jöfn búsetuskilyrði.
Stjórn Akureyrarstofu telur þessa mismunun, sem í framlögunum birtist, óskiljanlega og í raun svo óásættanlega að ekki verður lengur við unað.

4.Framkvæmdayfirlit - menningarmál og atvinnumál 2016-2021

2015090038

Framkvæmdayfirlitið tekið fyrir að nýju.
Samkvæmt núgildandi framkvæmdayfirliti er eina verkefnið í menningarmálum endurbætur og viðhald á húsi Listasafnsins á Akureyri. Stjórnin styður að verkefnið verði áfram á framkvæmdaáætlun bæjarins og nægilegu fjármagni verði til þess veitt.

5.Matarhátíðin "North Iceland Local Food Festival" - styrkbeiðni

2015090125

Erindi dagsett 2. september 2015 frá Davíð Rúnari Gunnarssyni, f.h. félagsins Matur úr Héraði þar sem óskað er eftir styrk að upphæð kr. 610.000 til að standa straum af leigu á Íþróttahöllinni vegna sýningar á vegum matarhátíðarinnar "North Iceland Local Food Festival" sem áður gekk undir nafninu Matur-Inn.
Stjórn Akureyrarstofu samþykkir styrk að upphæð kr. 250.000 til verkefnisins.

6.Gilfélagið - ósk um samstarfssamning

2015090126

Erindi dagsett 9. september 2015 frá Hermanni Inga Arasyni og Þóru Karlsdóttur, f.h. Gilfélagsins, þar sem óskað er eftir áframhaldandi samkomulagi um að félagið hafi umsjón með Deiglunni og starfsemi þar, auk þess að það verði formfest á ný að Gestavinnustofan verði einnig á könnu félagsins eins og verið hefur.
Stjórn Akureyrarstofu felur framkvæmdastjóra og forstöðumanni Listasafnsins að ræða við bréfritara.

Fundi slitið - kl. 18:51.