Skipulagsnefnd

182. fundur 25. júní 2014 kl. 08:00 - 10:00 Bæjarstjórnarsalur á 4. hæð í Ráðhúsi
Nefndarmenn
  • Tryggvi Már Ingvarsson formaður
  • Ólína Freysteinsdóttir
  • Helgi Snæbjarnarson
  • Sigurjón Jóhannesson
  • Vilberg Helgason
  • Jón Þorvaldur Heiðarsson áheyrnarfulltrúi
Starfsmenn
  • Pétur Bolli Jóhannesson skipulagsstjóri ritaði fundargerð
Dagskrá
Helgi Snæbjarnarson L-lista mætti í forföllum Evu Reykjalín og Vilbert Helgason V-lista mætti í forföllum Edwards Huijbens. Aðrir varamenn boðuðu forföll.

Bæjarstjórn hefur á fundi sínum 18. júní sl. kosið aðal- og varamenn í skipulagsnefnd:

Aðalmenn:
Tryggvi Már Ingvarsson formaður
Eva Reykjalín Elvarsdóttir varaformaður
Ólína Freysteinsdóttir
Sigurjón Jóhannesson
Edward Hákon Huijbens
Jón Þorvaldur Heiðarsson áheyrnarfulltrúi

Varamenn:
Viðar Valdimarsson
Helgi Snæbjarnarson
Jón Ingi Cæsarsson
Stefán Friðrik Stefánsson
Vilberg Helgason
Hólmgeir Þorsteinsson varaáheyrnarfulltrúi

Formaður nefndarinnar bauð nýkjörna nefndarmenn velkomna til starfa.

1.Skipulagsnefnd 2014-2018 - kynningarefni

Málsnúmer 2014060142Vakta málsnúmer

Skipulagsstjóri fór yfir og kynnti helstu gögn og reglugerðir fyrir nýkjörna skipulagsnefndarfulltrúa fyrir kjörtímabilið 2014-2018.

Lagt fram til kynningar.

Stefán Friðrik Stefánsson varamaður D-lista og Hólmgeir Þorsteinsson varaáheyrnarfulltrúi Æ-lista yfirgáfu fundinn eftir kynningu.

2.Akstursíþrótta- og skotsvæði á Glerárdal, deiliskipulagsbreyting

Málsnúmer 2013010054Vakta málsnúmer

Tekið fyrir að nýju eftir yfirferð Skipulagsstofnunar sem taldi sig ekki geta tekið afstöðu til deiliskipulagsbreytingarinnar fyrr en hávaði frá stækkuðu akstursíþróttasvæði hefði verið áætlaður. Sú áætlun liggur nú fyrir en Verkfræðistofan EFLA hefur unnið viðauka við fyrri hljóðskýrslu sem kallast Hávaðadreifing frá Endurobraut, dagsetta 25. júní 2014.
Í ljósi niðurstöðu hljóðskýrslunnar er varðar deiliskipulagsbreytingu á akstursíþrótta- og skotsvæði á Glerárdal vegna viðbótarsvæðis KKA, er gerð sú breyting að Endurobraut vestan nýs aðkomuvegar að svæðum Skotfélags og KKA er felld út, þar sem hún uppfyllir ekki kröfur um hljóðvist vegna frístundabyggðar í 2. áfanga Hálanda.
Eftirfarandi breytingar hafa verið gerðar á deiliskipulagsuppdrætti dagsettum 25. júní 2014, og í greinargerð frá samþykkt bæjarstjórnar 21. janúar 2014.
1) Færðar hafa verið inn á uppdrátt hljóðmanir ofan viðbótarsvæðis KKA á móts við 1. áf. Hálanda til þess að uppfylla kröfur um hljóðstig.
2) Skástrikað svæði á uppdrætti sem sýnt er vestan nýs aðkomuvegar að svæði SA og KKA hefur verið fellt út og er nú skilgreint sem viðbótarsvæði KKA með þeim kvöðum að ekki megi nota það fyrir vélknúin farartæki.
3) Undirgögn undir nýjan aðkomuveg að svæði KKA og Skotsvæði hafa verið færð inn á uppdrátt.
4) Texta hefur verið breytt í greinargerð í samræmi við ofangreint, bæði í almennum skýringum og í umhverfisskýrslu.

Skipulagsnefnd leggur til við bæjarstjórn að deiliskipulagstillagan þannig breytt verði samþykkt og skipulagsstjóra falið að annast gildistöku hennar.

3.Eyjafjarðarbraut, flugskýli 10 - deiliskipulagsbreyting

Málsnúmer 2014060152Vakta málsnúmer

Erindi dagsett 16. júní 2014 þar sem Steinmar H. Rögnvaldsson f.h. Flugfélags Íslands sækir um deiliskipulagsbreytingu á Akureyrarflugvelli vegna stækkunar á byggingarreit fyrir flugskýli 10. Meðfylgjandi eru tillöguteikningar.

Skipulagsnefnd heimilar umsækjanda að leggja fram tillögu að breytingu á deiliskipulagi. Breytingin verði unnin í samræmi við 3. mgr. 44. gr. skipulagslaga nr. 123/2010.

4.Kotárgerði 8 - grenndarkynning vegna byggingar bílskúrs

Málsnúmer 2013040101Vakta málsnúmer

Tekið fyrir að nýju erindi dagsett 11. apríl 2013 þar sem Tryggvi Tryggvason f.h. Arnars Guðmundssonar, kt. 010765-4129, og Margrétar Dóru Eðvarðsdóttur, kt. 030263-3409, óskar eftir að byggja bílskúr við Kotárgerði 8.
Skipulagsnefnd samþykkti 13. nóvember 2013 að grenndarkynna erindið og barst ein athugasemd frá Þorgeiri V. Jónssyni og Kristínu Ólafsdóttur, Kotárgerði 10 þar sem þau benda á að lóð þeirra standi neðar en Kotárgerði 8 og mun því fyrirhuguð viðbygging skyggja á lóð þeirra.
Skipulagsnefnd samþykkti að óska eftir skuggavarpsteikningum og ásýndarmynd sem sýndi húsin nr. 8 og 10 séð frá götu sem eigendur Kotárgerðis 8 mótmæla m.a. vegna mikils kostnaðar og á grundvelli jafnræðisreglu.

Skv. 5.9.2 gr. skipulagsreglugerðar nr. 90/2013 um framkvæmd grenndarkynningar skal skipulagsnefnd kynna nágrönnum, sem taldir eru eiga hagsmuna að gæta leyfisumsókn og gefa þeim kost á að koma með athugasemdir um hana innan tilskilins frests. Í bréfi til hagsmunaaðila skal koma fram hvert sé meginefni grenndarkynningarinnar. Með bréfinu skulu fylgja hönnunargögn sbr. 5.9.7. gr. þegar um leyfisumsókn er að ræða. Ennfremur segir að gera þarf grein fyrir landmótun, götumyndum og öðru sem nauðsynlegt er til að hagsmunaaðilar geti tekið afstöðu til framkvæmdarinnar.

Bent er á að í öðrum sambærilegum málum hefur skipulagsnefnd óskað eftir viðbótargögnum s.s. ásýndar- og skuggavarpsmyndum ef talin er þörf á slíku.

Í samræmi við ofangreindar skýringar stendur því bókun skipulagsnefndar frá 15. janúar 2014, þar sem farið er fram á ásýndar- og skuggavarpsmyndir sem sýna húsin nr. 8 og 10 séð frá götu.

5.Fornagil 15 - fyrirspurn um byggingarleyfi

Málsnúmer 2014060086Vakta málsnúmer

Erindi dagsett 10. júní 2014 þar sem Ingólfur Guðmundsson f.h. Finns Aðalbjörnssonar kt. 211266-5469, leggur fram fyrirspurn um byggingu bílskúrs á lóð nr 15. við Fornagil. Meðfylgjandi er uppdráttur.

Samkvæmt gildandi deiliskipulagi Giljahverfis er gert ráð fyrir innbyggðum bílgeymslum í parhúsum við Fornagil en ekki stakstæðum bílskúrum. Sótt er um byggingu 50 m2 bílgeymslu sem ekki er í anda ákvæða deiliskipulagsins og engin fordæmi fyrir í hverfinu. Skipulagsnefnd bendir á að til staðar er bílgeymsla í húsinu og virðist því ekki vera augljós þörf fyrir byggingu annarrar bílgeymslu. Að auki myndi slíkt samþykki verða fordæmisgefandi gagnvart öðrum sambærilegum umsóknum.

Skipulagsnefnd hafnar því erindinu.

6.Austurvegur 44-46 - umsókn um framkvæmdaleyfi

Málsnúmer 2014060094Vakta málsnúmer

Erindi dagsett 11. júní 2014 þar sem Haraldur Jósefsson f.h. Norðurorku kt. 550978-0169 sækir um framkvæmdarleyfi fyrir rotþró við hús nr. 42 - 55 við Austurveg og Eyjabyggð 12 - 15 í Hrísey. Meðfylgjandi er uppdráttur sem sýnir staðsetningu rotþrónnar og legu lagna dagsettur í maí 2014.

Skipulagsnefnd hefur yfirfarið meðfylgjandi hönnunargögn vegna framkvæmda við rotþró við Austurveg og Eyjabyggð í Hrísey, sem er í samræmi við samþykkt deiliskipulag, og samþykkir útgáfu framkvæmdaleyfisins á grundvelli 4. gr.- g "Samþykktar um skipulagsnefnd".
Eftirfarandi skilyrði setur skipulagsnefnd fyrir veitingu framkvæmdaleyfisins:
Framkvæmdir skulu vera í samræmi við 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.

7.Afgreiðslur skipulagsstjóra 2014

Málsnúmer 2014010005Vakta málsnúmer

Fundargerð dagsett 12. júní 2014. Lögð var fram fundargerð 496. fundar með fullnaðarafgreiðslum erinda. Fundargerðin er í 11 liðum.

Lagt fram til kynningar.

8.Afgreiðslur skipulagsstjóra 2014

Málsnúmer 2014010005Vakta málsnúmer

Fundargerð dagsett 19. júní 2014. Lögð var fram fundargerð 497. fundar með fullnaðarafgreiðslum erinda. Fundargerðin er í 7 liðum.
Lagt fram til kynningar.
Borin var upp tillaga um að setja neðangreint mál á dagskrá sem var samþykkt.

9.Sandgerðisbót - breyting á dsk., vegna Óseyrar 19

Málsnúmer 2013110167Vakta málsnúmer

Tillaga að breytingu á deiliskipulagi Sandgerðisbótar, dagsett 14. maí 2014 var grenndarkynnt frá 22. maí til 18. júní 2014. Engar athugasemdir bárust.

Skipulagsnefnd samþykkir deiliskipulagsbreytinguna á grundvelli 4. gr.-e "Samþykktar um skipulagsnefnd" og felur skipulagsstjóra að annast gildistöku hennar.

Fundi slitið - kl. 10:00.