Öldungaráð

5. fundur 03. febrúar 2020 kl. 09:00 - 10:40 Rósenborg - fundarsalur 3. hæð
Nefndarmenn
  • Helgi Snæbjarnarson formaður
  • Arnrún Halla Arnórsdóttir
  • Elías Gunnar Þorbjörnsson
  • Sigríður Stefánsdóttir fulltrúi ebak
  • Halldór Gunnarsson fulltrúi ebak
  • Valgerður Jónsdóttir fulltrúi ebak
  • Eva Björg Guðmundsdóttir fulltrúi hsn
Starfsmenn
  • Kristinn Jakob Reimarsson sviðsstjóri samfélagssviðs ritaði fundargerð
Fundargerð ritaði: Kristinn Jakob Reimarsson sviðsstjóri
Dagskrá

1.Heimaþjónusta

Málsnúmer 2020010597Vakta málsnúmer

Þórdís Rósa Sigurðardóttir verkefnastjóri í heimaþjónustu á búsetusviði mætti á fundinn. Til umræðu var heilsuefling fyrir eldri borgara.
Öldungaráð þakkar Þórdísi fyrir komuna á fundinn og fagnar þeim hugmyndum sem hún setti fram varðandi áherslu á aukna heilsueflingu fyrir eldri borgara.

2.Öldungaráð - ýmis mál

Málsnúmer 2019020301Vakta málsnúmer

Til umræðu starfið á næstu mánuðum, starfshættir og ráð til að ná betri árangri og til að uppfylla lagaskyldur.

Einnig hvernig ráðið geti komið áfram eða náð einhverjum árangri í málum, án þess að til þeirra hafi verið veitt sérstökum fjármunum t.d. heilsuefling, samhæfing þjónustu og bætt upplýsingagjöf.
Samþykkt að unnar verði starfsreglur fyrir ráðið með hliðsjón af nýjum reglum og samþykktum. Arnrún Halla mun gera drög að þessum reglum.

3.Aðgerðaáætlun í málefnum eldri borgara

Málsnúmer 2020010595Vakta málsnúmer

Lagt er til að unnin verði sérstök aðgerðaáætlun í málefnum eldri borgara í samráði öldungaráðs og þeirra ráða og sviða/deilda sem koma að þjónustu við hópinn.
Öldungaráð leggur til við bæjarráð að skipaður verði vinnuhópur til að vinna aðgerðaáætlun um málefni eldri borgara. Markmiðið er að ná yfirsýn og upplýsingum á þjónustu ásamt því að gera stefnumótun til framtíðar.

4.Sameiginlegur fundur öldungaráðs og bæjarstjórnar

Málsnúmer 2020010596Vakta málsnúmer

Samkvæmt samþykkt um öldungaráð skal bæjarstjórn funda einu sinni á ári með öldungaráði.
Til umræðu undirbúningur fyrir sameiginlegan fund með bæjarstjórn. Rætt um að fundurinn yrði haldinn í apríl/maí.

5.Punkturinn - færsla á starfsemi upp í Víðilund

Málsnúmer 2020010598Vakta málsnúmer

Kristinn J. Reimarsson sviðsstjóri samfélagssviðs kynnti þá ákvörðun bæjarstjórnar að starfsemi Punktsins verði að hluta til færð upp í Víðilund.

6.Ráðstefna Öldrunarráðs Íslands 18. mars 2020

Málsnúmer 2020010601Vakta málsnúmer

Öldrunarráð Íslands stendur fyrir ráðstefnu í Reykjavík þann 18. mars nk. Óskað er eftir því að öldungaráð Akureyrarbæjar tilnefni fulltrúa í pallborð.
Öldungaráð samþykkir að skipa Sigríði Stefánsdóttur sem fulltrúa sinn á ráðstefnunni.

Fundi slitið - kl. 10:40.