Framkvæmdaráð

Lagt fram til kynningar erindi dags. 20. janúar 2012 frá Tryggva Þór Haraldssyni forstjóra Rarik ohf varðandi viðhaldsgjald fyrir götulýsingu og breytt eignarhald. Óskað er eftir viðræðum um yfirtöku á því götulýsingarkerfi sem er á vegumráðasvæði sveitarfélagsins.

Beiðni Glerárskóla dags. 27. febrúar 2012 um að taka Kvenfélagsreitinn við Skarðshlíð í "fóstur".

Helgi Már Pálsson bæjartæknifræðingur og Tómas Björn Hauksson forstöðumaður gatna, fráveitu og hreinlætismála fóru yfir stöðu fráveitumála og gerðu grein fyrir hugmyndum að lausnum.
Áður á dagskrá framkvæmdaráðs 17. febrúar sl.

Stefán Baldursson forstöðumaður Strætisvagna Akureyrar og Helgi Már Pálsson bæjartæknifræðingur fóru yfir minnisblað dags. 15. mars 2012 um notkun metans og lífdísels á ökutæki SVA og Ferliþjónustu Akureyrarbæjar.

Helgi Már Pálsson bæjartæknifræðingur og Jón Birgir Gunnlaugsson forstöðumaður umhverfismála kynntu minnisblað dags. 14. mars 2012 um framkvæmd og kostnað við grasslátt á árinu 2011 og hvernig grasslætti verði háttað á árinu 2012.

Sigfús Karlsson B-lista spurðist fyrir um kæru vegna kröfu um stöðvun framkvæmda við lengingu Dalsbrautar.