Bæjarstjórn

Bæjarstjórn samþykkir með 11 samhljóða atkvæðum að framlögð tillaga verði auglýst skv. 41. gr. skipulagslaga nr. 123/2010.

Bæjarstjórn samþykkir breytingu á aðalskipulagi Akureyrar 2018-2030 sem felst í lítilsháttar stækkun á iðnaðarsvæði I8B og að málsmeðferð verði óveruleg aðalskipulagsbreyting skv. 2. mgr. 36. gr. skipulagslaga nr. 123/2010.

Jafnframt samþykkir bæjarstjórn breytingu á deiliskipulagi B-áfanga Krossaneshaga og að hún verði auglýst skv. 41.gr. skipulagslaga.

Bæjarstjórn telur mikilvægt að tryggja mannréttindi og þjónustu við fatlað fólk og skorar því á ríkisstjórnina að fullfjármagna þjónustuna, en ætla má að hallinn í málaflokknum nemi nú um 12-13 milljörðum króna á landsvísu og að hlutur Akureyrarbæjar verði á árinu sem er að líða rúmar 800 milljónir.



Bæjarstjórn lýsir jafnframt yfir miklum áhyggjum yfir því að til standi að skerða framlög til embættis Lögreglustjórans á Norðurlandi eystra og að uppsafnaður vandi Sjúkrahússins á Akureyri sé ekki leystur.



Þá hvetur bæjarstjórnin til þess að lögð verði fram fjármögnuð aðgerðaáætlun sem styðji við svæðisbundið hlutverk Akureyrarbæjar og að aukið fjármagn verði sett í sóknaráætlun landshlutans.

Bæjarstjórn felur skipulagsráði og umhverfis- og mannvirkjaráð að leggja fram tillögu um með hvaða hætti best sé að kortleggja helstu áhættuþætti vegna loftslagsbreytinga og leiðir til aðlögunar. Horft verði sérstaklega til hækkunar yfirborðs sjávar, úrkomu og flóða, ofsaveðurs og fárviðris, lífríkis og gróðurfars.

Bæjarstjórn leggur jafnframt áherslu á að framkvæmdum við land- og sjóvarnir við Akureyri verði flýtt eins og kostur er og að unnin verði sérstök viðbragðsáætlun vegna mögulegra flóða. Bæjarstjórn felur bæjarstjóra að fylgja málunum eftir.

Tillaga Jönu Salóme Ingibjargar Jósepsdóttur var borin upp til atkvæða:

Bæjarstjórn telur mikilvægt að hækka þjónustustig SVA, að útfærsla á nýju leiðaneti liggi fyrir ekki síðar en í nóvember á þessu ári og að gert sé ráð fyrir fjármögnun breytinganna í fjárhagsáætlun ársins 2023.

Fjórir fulltrúar minnihlutans greiddu atkvæði með tillögunni gegn sex atkvæðum meirihlutans. Sunna Hlíf Jóhannesdóttir sat hjá. Tillagan var felld.

Tillaga Gunnars Líndal Sigurðssonar var borin upp til atkvæða:

Meirihluti bæjarstjórnar telur að greina þurfi betur kostnað við nýtt leiðakerfi strætó áður en til innleiðingar kemur. Ein af forsendum fyrir endurskoðun á leiðakerfinu var að kostnaður myndi ekki aukast. Dregist hefur að koma á talningarkerfi sem við teljum að gæti gefið okkur mikilvægar upplýsingar sem liggja ættu til grundvallar breytinga á leiðakerfi. Æskilegt er að meta í samhengi kolefnisspor við rekstur strætisvagnakerfis í samanburði við aðra samgöngumáta svo sem með einkabíl, reiðhjóli, hlaupahjóli og fótgangandi. Meirihluti bæjarstjórnar telur mikilvægt að sem fyrst liggi fyrir hvar koma skuli fyrir vinnuaðstöðu bílstjóra strætó og felur umhverfis- og mannvirkjaráði að leggja fram tillögur fyrir 1. desember 2022.

Tillagan var samþykkt með sex atkvæðum meirihlutans gegn fjórum atkvæðum minnihlutans. Sunna Hlín Jóhannesdóttir sat hjá.

Bæjarstjórn samþykkir samhljóða að hefja ætti samtal og samráð við öldungaráð og Félag eldri borgara á Akureyri (EBAK) um hvernig gera megi Nausta- og Hagahverfi að aldursvænni hverfum með tilliti til þjónustu og/eða samkomustaða. Þá er mikilvægt að hafa slíkt markmið í huga við uppbyggingu nýrra hverfa. Að endingu ætti þess að vera gætt að þjónustu og verslun sé ekki úthýst úr nýjum hverfum með skipulagsbreytingum.

Tillaga Hildu Jönu Gísladóttur var borin upp til atkvæða:

Frú Ragnheiður er samfélagslega þarft verkefni sem þjónustar einstaklinga með erfiðan fíknivanda, veitir heilbrigðisaðstoð, sálrænan stuðning og nálaskiptaþjónustu. Bæjarstjórn telur mikilvægt að samningar við Sjúkratryggingar Íslands náist um verkefnið til framtíðar. Bæjarstjórn telur jafnframt að Akureyrarbær, auk annarra sveitarfélaga í Eyjafirði ættu að koma samhliða að stuðningi við starfsemina.

Tillagan var samþykkt með 10 atkvæðum. Hlynur Jóhannesson sat hjá.