Bæjarráð

3414. fundur 22. maí 2014 kl. 09:00 - 11:00 Bæjarstjórnarsalur á 4. hæð í Ráðhúsi
Nefndarmenn
  • Halla Björk Reynisdóttir formaður
  • Geir Kristinn Aðalsteinsson
  • Oddur Helgi Halldórsson
  • Logi Már Einarsson
  • Sigurður Guðmundsson
  • Andrea Sigrún Hjálmsdóttir áheyrnarfulltrúi
  • Guðmundur Baldvin Guðmundsson áheyrnarfulltrúi
  • Ólafur Jónsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá

1.Hverfisnefnd Naustahverfis - fundargerðir 2014

2014010033

Lögð fram 59. fundargerð hverfisnefndar Naustahverfis dags. 12. maí 2014. Fundargerðina má finna á netslóðinni:
http://www.akureyri.is/is/stjornkerfid/hverfisnefndir/naustahverfi/fundargerdir

Bæjarráð vísar 4. og 5. lið til framkvæmdadeildar, 1. 2. og 3. liður lagðir fram til kynningar.

2.Hverfisnefnd Holta- og Hlíðahverfis - fundargerðir 2014

2014010038

Lögð fram til kynningar fundargerð aðalfundar hverfisnefndar Holta- og Hlíðahverfis dags. 30. apríl 2014. Fundargerðina má finna á netslóðinni:
http://www.akureyri.is/is/stjornkerfid/hverfisnefndir/holta-og-hlidahverfi/fundargerdir-2014-2015

3.Hverfisráð Hríseyjar - fundargerðir 2010-2015

2010020035

Lögð fram til kynningar 80. fundargerð hverfisráðs Hríseyjar dags. 14. maí 2014.
Fundargerðina má finna á netslóðinni:
http://www.akureyri.is/is/stjornkerfid/hverfisnefndir/hrisey/fundargerdir

4.Landsfundur Upplýsingar 2014, félags bókasafns- og upplýsingafræða - styrkbeiðni

2014050107

Erindi dags. 12. maí 2014 frá Astrid Margréti Magnúsdóttur, formanni Upplýsingar, þar sem óskað er eftir styrk vegna Landsfundar sem haldinn verður á Akureyri dagana 2. og 3. október nk.

Bæjarráð samþykkir styrk að upphæð kr. 150.000. Færist af liðnum móttaka gesta.

5.BKNE - krafa um leiðréttingu launa grunnskólakennara

2014050105

Lögð fram til kynningar áskorun fundar BKNE sem haldinn var 15. maí sl.

6.Nökkvi félag siglingamanna á Akureyri - uppbyggingarsamningur 2014-2018

2014010269

Tekið fyrir að nýju, bæjarráð frestaði afgreiðslu á fundi sínum þann 15. maí sl.
12. liður í fundargerð íþróttaráðs dags. 10. apríl 2014:
Drög að uppbyggingar- og framkvæmdasamningi við Nökkva félag siglingamanna á Akureyri lögð fram.
Íþróttaráð samþykkir drög að uppbyggingar- og framkvæmdasamningi við Nökkva og vísar honum til bæjarráðs.

Bæjarráð samþykkir samninginn með þeim breytingum sem fram komu á fundinum og felur bæjarstjóra að ganga frá málinu.

7.Skátafélagið Klakkur - uppbyggingarsamningur 2014-2018

2014010268

Tekið fyrir að nýju, bæjarráð frestaði afgreiðslu á fundi sínum þann 15. maí sl.
1. liður í fundargerð samfélags- og mannréttindaráðs dags. 23. apríl 2014:
Drög að uppbyggingar- og framkvæmdasamningi við Skátafélagið Klakk lögð fram.
Ellert Örn Erlingsson forstöðumaður íþróttamála sat fundinn undir þessum lið.
Samfélags- og mannréttindaráð samþykkir drögin fyrir sitt leyti og vísar þeim til bæjarráðs.

Bæjarráð samþykkir samninginn með þeim breytingum sem fram komu á fundinum og felur bæjarstjóra að ganga frá málinu.

8.Álag og fjarvera í leikskólum Akureyrarbæjar

2013120098

Tekið fyrir að nýju, bæjarráð frestaði afgreiðslu á fundi sínum þann 15. maí sl.
1. liður í fundargerð skólanefndar dags. 5. maí 2014:
Lögð að nýju fyrir skýrsla um álag í leikskólum en afgreiðslu var frestað á síðasta fundi.
Í skýrslunni eru eftirfarandi tillögur til úrbóta lagðar fram:
- Afleysingahlutfall verði aukið úr 7% í 8,33% líkt og það var árið 2008.
- Heimilt verði að ráða strax í stöður vegna langtímaveikinda.
- Gerð verði úttekt á hljóðvist í öllum leikskólum Akureyrar með tilliti til húsnæðis, skipulags og fjölda barna á hverri deild eða í hverju rými.
- Gerð verði úttekt á vinnuaðstöðu og aðbúnaði í leikskólum Akureyrar.
- Gripið verði til aðgerða til heilsueflingar meðal starfsfólks og komið á fót heilsueflingarráði í hverjum skóla líkt og fram kemur í velferðarstefnu Akureyrar.
- Gripið verði til beinna aðgerða í þeim tilgangi að hvetja starfsfólk til hreyfingar s.s. með föstum greiðslum.
- Skráning forfalla verði bætt svo hægt verði að greina betur hvers eðlis þau eru.
- Við hönnun leikskóla verði gert ráð fyrir meira rými á hvert barn en nú er raunin og tryggð verði góð vinnuaðstaða.
- Akureyrarbær beiti sér fyrir því að hluti undirbúningstíma verði bundinn við hverja deild/leikskóla en ekki eingöngu hvern leikskólakennara.
Skólanefnd samþykkir fyrirliggjandi tillögur til úrbóta. Skólanefnd leggur til við bæjarráð að fjárveitingar til leikskóla verði auknar, á þessu fjárhagsári, um kr. 6.000.000 svo hækka megi afleysingaprósentu í leikskólum úr 7% í 8,33% frá og með 1. ágúst 2014 og kr. 7.500.000 frá 1. júní 2014, til að mæta því að geta ráðið strax inn afleysingu þegar fólk fer í langtímaveikindi.
Skólanefnd samþykkir að fela leikskólafulltrúa að vinna að öðrum úrbótatillögum í samráði við skólastjóra leikskólanna.
Skólanefnd þakkar starfshópnum fyrir góða vinnu.

Bæjarráð samþykkir að hækka megi afleysingaprósentu í leikskólum úr 7% í 8,33% frá og með 1. ágúst 2014 og að frá 1. júní nk. verði hægt að ráða strax inn afleysingu þegar fólk fer í langtímaveikindi.

Bæjarráð samþykkir framlagðan viðauka.

9.Hrísey - samstarfsaðilar um nýtingu viðbótar aflaheimilda

2014050144

Lagt fram erindi sent með tölvupósti dags. 21. maí 2014 frá Sigurði Árnasyni hjá þróunarsviði Byggðastofnunar þar sem kemur fram að stjórn Byggðastofnunar hefur á grundvelli greiningar á stöðu einstakra byggðarlaga ákveðið að auglýsa eftir samstarfsaðilum um nýtingu viðbótaraflaheimilda til að stuðla að meginmarkmiðum verkefnisins sem fellur að viðmiðum er fram koma í erindinu:
Hrísey í Akureyrarbæ allt að 150 þorskígildistonnum.
Umsóknarfrestur er til kl. 12:00 miðvikudaginn 11. júní nk.

Bæjarráð felur bæjarstjóra að senda inn umsókn.

Fundi slitið - kl. 11:00.