Bæjarráð

3407. fundur 27. mars 2014 kl. 09:00 - 10:25 Bæjarstjórnarsalur á 4. hæð í Ráðhúsi
Nefndarmenn
  • Halla Björk Reynisdóttir formaður
  • Oddur Helgi Halldórsson varaformaður
  • Tryggvi Þór Gunnarsson
  • Anna Hildur Guðmundsdóttir
  • Logi Már Einarsson
  • Andrea Sigrún Hjálmsdóttir áheyrnarfulltrúi
  • Guðmundur Baldvin Guðmundsson áheyrnarfulltrúi
  • Ólafur Jónsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá
Tryggvi Þór Gunnarsson L-lista mætti í forföllum Geirs Kristins Aðalsteinssonar.
Anna Hildur Guðmundsdóttir A-lista mætti í forföllum Sigurðar Guðmundssonar.
Ólafur Jónsson D-lista mætti á fundinn kl. 09:17.

1.Fráveita Akureyrarbæjar - flutningur til Norðurorku

Málsnúmer 2013100211Vakta málsnúmer

Umræður um yfirfærslu fráveitu Akureyrarbæjar til Norðurorku hf.

Í upphafi þessa dagskrárliðar vakti Halla Björk Reynisdóttir L-lista á því athygli að hún teldi sig vanhæfa að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir bæjarráð og var það samþykkt með 5 samhljóða atkvæðum.

Halla Björk Reynisdóttir L-lista vék af fundi við umræðu málsins.

2.Hrísey og Grímsey - almenningssamgöngur

Málsnúmer 2014030199Vakta málsnúmer

Lagt fram til kynningar svar Eyþings dags. 19. mars 2014 til hverfisráða Hríseyjar og Grímseyjar vegna almenningssamgangna.

3.Gásakaupstaður ses - aðalfundur 2014

Málsnúmer 2014030214Vakta málsnúmer

Erindi dags. 6. mars 2014 frá Haraldi Þór Egilssyni formannni f.h. stjórnar Gásakaupstaðar ses þar sem boðað er til aðalfundar fimmtudaginn 27. mars nk. kl. 12:00 í Zonta-salnum, Aðalstræti 54, Akureyri.

Bæjarráð felur Þórgný Dýrfjörð framkvæmdarstjóra Akureyrarstofu að fara með umboð Akureyrarbæjar á fundinum.

4.Samningur um skólavist utan lögheimilissveitarfélags

Málsnúmer 2014030103Vakta málsnúmer

3. liður í fundargerð skólanefndar dags. 17. mars 2014:
Fyrir fundinn voru lögð drög að samningi milli Akureyrarbæjar og Eyjafjarðarsveitar um skólavist utan lögheimilssveitarfélags.
Skólanefnd samþykkir fyrirliggjandi drög.

Bæjarráð samþykkir fyrirliggjandi drög.

5.Barnasáttmáli Sameinuðu þjóðanna - innleiðing

Málsnúmer 2014030109Vakta málsnúmer

2. liður í fundargerð samfélags- og mannréttindaráðs dags. 19. mars 2014:
Lögð fram eftirfarandi tillaga frá ungmennaráði um að Akureyrarbær innleiði Barnasáttmála Sameinuðu þjóðanna og samþykki þar með að nota sáttmálann sem viðmið í öllu starfi sínu.
"Fulltrúar ungmennaráðs Akureyrarbæjar skora hér með á bæjarráð Akureyrar að innleiða Barnasáttmálann, sem lögfestur var þann 20. febrúar 2013, inn í allt sitt starf og hafa hann að leiðarljósi er varðar öll réttindi barna að 18 ára aldri."
Barnasáttmálann má lesa á slóðinni:
http://barn.is/barn/adalsida/barnasattmalinn/barnasattmalinn_i_heild/
Samfélags- og mannréttindaráð tekur undir hugmynd ungmennaráðs og leggur til að skipaður verði vinnuhópur sem kanni kosti þess að Akureyrarbær innleiði Barnasáttmálann. Fulltrúar samfélags- og mannréttindaráðs verða Anna Hildur Guðmundsdóttir, kt. 221169-3449 og Tryggvi Þór Gunnarsson, kt. 130565-3959. Ráðið leggur til að ungmennaráð skipi tvo fulltrúa og bæjarráð einn.

Bæjarráð skipar Odd Helga Halldórsson, kt. 240359-3089, bæjarfulltrúa, í vinnuhópinn.

6.Landsmót skáta að Hömrum 20.- 27. júlí 2014

Málsnúmer 2013070062Vakta málsnúmer

Erindi dags. 19. nóvember 2013 frá mótsstjóra Landsmóts skáta 2014 og viðburðastjóra BÍS þar sem óskað er eftir styrk að upphæð kr. 3.000.000 vegna Landsmóts skáta 2014 sem haldið verður að Hömrum dagana 20.- 27. júlí nk.

Bæjarráð samþykkir styrk að upphæð kr. 1.500.000. Kostnaður færist á styrkveitingar bæjarráðs og móttöku gesta.

7.Framhaldsskólanemar - frítt í sund í verkfalli

Málsnúmer 2014030304Vakta málsnúmer

Logi Már Einarsson S-lista lagði fram tillögu að bókun svohljóðandi:
Bæjarráð samþykkir að veita framhaldsskólanemum bæjarins frítt í sund á meðan á verkfalli stendur, enda framvísi þeir skólaskírteinum.
Mikilvægt er að hvetja nemendur til virkni á meðan á verkfalli stendur og þetta er viðleitni Akureyrarbæjar til að gera þeim það kleift.
Bæjarráð samþykkir framlagða bókun.

Fundi slitið - kl. 10:25.