Bæjarráð

3304. fundur 19. janúar 2012 kl. 09:00 - 11:53 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Geir Kristinn Aðalsteinsson
  • Halla Björk Reynisdóttir
  • Hermann Jón Tómasson
  • Ólafur Jónsson
  • Andrea Sigrún Hjálmsdóttir áheyrnarfulltrúi
  • Guðmundur Baldvin Guðmundsson áheyrnarfulltrúi
  • Sigurður Guðmundsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson fjármálastjóri
  • Heiða Karlsdóttir fundarritari
Dagskrá

1.Leikfélag Akureyrar - staða rekstrar

2011080046

Eiríkur Haukur Hauksson framkvæmdastjóri LA og Saga Jónsdóttir stjórnarmaður LA mættu á fund bæjarráðs og fóru yfir stöðu rekstrar og framtíðaráform félagsins.

Bæjarráð þakkar Eiríki Hauki og Sögu fyrir yfirferðina.

2.Viðtalstímar bæjarfulltrúa - fundargerðir 2012

2012010167

Lögð fram fundargerð viðtalstíma bæjarfulltrúa dags. 12. janúar 2012. Fundargerðin er í 7 liðum.

Bæjarráð vísar 1. lið a) til framkvæmdadeildar, b) og c) til skipulagsdeildar, d) var svarað í viðtalstímanum, 2. lið a) vísað til framkvæmdadeildar og b) til Fasteigna Akureyrarbæjar. 3. lið er vísað til skólanefndar, 4. lið til skipulagsdeildar, 5. lið til framkvæmdadeildar, 6. lið til skipulagsdeildar og 7. lið til framkvæmdaráðs.

Þegar hér var komið vék Geir Kristinn Aðalsteinsson L-lista af fundi kl. 10:10.

3.Reglur félagsmálaráðs Akureyrar um fjárhagsaðstoð

2010010047

2. liður í fundargerð félagsmálaráðs dags. 11. janúar 2012:
Guðrún Sigurðardóttir framkvæmdastjóri fjölskyldudeildar, Karólína Gunnarsdóttir þjónustustjóri og Ester Lára Magnúsdóttir verkefnastjóri kynntu drög að breytingum á reglum félagsmálaráðs um fjárhagsaðstoð.
Félagsmálaráð samþykkir breyttar reglur með athugasemdum sem gerðar voru á fundinum og vísar málinu til bæjarráðs.

Bæjarráð samþykkir framlagðar reglur um fjárhagsaðstoð og vísar þeim til afgreiðslu bæjarstjórnar.

4.Fjárhagsaðstoð 2012 - breyting á framfærslugrunni

2012010023

3. liður í fundargerð félagsmálaráðs dags. 11. janúar 2012:
Guðrún Sigurðardóttir framkvæmdastjóri fjölskyldudeildar, Karólína Gunnarsdóttir þjónustustjóri og Ester Lára Magnúsdóttir verkefnastjóri sátu fundinn undir þessum lið.
Lagt var fram minnisblað Guðrúnar Sigurðardóttur dags. 5. janúar 2012 um breytingu á framfærslugrunni í fjárhagsaðstoð.
Félagsmálaráð samþykkir að hækka framfærslugrunn fjárhagsaðstoðar um 5.26% í samræmi við hækkun neysluvísitölu frá desember 2010 til desember 2011. Málinu vísað til bæjarráðs.

Bæjarráð samþykkir framlagða breytingu á framfærslugrunni fjárhagsaðstoðar.

5.Búsetudeild - gjaldskrár 2012

2011120048

5. liður í fundargerð félagsmálaráðs dags. 11. janúar 2012:
Soffía Lárusdóttir framkvæmdastjóri búsetudeildar lagði fram breytingu á tekjumörkum í gjaldskrá fyrir heimaþjónustu Akureyrarbæjar 2012.
Félagsmálaráð samþykkir hækkun á tekjumörkum fyrir sitt leyti og vísar málinu til bæjarráðs.

Bæjarráð samþykkir framlagða breytingu á tekjumörkum í gjaldskrá fyrir heimaþjónustu Akureyrarbæjar og vísar henni til afgreiðslu bæjarstjórnar.

6.Lautin 2012

2012010115

7. liður í fundargerð félagsmálaráðs dags. 11. janúar 2012:
Soffía Lárusdóttir framkvæmdastjóri búsetudeildar lagði fram rekstrarsamning um dagsathvarf fyrir einstaklinga með geðraskanir árið 2012-2013.
Félagsmálaráð samþykkir saminginn fyrir sitt leyti með breytingum sem gerðar voru á fundinum og vísar honum til bæjarráðs.

Bæjarráð samþykkir framlagðan rekstrarsamning.

7.Skákfélag Akureyrar - styrkbeiðni vegna skákþings Íslands í landsliðsflokki 2012

2012010168

Erindi dags. 14. janúar 2012 frá Áskeli Erni Kárasyni formanni Skákfélags Akureyrar þar sem beðið er um 750.000 kr. styrk til að halda Skákþing Íslands í landsliðsflokki (Íslandsmótið í skák) í apríl nk.

Bæjarráð samþykkir styrk að upphæð kr. 300.000.

8.Bæjarsjóður Akureyrar - yfirlit um rekstur 2011

2011050045

Lagt fram til kynningar yfirlit um rekstur aðalsjóðs frá janúar til nóvember 2011.

9.Önnur mál

2012010085

a) Ólafur Jónsson D-lista óskar eftir því við formann bæjarráðs að fulltrúar Fallorku ehf komi á fund bæjarráðs við fyrstu hentugleika og fari yfir stöðu mála varðandi virkjun í efri hluta Glerár.

b) Bæjarráð lýsir ánægju sinni með þá viðurkenningu sem vefur Akureyrarbæjar hlaut í gær sem besti sveitarstjórnarvefurinn og þakkar þeim aðilum sem komu að uppsetningu og hönnun hans fyrir vel unnin störf.

Fundi slitið - kl. 11:53.