Bæjarráð

3263. fundur 24. febrúar 2011 kl. 09:00 - 11:52 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Geir Kristinn Aðalsteinsson
  • Halla Björk Reynisdóttir
  • Guðmundur Baldvin Guðmundsson
  • Ólafur Jónsson
  • Andrea Sigrún Hjálmsdóttir áheyrnarfulltrúi
  • Hermann Jón Tómasson áheyrnarfulltrúi
  • Sigurður Guðmundsson áheyrnarfulltrúi
Starfsmenn
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá

1.Bæjarráð - heimsóknir

Málsnúmer 2011010076Vakta málsnúmer

Fulltrúar Pollsins, félags áhugafólks um stjórnmál á Akureyri, þeir Gísli Aðalsteinsson, Helgi Vilberg, Jón Þorvaldur Heiðarsson og Ragnar Sverrisson ásamt Önnu Margréti Guðjónsdóttur, ráðgjafa og fv. forstöðumanni Brussel-skrifstofu Sambands íslenskra sveitarfélaga mættu á fund bæjarráðs og ræddu hvaða áhrif innganga í ESB hefði á okkar landshluta.

Bæjarráð þakkar gestunum komuna á fundinn.

2.Öldrunarheimili Akureyrar - starfsemi 2011

Málsnúmer 2011010041Vakta málsnúmer

Á fundi sínum þann 17. febrúar sl. fól bæjarráð bæjarstjóra og framkvæmdastjóra Öldrunarheimila Akureyrar að óska eftir skýrum svörum frá velferðarráðherra um endanlegar fjárveitingar til Öldrunarheimila Akureyrar fyrir næsta fund bæjarráðs.

Ekki hefur borist svar frá velferðarráðherra.

3.Fjárhagsáætlun Heilbrigðiseftirlits Norðurlands eystra 2011

Málsnúmer 2010090127Vakta málsnúmer

Lagt fram bréf Heilbrigðiseftirlits Norðurlands eystra dags. 14. febrúar 2011 ásamt endurskoðaðri fjárhagsáætlun Heilbrigðiseftirlitsins fyrir árið 2011 og áætlaðri kostnaðarskiptingu milli sveitarfélaga.
Einnig lögð fram fundargerð 132. fundar Heilbrigðisnefndar Norðurlandssvæðis eystra dags. 3. febrúar 2011.

Bæjarráð samþykkir endurskoðaða fjárhagsáætlun Heilbrigðiseftirlits Norðurlands eystra 2011 fyrir sitt leyti og vísar henni til endurskoðunar fjárhagsáætlunar 2011.

4.Námskeið fyrir sveitarstjórnarmenn 2011

Málsnúmer 2011020084Vakta málsnúmer

Lagt fram til kynningar erindi dags. 9. febrúar 2011 frá Sambandi íslenskra sveitarfélag þar sem kynnt er námskeið fyrir sveitarstjórnarmenn vorið 2011 í samvinnu við landshlutasamtök sveitarfélaga.

5.Eyþing - fundargerðir

Málsnúmer 2010110064Vakta málsnúmer

Lögð fram til kynningar fundargerð 220. fundar stjórnar Eyþings dags. 31. janúar 2011.

6.Hundahald - gjaldskrá - endurskoðun

Málsnúmer 2011020085Vakta málsnúmer

2. liður í fundargerð framkvæmdaráðs dags. 18. febrúar 2011:
Lögð fram endurskoðuð gjaldskrá fyrir hundahald.
Framkvæmdaráð samþykkir breytingar á gjaldskrá vegna hundahalds í Akureyrarkaupstað
sem gerir ráð fyrir að handsömunargjald fyrir óskráðan hund verði kr. 10.000 og kr. 5.000 fyrir hund sem er skráður.

Bæjarráð samþykkir gjaldskrána.

7.Fjárhagsáætlun Akureyrarbæjar - þriggja ára áætlun 2012-2014

Málsnúmer 2011010090Vakta málsnúmer

Unnið að gerð þriggja ára áætlunar 2012-2014.

Bæjarráð vísar þriggja ára áætlun 2012-2014 til fyrri umræðu í bæjarstjórn.

8.Önnur mál

Málsnúmer 2011010003Vakta málsnúmer

a) Ólafur Jónsson D-lista bar fram eftirfarandi spurningar:
Hvernig er staðan í innleiðingu nýja sorphirðukerfisins m.t.t.:
1. Að koma nýjum tunnum fyrir við öll heimili?
2. Hvað eru margar grenndargámastöðvar komnar í notkun og hvað á eftir að koma mörgum fyrir?
3. Eru tiltækar einhverjar nýtingartölur úr þeim grenndargámum sem hafa verið lengst í notkun og ef svo er hvað sýna þær tölur?

Formaður bæjarráðs tilkynnti að svör við spurningunum yrðu lagðar fram á næsta fundi bæjarráðs.

b) Ólafur Jónsson D-lista óskar eftir að gerð verði úttekt á öllum stoppistöðvum SVA m.t.t. aðgengis og aðstöðu fyrir farþega.
Ólafur óskar einnig eftir að haldið verði áfram í þeirri vinnu að bæta aðgengi fatlaðra að stofnunum bæjarins.

Bæjarráð vísar b) lið til skipulagsnefndar.

Fundi slitið - kl. 11:52.